مۇخبىرنىڭ شىنجاڭ ئۇيغۇر ئاپتونوم رايونلۇق ساياھەت ئىدارىسىدىن ئۇقۇشىچە، توقسۇن ناھىيەسى بۇ يىل 8 - ئايدا «لەغمەن بايرىمى» ئۆتكۈزۈپ، شىنجاڭنىڭ تائام مەدەنىيىتىنى تونۇشتۇرىدىكەن، بۇ ئارقىلىق يەرلىكنىڭ ئالاھىدە ساياھەت كەسپىنىڭ تەرەققىياتىنى ئىلگىرى سۈرىدىكەن.
ئىگىلىنىشچە، توقسۇن ناھىيەسىدە ئۆتكۈزۈلىدىغان «لەغمەن بايرىمى»نىڭ مەزمۇنى مول بولۇپ، بايرام مەزگىلىدە ئاشپەزلەر لەغمەن ئېتىش بويىچە مۇسابىقىلىشىپ، باھالىغۇچىلار باھالىغاندىن كېيىن، مۇسابىقىدە ئۇتۇپ چىققان ماھىرلار ئۈچ دەرىجە بويىچە مۇكاپاتلىنىدىكەن. لەغمەن بايرىمى مەزگىلىدە ساياھەتچىلەرمۇ مۇسابىقىگە قاتناشسا بولىدىكەن، لەغمەننى بەلگىلەنگەن ۋاقىت ئىچىدە ئەڭ تېز يەپ بولغان ساياھەتچى دەرىجىگە ئېرىشىدىكەن.