5-فېۋرال سائەت 18 دىن 20 مىنۇت ئۆتكەندە، ماسكا تاقىۋالغان بىر ئەر تىنچلىق يولىدىكى بىر ئالتۇن دۇككىنىغا كىرىپ كەلگەن، ھەمدە سىناپ بىقىشنى باھانە قىلىپ ئىككى ئالتۇن زەنجىرنى تاقىغان. ئارقىدىنلا يانچۇقىدىن بىر "تاپانچا" نى چىقىرىپ، "قىمىرلىما، بۇلايمەن" دەپ ۋارقىرىغان. تەھدىت سىلىپ بولۇپلا قىچىپ كەتكەن. دۇكان خىزمەتچىسى قوغلاپ چىققاند بولسا بۇلاڭچى ئاللىقاچان يوقاپ كەتكەن. ئېنىقلاش ئارقىلىق، بۇلاڭچى بۇلاپ كەتكەن زەنجىرنىڭ ئېغىرلىقى ئايرىم-ئايرىم 81 گرام، 67گرام، باھاسى 70 مىڭ يۈەن ئىكەنلىكى ئىنىقلانغان.

دېلو مەلۇماتىنى تاپشۇرۋالغاندىن كېيىن، ۋېيخەي شەھەرلىك ج خ ئىدارىسى، خۇەنسۈي تارماق ئىدارىسى قاتارلىق ئىككى دەرىجىلىك ئورۇن ماھىر ساقچىلارنى چىقىرىپ مەخسۇس دېلو گۇرۇپپىسى قۇرغان. مەخسۇس دېلو گۇرۇپپىسى جىنايەت گۇماندارىنىڭ چىراي شەكل ئالاھىدىلىكى، قىچىپ كەتكەن يۆنىلىش قاتارلىقلارنى تەكشۈرۈش ئارقىلىق، 6-فېۋرال چۈشتىن بۇرۇن، جاڭ پالانىنى جىنايەت گۇماندارى دەپ مۇقىملاشتۇرغان.

6-فېۋرال چۈشتىن كېيىن، ساقچىلار ۋېيخەي شەھىرى مەشئەل يىڭى تېخنىكا ئىچىش تەرەققىيات رايونىدىكى بىر ئىلىكتىرون كارخانىسى ئىچىدە، ئىشلەۋاتقان جاڭ پالانىنى قولغا چۈشۈرگەن. سوراقتا، جاڭ پالانى ئالتۇن دۇكىنىنى بۇلىغان جىنايى قىلمىشىنى تولۇق ئىقرار قىلغان، ھەمدە جىنايەت سادىر قىلغاندا ئىشلەتكەن "تاپانچا" نى تاپشۇرغان. ئەمما بۇ "تاپانچا" ئوخشىتىپ ياسالغان يالغان تاپانچا بولۇپ چىققان، ئىككى دانە ئالتۇن زەنجىرمۇ جىنايەت گۇماندارى قىچىش جەريانىدا يوقىتىپ قويغان.

7-فېۋرال چۈشتىن كېيىن، مۇخبىر ۋېيخەي شەھەرلىك تۇتۇپ تۇرۇش ئورنىدا جاڭ پالانىنى زىيارەت قىلغان. 26 ياشقا كىرگەن جاڭ پالانى ئۆزىنىڭ باشقىلارغا 30 مىڭ يۈەن قەرز بولۇپ قالغانلىقىنى ھەمدە قايتۇرالمىغانلىقتىن "ھېچقانداق ئامال قالمىغاندا" ئاندىن بىر سىناپ بىقىش قارارىغا كەلگەنلىكىنى، ھەمدە 20 يۈەنگە بىر سۇلياۋدىن ياسالغان ئويۇنچۇق تاپانچا سېتىۋىلىپ بۇ ئالتۇن دۇكىنىنى بۇلىماقچى بولغانلىقىنى، بىراق ئىچىدە ئادەم كۆپ بولغانلىقى ئۈچۈن مەقسىتىنىڭ ئەمەلگە ئاشمىغانلىقىنى، چاغاندىن كېيىن، يەنە 40 يۈەن خەجلەپ تىخمۇ راستەك كۆرۈنىدىغان بىر تاپانچا سېتىۋالغانلىقىنى ۋە بۇ ئالتۇن دۇكىنىنى بۇلىغانلىقىنى، زەنجىرنى ئوبدان تاقىمىغانلىقتىن، زەنجىرنىڭ ئىككىلىسى قىچىش جەريانىدا يوقىتىپ قويغانلىقىنى ئىيتىپ بەرگەن.