جۇڭگو پەنلەر ئاكادېمىيەسىنىڭ ئاكادېمىكى ياڭ فۇجيا جۇڭگو ۋە چەت ئەللەردە ئوقۇغان، دۆلەت ئىچى-سىرتىدا نام قازانغان يادرو فىزىكا ئالىمى، 20 يىل ئىلگىرى فۇدەن ئۇنىۋېرسىتېتىنىڭ مەكتەپ مۇدىرلىقىنى ئۈستىگە ئالغان. 12 يىل ئىلگىرى، ئۇ ھەممىنى تاڭ قالدۇرۇپ، ئەنگلىيە ئۇنىۋېرسىتېتىنىڭ تۇنجى جۇڭگولۇق مەكتەپ مۇدىرى بولغان ھەم ئۇدا 4 قېتىم ۋەزىپە ئۆتىگەن.

　　يېقىندا، ئۇ گېزىتىمىز مۇخبىرىنىڭ زىيارىتىنى قوبۇل قىلغاندا مۇنۇلارنى بىلدۈردى: «20 يىلدىن بۇيان، مەن ئىزچىل ھالدا يۇقىرى سەۋىيەلىك ئۇنىۋېرسىتېت چۈشىنى كۆرۈپ كەلدىم، يەنە ‹جۇڭگو-چەت ئەل ھەمكارلىق ئۇنىۋېرسىتېتى› ئارزۇسىدىمۇ بولدۇم، يېقىندىن بۇيان يەنە بىر يۇقىرى سەۋىيەلىك خەلق باشقۇرۇشىدىكى ئۇنىۋېرسىتېتنىڭ بار بولۇشىنى ئارزۇ قىلىۋاتىمەن. بۇ يىل زۇڭلى ۋېن جياباۋ ھۆكۈمەت خىزمىتىدىن دوكلاتتا خەلق باشقۇرۇشىدىكى مائارىپنى زور كۈچ بىلەن راۋاجلاندۇرۇشنى قايتا-قايتا تەكىتلىدى، بۇ مېنىڭ ئىشەنچىمنى تېخىمۇ مۇستەھكەملىدى.»