بەزى دوسلار paypal غا تىزىملىتىش دەرىسىنىمۇ ياساپ يوللاپ قۇيۇشنى تەلەپ قىلغانلىقى ئۈچۈن يوللاندى .

paypal خەلقئارالاشقان بىرلەشمە ھەق تۆلەش شەكلى بولۇپ، دۇنيادىكى 190 دىن ئارتۇق دۆلەت ۋە رايۇنلار بىلەن توردا بىۋاستە پۇل تۆلەش مۇلازىمىتى بىلەن تەمىنلىگەن. ئۇ ئەسلىدە دۇنياغا داڭلىق تور ماگىزىنى Ebay يولغا قويغان تۈر بولۇپ، توردا مال سېتىش- سېتىۋېلىشتىكى ئاساسلىق پۇل تۆلەش ۋاستىسى قىلىنغان. نۆۋەتتە paypal پۈتۈن دۇنياغا يۈزلىنىپ پۇل- مۇئامىلە، بانكا ساھەسى بىلەن زىچ ھەمكارلىشىپ، دۇنيانىڭ ھەرقانداق يېرىدىكى VISA بەلگىسى بار ئاپتۇماتىك پۇل ئېلىش ماشىنىسى بىلەن كىرىم- چىقىم مەشغۇلاتى قىلالايدىغان ۋەزىيەتنى ياراتتى. ئۇنىڭ بىلەن دۇنيادىكى ئاساسلىق ئىشلىتىلىۋاتقان 16 خىل پۇل (جۇڭگو يۈەنى ئۇنىڭ سىرتىدا) قىممىتىنى شۇ ۋاقىتنىڭ ئۆزىدە بىۋاستە ئالماشتۇرۇش ئېلىپ بېرىشقا ۋە باشقىلارغا ئوخشىمىغان پۇللارنى راۋان يوللاشقا بولىدۇ. مەسىلەن: ئامېرىكا دوللىرىنى ياۋروپادىكى بىر دوستىڭىزغا ياۋرۇ ھالەتتە ئەۋەتەلەيسىز.
paypal جۇڭگوغا نىسبەتەن مەخسۇس تۈر بېكىتكەن بولۇپ ئۇ «جۇڭگو پايپال»، خەنزۇچە 贝宝 دەپ ئاتىلىدۇ. ئۇ پەقەت جۇڭگوغىلا قارىتىلغان تۈر بولۇپ پەقەت ۋە پەقەت خەلق پۇلىلا بىر تەرەپ قىلىدۇ. پۈتۈن كىرىم- چىقىم مۇلازىمىتى ھەقسىز بولىدۇ. بۇ خەلقئارالىق پايپال بىلەن بولغان ماھىيەتلىك پەرق ھىسابلىنىدۇ.
تۆۋەندە مەن خەلقئارالىق paypal غا تىزىملىتىش جەريانىنى تونۇشتۇرۇپ ئۆتىمەن ھەمدە مۇناسىۋەتلىك جايلارغا جۇڭگو پايپال ھەققىدىكى مەزمۇنلارنى قىستۇرۇپ قويىمەن:
1- ئالدى بىلەن https://www.paypal.com/ غا كىرىڭ. (جۇڭگو پايپالغا تىزىملىتىش ئۈچۈن https://www.paypal.com/cn غا كىرىڭ)



ئەگەر ئىنگلىزچە چىقىپ قالسا ئوڭ تەرەپ ئۈستىدىكى تىل ئالماشتۇرۇش تۈرىدىن خەنزۇ تىلىنى تاللاڭ (جۇڭگو پايپالدا بۇ تۈر چىقمايدۇ).
2- ئاندىن تىزىملىتىش كونۇپكىسىنى بېسىڭ. خەنزۇچە مۇنداق كۆرۈنىدۇ:



ئىنگلىزچە مۇنداق كۆرۈنىدۇ. دۆلەت تەۋەلىكىنى توغرا تاللاپ داۋاملاشتۇرۇڭ:



3- مۇناسىۋەتلىك ئۇچۇرلارنى ئىنگلىزچە، بولمىغاندا پىنيىنچە تولدۇرۇڭ (جۇڭگو پايپالدا ھەممىنى چوقۇم خەنزۇچە تولدۇرىسىز). ئىسىم كىملىكتىكى بىلەن ئوخشاش بولسۇن، باشقا ئۇچۇرلارمۇ ئامالنىڭ بارىچە راست بولسۇن. كېلىشىمنامىگە قوشۇلۇش بەلگىسىنى قويۇشنى ئۇنتۇپ قالماڭ، ئاخىرىدا «تىزىملىتىش»نى بېسىڭ.


4- بانكا ھىسابات ئۇچۇرلىرى بېتىگە كەلگەندە دىققەت قىلىڭ: ئەگەر سىز خالىغان بانكىنىڭ چەتئەل پۇلى بىر تەرەپ قىلالايدىغان (خەلقئارادا ئورتاق ئىشلىتىلىدىغان) ئىقتىدارى بار كارتا كەسپىنى بېجىرگەن بولسىڭىز، شۇ كارتىنىڭ مۇناسىۋەتلىك ئۇچۇرلىرىنى ھەقىقىي تولدۇرۇڭ. بولمىسا ھىچقانداق نەرسە تولدۇرماي «ئەتكەس»نى بېسىپ ئۆتۈپ كېتىڭ.


(خەنزۇچە پايپالدا بانكا تۈرى، ئورۇن، كارتا نومۇرى دېگەندەكلەرنى كىرگۈزۈش تەلەپ قىلىنىدۇ. بۇ ئادەتتە بىز ئىشلىتىپ كېلىۋاتقان يېزا ئېگىلىك بانكىسى، سودا- سانائەت بانكىسى... قاتارلىقلارنىڭ كارتىلىرى بولسا بولىۋېرىدۇ)
5- بىخەتەرلىك ئۈچۈن paypal سىزگە ئېلخەت ئەۋەتىپ، ئېلخەت ئادرېسىنىڭ توغرا بولىشىنى تەلەپ قىلىدۇ.


سىز داۋاملاشتۇرۇشنى بېسىپ ھىساباتىڭىزغا بىۋاستە كىرسىڭىز بولىدۇ. ياكى شۇ بەتنى تاقىۋېتىپ ئېلخەت ساندۇقىغا قارىسڭىز paypal دىن كەلگەن خەتنى كۆرەلەيسىز. خەتتىكى ئۇلانمىنى بېسىپ ھىساباتىڭىزغا كىرسىڭىز بولىدۇ. كېيىنكىسى ياخشى ئۇسۇل.


ئەگەر بىۋاستە كىرگەن بولسىڭىز تۆۋەندىكىدەك ئۇچۇر كۆرسىتىپ سىزنىڭ ئېلخەت ئادرېسىڭىزنى جەزىملەشتۈرۈشنى ئەسكەرتىدۇ.


چوقۇم ئېلخەتتىكى ئۇلانمىنى بېسىپ ھىساباتىڭىزنى ئاكتىپلاشتۇرىشىڭىز كېرەك. چۈنكى ھىسابات ئىسمى دەل سىزنىڭ ئېلخەت ئادرېسىڭىز بولىدۇ.


6- باشقىلارغا پۇل ئەۋەتىش (چىقىم قىلىش). بىرىنچى رەسىمدىكى «چىقىم» (پۇل تۆلەش) كونۇپكىسىنى بېسىڭ. پۇل تۆلىمەكچى بولغان ئادەمنىڭ ھىسابات ئىسمى، پۇل قىممىتى، پۇل تۈرى، مۇلازىمەت تۈرى قاتارلىقلارنى تاللاپ داۋاملاشتۇرۇڭ.


چىقىم قىلىش كونۇپكىسىنى بېسشتىن بۇرۇن ئۇچۇرلارنىڭ توغرا- خاتالىقىنى تەكشۈرۈپ كۆرۈڭ. پۇل تۆلەپ بولغاندىن كېيىن قايتۇرىۋالىغىلى بولمايدۇ.


7- باشقىلاردىن پۇل قوبۇل قىلىش (كىرىم). بۇ سودىغا يۈزلەنگەن ھەق تۆلەش مۇلازىمىتى بولغاچقا باشقىلاردىن بىۋاستە پۇل تۆلەشنى ئىلتىماس قىلىشقا بولىدۇ. بىرىنچى رەسىمدىكى «كىرىم» كونۇپكىسىنى بېسىڭ. پۇل تۆلەشنى ئىلتىماس قىلماقچى بولغان ئادەمنىڭ ھىسابات ئىسمى، پۇل قىممىتى، پۇل تۈرى، مۇلازىمەت تۈرى قاتارلىقلارنى تاللاپ داۋاملاشتۇرۇڭ.


ئۇچۇرلارنى تەكشۈرۈپ كۆرگەندىن كېيىن «كىرىم» كونۇپكسىنى بېسىڭ.


يۇقارقىلار بىز ئىشلىتەلەيدىغان ئاساسىي ئىقتىدارلار. قالغان جايلارنى كۆپچىلىك تولۇقلىسا ياكى سورىسا بولىدۇ. بەزى ئاتالغۇلارنى جايىدا ئىشلىتەلمىگەن بولسام ئەپۇ قىلغايسىلەر.

مەنبە : بىلىك تورى