يولۋاش ئۆز كۈنىگە رازى بولماي ، ئادەملەرگە ھەۋەس قىلىپ قاپتۇ . ئادەملەر نىمە يەي دېسە يىيەلەيدىكەن . نىمىنى خلىسا شۇنى قىلالايدىكەن ، نېمىدېگەن ئەركىن - ھە ! مەنمۇ ئادەم بولۇپ قالسامچۇ ...دېگەنلەرنى ئويلاپتۇ . شۇنىڭ بىلەن ئۇنىڭ ئادەمدەك ياشىغۇسى كېلىپ ، ئادەملەر بىلەن دوستلاشماقچى بوپتۇ . ئۇ بىر مەھەللىگە كېلىپ ، ئۈچ ئۆينى كۆرۈپتۇ- دە ، ھە ، ئادەملەر بار يەرگە كەپتىمەن ، دەپ بىر ئۆينىڭ دېرىزىسى يېنىغا كېلىپ ، ئۆيدىكىلەرنىڭ گېپىنى تىڭشاپتۇ :
- قاچانغىچە مۇشۇنداق ئوغىرلىقچە ئىش قىلىۋېرىمىز ؟ بالدۇراق توي قىلىۋالايلىچۇ ؟
- ۋاي ئالدىرىمىسىڭىزچۇ ، ئايالىم يەڭگىۋالسۇن ...
- نېمە ، سەن ئايالىم بار دېمىگەنىدىڭغۇ ؟ ھۇ نومۇسسىز !...
بۇ خەقنىڭ گېپىنى چۈشەنمەك سەل تەس ئوخشىمامدۇ ، دەپ ئويلىغان يولۋاس ئىككىنچى ئۆينىڭ ئالدىغا كەپتۇ :
- ۋاي ، بولە ئاداش ! ھېلى ھايغا كېچىكىپ قالىمىز .
- سەل ساقلاپ تۇرۇڭلارچۇ ، ئۆيدىكىلەرگە ئازراق نەرسە تەييارلاپ قوياي .
- ۋايجان ، بىرەر ۋاق تاماق يېمىسە ھېچنىمە بولمايدۇ . مېنىڭمۇ ئىككى ياشلىق بالام قالدىغۇ !
- كىم قارايدۇ بالاڭغا ؟
- بالا باققۇچى قارىمامدۇ ؟
- ئېرىڭچۇ ؟
- ئۇ ئۆزى تاماق قىلىئو يەۋېرىدۇ .
يولۋاس بۇلارنى ئاڭلاپ ، مەن جېنىمدا بالامغا قىيالمايمەن ، ماۋۇلارنىڭ باغرى نىمانچە قاتتىق ، دېگەنلەرنى ئويلاپ ، ئۈچىنچى ئۆيگە كەپتۇ :
بولە ئاداش ، خۇمارىم تۇتۇپ كەتتى ، چىدىيالمىدىم .
- مەنمۇ بولالمىدىم ، قانداق قىلىمىز ؟
- ئازراقمۇ يوقما ؟
- چىدىمىدىم ، بۇ نىجىسنى نىمىشقىمۇ ئۈگىنىپ قالغاندىمەن ؟ بىزنىڭ كۈنىمىزدىن ھايۋاننىڭ كۈنى ياخشىراقتۇ ....
ۋاي توۋا ، نىمانچە بىچارە بۇلار  ؟ يەنىلا ھايۋان بولۇپ ئەركىن ياشاي ، دەپ ئويلىغان يولۋاس ئۆز يولىغا راۋان بوپتۇ .



                                                                                             - شىنجاڭ قانۇنچىلىق گېزىتى