| مىچېل باكمان: «ئوباما ھۆكۈمىتى-باندىت ھۆكۈمەت » دېدى |
شىنخۇا ئاگېنتلىقىنىڭ 6-ئاينىڭ 28-كۈنىدىكى تېلېگراممىسى، ئامېرىكا جۇمھۇرىيەتچىلەر پارتىيىسىنىڭ ئايال پارلامېنت ئەزاسى ھەمدە «چاي پارتىيىسىنىڭ پادىشاھى» دېگەن نامغا ئىگە مىچېل باكمان شۇ جاي ۋاقتى مۇشۇ ئاينىڭ 27-كۈنى ئۇ لوۋا شتاتىنىڭ ۋاتېرلودىكى ئۆيىدە 2012-يىلى زۇڭتۇڭ چوڭ سايلىمىغا قاتنىشىدىغانلىقىنى رەسمىي ئېلان قىلغان.
باكمان شۇ كۈنى سۆزلىگەن نۇتقىدا ئوبامانى قاتتىق تەنقىدلەپ مۇنداق دېگەن:«مەن ئوبامانىڭ يەنە تۆت يىل ھاكىمىيەت يۈرگۈزۈشىگە چىداپ تۇرالمايمەن». ئۇ يەنە مۇنۇلارنى بىلدۈرگەن:«ئوباما ھۆكۈمىتىنىڭ ئىچكى ئىشلىرى ۋە دىپلوماتىيە ئىشلىرىنىڭ ھەممىسى پالاكەتتىن ئىبارەت. بولۇپمۇ ئۇنىڭ سىياسىتى ئامېرىكا ئىقتىسادىنى قىلچە ياخشىلىيالمىدى. ئۇنى ئۆزگەرتىش ئېلىپ باردى،دېسەك، ئۇ ئاران ئامېرىكىنى ئەسلىدىكىنى نورمال ئوربىتىغا كىرگۈزدى».
باكمان «چاي پارتىيىسى» نى ئالاھىدە قوللايدىغانلىقىنى بىلدۈرۈش بىلەن بىرگە، ئۇ يەنە ئۆزى بىلەن دېموكراتلار پارتىيىسىنىڭ تارىخى مەنبەسى توغرىسىدا سۆزلەپ، جۇمھۇرىيەتچىلەر پارتىيىسى ۋە دېموكراتلار پارتىيىسىنىڭ ھەر ئىككىلىسىنىڭ قوللىشىنى قولغا كەلتۈرىدىغانلىقىنى بىلدۈردى. باكمان ئۆزىنىڭ نۇتقىدا يەنە ئامېرىكا دىپلوماتىيىسىنىڭ يېتەرلىك ئەمەسلىكىنى، ئامېرىكا جەزمەن ئىسرائىلىيە بىلەن بولغان ھەمكارلىق مۇناسىۋىتىگە ئەھمىيەت بېرىشى كېرەكلىكىنى ئوتتۇرىغا قويدى. ئۇنىڭ ئۇتۇقىنى ئاڭلىغان نۇرغۇنلىغان كىشىلەر ئۇنى قوللايدىغانلىقىنى بىلدۈرۈپ، قىزغىن چاۋاك چېلىشتى.
ئامېرىكا سىملىق تېلېۋىزىيە ئاخبارات تورى CNN نىڭ باھاسىدا مۇنداق دېيىلدى:«باكمان نۆۋەتتە، جۇمھۇرىيەتچىلەر پارتىيىسىدىكى زۇڭتۇڭ نامزاتلىرى ئىچىدە ئوبامانى تەنقىدلەشكە ئەڭ جۈرئەت قىلالايدىغان ئادەم، ئەگەر ئۇ سايلامغا قاتناشسا، ئۇ دەسلەپكى سايلامدىكى زور تەسىر قوزغىيالايدۇ».
باكمان يەنە يۈرەكلىك ھالدا مۇنداق دېدى:«مەن ئوباما ھۆكۈمىتىنى باندىت ھۆكۈمەت دەپ قارايمەن، ئوباما ئوتتۇرىغا قويغان داۋالاشنى ئۆزگەرتىش قانۇن لايىھىسى ئەمەلىيەتتە ‹خىزمەت مەيدانىدىكى قاتىل› دىن ئىبارەت. ئۇنىڭ بۇ قىلغانلىرى ئامېرىكىدا ئاز تەتۈر ئىنكاس قوزغىمىدى».
مىچېل باكمان 1959-يىلى تۇغۇلغان بولۇپ، .ئۇزۇن مەزگىل مىننېسوتا شتاتىنىڭ ئامېرىكا پارلامېنت ئاۋام پالاتاسى ئەزالىقىغا سايلانغان. ئۇ يەنە «چاي پارتىيىسى» نىڭ كېڭىشىنى تەشەببۇس قىلغۇچىلارنىڭ بىرى. ئۇ مۇشۇ ئاينىڭ 13-كۈنى جۇمھۇرىيەتچىلەر پارتىيىسىنىڭ دەسلەپكى سايلىمىدا ئۆزىنىڭ كېلەر يىللىق زۇڭتۇڭ سايلىمىغا قاتنىشىدىغانلىقىنى ئېلان قىلىپ، ئامېرىكىدىكى نەچچە يۈزمىڭلىغان كىشىلەرنىڭ دىققىتىنى تارتقان. نۆۋەتتە، ئۇ كېلەر يىللىق زۇڭتۇڭ سايلىمىغا قاتنىشىشىنى جاكارلىغان تۇنجى ئايال زۇڭتۇڭ نامزاتى ئىكەن.
جۇمھۇرىيەتچىلەر پارتىيىسىنىڭ ئىچكى قىسمىدىكى ئەڭ يېقىندا ئېلىپ بېرىلغان ئەل رايىنى سىناش پائالىيىتى نەتىجىسىنىڭ ئېلان قىلىنىشىچە، باكمان ئۈچىنچى ئورۇندا تۇرغان. ئۇ پەقەت رون پاۋېل ۋە ھۇنتسماننىڭ كەينىدىلا تۇرغان.ئەمما ئانالىزچىلارنىڭ ئېيتىشىچە، باكماننىڭ زۇڭتۇڭ چۈشىنىڭ ئەمەلگە ئېشىشى خېلى ئۇزۇنغا سوزۇلىدىكەن، ئالدى بىلەن ئۇ دەسلەپكى سايلامدا غەلىبىنى قولغا كەلتۈرۈشى كېرەك ئىكەن.
| [ئاپتورى: مەنبەسى: ۋاقتى: 2011-6-28 13:57:46 ئۇقۇلۇشى: 117 قېتىم] |
|
