2000كىشى ئۈستىدە ئىلىپ بىرىلغان بىر تۈرلۈك تەكشۈرۈش دوكلاتىدا مۇنداق دەپ كۆرسىتىلگەن:

گەرچە ئەرلەر ئومومىي جەھەتتىن ئىلكتىرونلۇق ئۈسكۈنىلەرنىڭ ھۆددىسىدىن چىقالايدۇ دىيىلسىمۇ ئەمما،كىرئالغۇ بۇنىڭ سىرتىدا ئىكەن.يەنى تەكشۈرۈشتە تۆتتىن بىر قىسىم ئەرلەرنىڭ كىرئالغۇنى قانداق ئىشلىتىشنى بىلمەيدىغانلىقى مەلۇم بولغان.يەنە بىر جەھەتتە،ئاياللارنىڭ بىشىنى قاتۇرىدىغىنى بولسا بالىلىرىنىڭ ئىلكتىرونلۇق ئويۇنچۇقى ۋە ئەقلىفۇن قاتارلىق نەرسىلەر ئىكەن.بۇ تەكشۈرۈشنى ئۇيۇشتۇرغۇچى تەرەپ Amicaئىلكتىر ئۈسكۈنىلىرى شىركىتى بولۇپ،تەكشۈرۈش نەتىجىسىنى بەكلا ئۆزگىچە دىيىشكىمۇ بولمايدىكەن،ئەمما بۇنىڭدا يەن ئاياللار ئاساسەن ئاشخانا ۋە قول يۇيۇش ئۆيىدىكى ھەرخىل ئىلكتىرونلۇق ئۈسكۈنىلەرنى ياخشى بىلسىمۇ،ئەمما كۆچمە ئەسلىھەلەرنى تازا بىلىپ كەتمەيدۇ دىيىلگەن.

ئەرلەر بولسا دەل بۇنىڭ ئەكسىچە ئىكەن.ئۇنىڭ ئۈستىگە،ئەرلەر ئەگەر ئىلكتىرونلۇق ئۈسكۈنىلەرنى ئىشلىتىش جەريانىدا مەسىلىلەرگە دۇچ كەلسە، ئادەتتە دوستلىرى بىلەن بىللە مۇلاھىزە قىلىپ ھەل قىلىشقا تىرىشىدىكەن،ئەمما ئاياللار بولسا بۇنداق ۋاقىتتا ۋاز كىچىشنى تاللايدىكەن،ياكى ئوغۇل دوستىنى ياكى مەخسۇس رىمونتچى خادىملارنى ئىزدەپ ھەل قىلىدىكەن.

تەكشۈرۈشتە مۇنداق قىزىقارلىق ئىشلارمۇ بايقالغان:

ئالتىدىن بىرقىسىم كىشى ھەر ئىككى كۈندە بىر قىتىم ياردەمگە مۇھتاج بولىدىكەن.

ئۇندىن باشقا ئەرلەر ۋە ئاياللارنىڭ ياقتۇرمايدىغان ياكى تازا بىلىپ كەتمەيدىغان نەرسىلىرى قەتئى ئوخشىمايدىكەن.

ئەرلەرنىڭ بىشىنى ئاغرىتىدىغان نەرسىلەر:دوخۇپكا،قۇرۇتۇش ماشىنىسى،كىرئالغۇ،قاچا يۇيغۇچ،مىكروئوچاق،دەزمال،يىمەكلىك ئىلىشتۇرۇش ماشىنىسى،چاڭ-توزان سۈمۈرگۈچ قاتارلىقلار.

ئاياللارنىڭ بىشىنى ئاغرىتىدىغان نەرسىلەر:خاتىرە كومپىيۇتېر،ئۈستەل كومپىيۇتېرى،iPhone، قارا بۆلدۈرگەن،MP3، يانفۇن، iPad،ماشىنىدا ئىشلىتىلىدىغان يول باشلاش ئۈسكۈنىسى،ئىلكتىرونلۇق ئويۇنچۇق،رەقەملىك ئاپپارات قاتارلىقلار.