باشقىلارغا تەسەللى بېرىش

بىر ئايالنىڭ ناھايىتى ئارزۇلۇق ئوغلى ئۆلۈپ كېتىپ ئىنتايىن قايغۇرۇپتۇ، شۇنىڭ بىلەن ئۇ ناھايىتى داڭلىق بىر تىۋىپتىن: ‹‹سىزنىڭ ئوغلۇمنى تىرىلدۈرەلەيدىغان بىرەر ئامالىڭىز بارمىدۇ؟›› دەپ سوراپتۇ. تىۋىپ: ‹‹ئامالىم بار، ئەمما ئاۋۋال سىز ماڭا بىر ئىستاكان سوغۇق سۇ ئەكىلىپ بېرىسىز، بۇ سۇنى چوقۇم ھېچقانداق قايغۇسى يوق ئائىلىدىن سوراپ ئېلىپ كېلىشىڭىز شەرت. شۇ سۇ ئارقىلىق ئوغلىڭىزنى تىرىلدۈرگىلى بولىدۇ›› دەپتۇ. ئايال بۇ گەپنى ئاڭلاپ ناھايىتى خۇشال بوپتۇ ۋە دەرھال سۇ ئەكىلىش ئۈچۈن كىشىلەرنىڭ ئۆيلىرىگە مېڭىپتۇ. ئەمما ئۇ قانداقلىكى شەھەر ياكى يېزىغا بارسۇن، ھەممىسىنىڭلا ئۆزلىرىگە تۇشلۇق غەم - قايغۇلىرى بار بولۇپ، قايغۇسىز بىرمۇ ئائىلىنى تاپالماپتۇ.    ئاخىرقى ئۆمرىدە ئۇ ئۆزىنىڭ قايغۇسىنىمۇ ئۇنتۇپ، باشقىلارنىڭ ئازابلىرىغا تەسەللى بېرىش بىلەن ئالدىراش ئۆتۈپتۇ.    ھېكمەت: ئەمەلىيەتتە دۇنيادا قايغۇسىز كىشى يوق، ئۆزىمىزنىڭ تەجرىبىلىرى ئارقىلىق باشقىلارنىڭ قايغۇسىغا مەلھەم بولالىساق، ئۇلارغا شادلىق بېغىشلاپلا قالماي، ئۆزىمىزگىمۇ ئەڭ سەمىمىي تەسەللى، بەخت ۋە خۇشاللىق تاپالايمىز.

كۆرۈلۈشى:1463

قوشۇلغان ۋاقتى:2010/12/3 19:10:48

يوللىغۇچى ئەزا:xirinim

سىرلىقلىقىڭىزنى..	چاچ چۈشۈشنى كەلت..	ھەددىدىن زىيادە ..	سەۋزە ئۆپكىنى ئا..	مېۋە پوستى بىلەن..	دۇنيادىكى ئەڭ تو..
ئاياللارنىڭ جورا..	«ئەر-خوتۇنلار ئو..	ئەر -ئاياللار ھەق..	ھازىرنىڭ ئۆزى بە..	تەنھالىق ئىنسانغ..	ساپما كەشنىڭ زىي..