مەزكۇر تېمىنىڭ داۋامىنى بۇ ئادىرىستىن كۆرۇڭ !
./read.php?tid=39728&page=1&toread=1


يەنە شۇ گەپنى شەبنەم قەبىلىسىدىن باشلايلى ، ھە ! نېمە ؟ «شەبنەم قەبىلىسى دەپ قەبىلە بولغانمىدى ؟» دەمسىز ؟ ئەستا ! .. سىز مەن ئىلگىرى يوللىغان مونو تېمىنى كۆرمەي قاپسىز :مەرھەمەت
شەبنەم قەبىلىسىدە ئاياللار ھەممە ئىشنى ، ئەرلەر ئوۋ ئوۋلاشتىن باشقىنى قىلماسلىقتەك تەڭشەلمىگەن ئەمگەك تەقسىمات مەسىلىسى ئاخىرى ئۆزئارا كېڭىشىش ئارقىلىق ھەل بوپتۇ ، ئەرلەر بالا تەربىيلەيدىغان، كىر يۇيىدىغان ، ئوۋ ئوۋلايدىغان ئىشلارنى ؛ ئاياللار تۇرمۇش ئىھتىياجلىق بولغان بالا تەربىيلەش ، كىر يۇيۇش ، ئوۋ ئوۋلاشتىن باشقا ھەممە ئىشنى قىلىدىغان بوپتۇ.
شەبنەم قەبىلىسىدىكى ئەرلەرگە نىسبەتەن كۈنلەر مانا مۇشۇنداق بىردە كۆڭۈللۈك بىردە كۆڭۈلسىز ئۆتۈپتۇ . بىرقانچە ھورۇن ئەرلەر بۇ خىل «تەڭ تەقسىمات» پىرىنسىپىدىن نارازى بولۇپتۇ.
ئاخىرى «ئىز» دېگەن بىر كىشى نۇرغۇن باھانىلەرنى كۆرسىتىپ شەبنەم قەبىلىسىدىن ئايرىلىپ قەبىلىدىن بىر چاقىرىم يىراقلىقتىكى بىر تاغقا چىكىتىپتۇ ھەم ئۆزىنى قۇماندان دەپ ئاتىۋاپتۇ . ئۇزۇنغا قالماي ئىزغا ئەگىشىپ «گىتارچى » بىلەن « خىيالى » دېگەن ئاكا - ئۇكا ئىككىسىمۇ ئايرىلىپ چىكىتىپتۇ.
مانا بۇ ئۈچەيلەن ھازىر تاغدا « شەبنەم قەبىلىسىدىكى ھازىرقى ناتۇرال ئىگىلىك ئىش تەقسىماتىنى قانداق قىلغاندا ئاغدۇرۇپ تاشلىغىلى بولىدۇ؟ » توغرىسىدا مۇزاكىرلىشىۋاتاتتى :
_ شەبنەم قەبىلىسى ئاۋالقىدىن بەك كۈچىيىپ كەتتى ، قەبىلىنىڭ قانۇنى ئۆزگەرتىش سەل تەسكە چۈشىدىغاندەك قىلىدۇ.
_ ھازىر شەبنەم قەبىلىسى نام - شۆھرەتتە دۇنياغا مەشھۇر ، ئەگەر بۇ بىر چوڭ قەبىلىنىڭ قانۇنىنى ئۆزگەرتەلىسەك بىزنىڭ نامىمىزمۇ مەڭگۈ ئۆچمەي تارىخ بېتىغا يېزىلىدۇ ھەم كەلگۈسىدىكى باشلانغۇچ مەكتەپلەرنىڭ ئالدىدا ھەيكىلىمىز تۇرغۇزىلىشى مۇمكىن.
_ شەبنەم قەبىلىسىدە قانۇن ئۆزگەرتىش ئوتنىڭ ئىچىدە پاختا ساقلىماقتىنمۇ قېيىن ، مەنچە بولغاندا بىز قۇرال كۈچىگە تايىنىپ ئۆزگەرتەيلى.
_ توغرا ، «ئادالەتتىن ئايرىلغان قۇراللىق كۈچ مۇستەبىتلىك بولىدۇ ، قۇراللىق كۈچتىن ئايرىلغان ئادالەت كۈچسىز بولىدۇ » دەپتىكەن كونىلار ، شەبنەم قەبىلىسى دەل ئاشۇ كۈچسىز ئادالەت!
_ بىز چوقۇم ئىلگىركىدەك ئەرلەر ئوۋ ئوۋلاشتىن باشقىنى قىلمايدىغان ئاياللار ھەممە ئىشنى قىلىدىغان تۇمۇرشنى قايتۇرۇپ ئېلىپ كېلىشىمىز كېرەك!
بۇ ئۈچەيلەن سۆھبىتىنىڭ ئوڭۇشلۇق بولغىنىدىن خوش بولۇپ قىنقىنىغا پاماي كىتىشتى.
_ ئەمسە سەن گىتارچى ،_ دېدى ئىز _ ھازىردىن باشلاپ ئەسكەر قوبۇل قىلىش ئۇختۇرۇشى ياز ، ئالدىمىزدىكى شەبنەم قەبىلىسى بىلەن بولىدىغان جەڭگە ئەسكەر توپلىمىساق بولمايدۇ.
_ خوپ ! _ ، دەپ قاتتىق چىرايلىق چاس بەردى گىتارچى.
شۇ كۈنى قاپقارا بۇلۇت يۇپۇرلۇپ كىلىپ كۈچلۈك يامغۇر قۇيىۋەتتى ، بۇ گىتارچىگە ياخشى پۇرسەت بولدى ، كۈچلۈك يامغۇرنىڭ دەستىدىن شەبنەم كۈزەتچىللىرى تالاغا چىقالمىغان ئىدى. گىتارچى ئەسكەر قوبۇل قىلىش ئۇختۇرۇش ۋاراقلىرىنى ھەرقايسى تام ، ئۆي .. لەرگە چاپلىۋەتتى.
ئەتىسى ئەتىگەندە ھاۋا ئېچىلىپ ئاخشامقى يامغۇرنىڭ تەسىرىدىن سىرت تولىمۇ گۈزەللىشىپ كەتكەن ئىدى. ئىز بىلەن خىيالى گىتارچىنى تاشلاپ قويۇپ ئايالچە ياسىنىپ شەبنەم قەبىلىسىنى تىڭ تىڭلىماچى بولۇپ شەھەرگە كىردى.
توۋا ! شەھەرنىڭ كوچا - كويلا ھەممە يېرىگە قارا سىياھ بىلەن يېزىلغان خەتلەر ئاق قەغەزدە چاپلاغلىق تۇراتتى. ئىز :
_ ھەي خىيالى ، بۇ شەھەردىكىلەر ئۆي تېمىنىڭ يامغۇردا ئۆرۈلۈپ چۈشۈپ كەتمەسلىكىدىن ساقلىنىش ئۈچۈن قەغەز چاپلاپ قويامدۇ نېمە؟
_ مېنىڭچە ئۇنداق ئەمەس ئىز قوماندان ، بۇ بىر ئېلاندەك قىلىدۇ ، بىرەر يەردە ئەرزان مال ساتقان بولسا كېرەك ، ئىسىت بىز كىچىكىپ قاپتۇق ، ئاخشام كۈنلۈك تۇتۇپ بولسىمۇ ئوقىۋالغان بولساق ، تازا سېتىۋالاركەنمىز....
_ ئاۋال كۆرۈپ باقايلى.
خەت مۇنداق يېزىلغان ئىدى .
« خوش - خەۋەر ! پۇرسەت غەنىمەت ، پۇرسەت كۈتۈپ تۇرغانلارغا ئەمەس بەلكى تىرىشقانلارغا مەنسۈپ ( دەپتىكەن تەلەي يۇلتىزىدا ) ! ئەسكەرلىككە تىزىمغا ئالدۇرۇشقا ئالدىراڭ ! كۈنلەرنىڭ كۈندىن كۈنگە ياخشى بولىشى ، شۇنداقلا كىشىلەرنىڭ مەنىۋىي ۋە كۈندۈلۈك تۇمۇش ئىھتىياجىنىڭ ئېشىشىغا ئەگىشىپ ئىز قوماندان باشچىلىقىدىكى بىر قىسىم سولچىل قارا كۈچلەر شەبنەم قەبىلىسىگە قارشى چىقىش سىنىپىنى قۇردى. بۇ ئەترەت ئاساسەن كىچىسى توخو ئوغىرلاش ، كۈندۈزى يانچۇق كوچىلاش بىلەن شۇغۇللىنىدۇ ، ھېيت - بايرام كۈنلىرى دەم ئالمايدۇ . بۇ سولچىل سىنىپنىڭ تەسىر دائىرىسى زور ، ئۇنۋېرسال كۈچى مول بولۇپ ، ھازىر بىر قىسىم قارا كۈچلەرگە جىددىي ئىھتىياجلىق. شۇڭا ھەرقايسى ساھادىن ئەسكەر قوبۇل قىلماقچى ، قوبۇل قىلىش شەرتلىرى تۆۋەندىكىچە :
يېشى 7ياشتىن 70ياشقىچە بولسا بولىدۇ ؛ مەدەنىيەت سەۋىيىسى ، دوكتۇرلۇق ئۇنىۋانىنى ئالغان بولىشى شەرت ؛ تېنى ساغلام ئۆزى قارام ، قارا چاچلىق قەلەم قاشلىق ، بوينىدا ئون سانتىمىتىرچە تاتۇقى بولىشى كېرەك.
ئەگەر تىزىملىتىشنى خالايدىغانلار بوۋاق ۋاقتىڭلاردا چۈشكەن يالىڭاچ بىر سۇڭلۇق رەسىمىڭلار بىلەن دىپلومىڭلارنى ئېلىپ كېلىپ تىزىمغا ئالدۇرساڭلار بولىدۇ . بۇرۇن ئادەم ئۆلتۈرۈپ باققانلار ئالدىن قوبۇل قىلىنىدۇ.
ئالاقىلاشقۇچى : ئىز ، خىيالى ، گىتارچى
تىزىمغا ئالدۇرۇش ئورنى : شەھەردىن بىر چاقىرىم يىراقلىقتىكى بىر مەخپىي ئۆڭكۈر
ئەسكەرتىش : بۇ ئېلان ئاشۇ سىز كۆرگەندىن باشلاپ ئۇزۇنغىچە ئىناۋەتلىك. »
بۇ ئېلان قەغىزىنى كۆرگەن ئىز قوماندان بىلەن خىيالىنىڭ جېنى چىقايلا دېدى. ئۇلار بۇ قەغەزنى يىرتىپ ئېلىپ ئۆڭكۈرگە قايتىپ كىلىپ ، ئاياللارنىڭ ياغلىقىنى چىگىۋېلىپ ئۆچكە سىغىشنى مەشىق قىلىۋاتقان گىتارچىنى كۆردى. ئىز قوماندان تېرىكىپ :
_ ھەي ، گىتارچى نېمە قىلىۋاتىسەن ؟ _ ، دەپ سورىدى _ گىتارچى :
_ ناۋادا شەبنەم قەبىلىسىگە ھۇجۇم قىلىپ قالساق ، تېز سۆرەتتە ئۆچكىلەرنىڭ ھەممىنى سېغىپ ، ئارقا سەپكە ئاشلىق توپلاشنىڭ مەشىقىنى قىلىۋاتىمەن قوماندان _ ، دەپ جاۋاب بەردى گىتارچى.
_ ئاخشام قوماندان ساڭا تاپشۇرغان ئىشنى قانداق قىلدىڭ ؟ _ ، خىيالى قەستەن سورىدى.
_ ئاخشام مەن ئېلاننى مۇي قەلەمدە نەچچە يۈز پارچە يېزىپ ، شەھەرنىڭ ھەممە تاملىرىغا چاپلىۋەتتىم. ھېچكىم كۆرمەي قالمايدۇ _ ، گىتارچى خوشال جاۋاب بەردى.
_ كالۋا ! ئېلاننى مۇشۇنداقمۇ يازغان بارمۇ ؟ _ ، دېدى ئىز قولىدىكى ۋاراقنى گىتارچىنىڭ كۆزىگە تەڭلەپ تۇرۇپ.
_ نېمە بىرەر يەردە ئىملايىم خاتا بولۇپ قالغان ئوخشىمامدۇ ؟ _ ، گىتارچى قەغەزنى قولىغا ئېلىپ قاراشقا باشلىدى.
_ ۋوي ! مانا دېمىدىممۇ ماۋۇ يەردە بىر تال پەش چۈشۈپ قاپتۇ _ دەپ گىتارچى يېنىدىن بىر تال قەلەمنى چىقىرىپ پەش ئۇرۇپ قويدى.
_ مانا چۈشۈپ قالغىنى ....! _ ، قوماندان شۇنداق دىگىنىچە قەغەزنى قاتلاپ گىتارچىنى تازا دۇمبالىدى . . .
بىر ھازادىن كېيىن قوماندان ھاردى بولغاي توختاپ قالدى ۋە گىتارچىغا :
_ بولدى ، سېنى بۇ نۆۋەت كەچۈرۋىتەي ، ئەمدى مەن دېگەننى ياز ! مەخپىي خەت دېگەننى مەخپىي يازمامدۇ دەيمەن ؟ بولە قەلەم ئەكەل .. ھەرئىككىلىرىڭ دېگەنلىرىمدىن كانسىپك قالدۇرۇش!
خىيالى بىلەن گىتارچى قەغەز قەلەم تەييار قىلىپ ئەكەلدى ، قوماندان مەن نېمە دىسەم شۇنى يېزىش ! دېدى ۋە سۆزىنى باشلىدى:
چاشقاندىن بولمىدىم بىردەم خاتىرجەم ! خورازلار ئەتىگەندە چىللىسا ھەم ! ئاسمانغا تاش ئاتتىم ! مايمۇنغا قاش ئاتتىم ! دوستلۇق بىرىنچى بىخەتەرلىك ئىككىنچى!
ئىز قوماندان بېشىنى لىڭشىتىپ «تۈگىدى» دېگەن مەنىنى ئىپادىلىدى. گىتارچى بىلەن خىيالى نېمە بولغىنىنى بىلمەيلا قالدى ۋە قوماندانغا :
_ بۇ سۆزلەرنى بىز چۈشەنمىدۇققۇ؟
_ چۈشەنمەيسىلەر ، مەخپىي خەت دېگەننىڭ مانا مۇشۇنداق مەخپىي بولغىنى ياخشى!
_ بىراق بۇنى شەھەردىكى كىممۇ چۈشىنەر؟
_ چۈشىنىدۇ ، مەن ئىشىنىمەن بىر كۈنى بولمىسىمۇ بىركۈنى چوقۇم چۈشىنىدۇ _ ، قوماندان گەپ قىلىۋىتىپ كۆزىگە ئىسسىق ياش ئالدى.
گىتارچى بىلەن خىيالى ئارتۇق گەپ قىلماي ، خەۋەر يېزىلغان قەغەزلەرنى « قاچقۇن توخولار» نىڭ پۇتىغا چاپلاپ قويۇپ قويىۋەتتى. بىراق بۇ توخولار دانلاپ يۈرۈپ قاچان شەھەرگە كىرىپ بولىدۇ بۇنىڭغا بىر نېمە دېمەك تەس ئىدى.
ئەتىسى تاڭ يورۇشى بىلەن ئۆڭكۈرنىڭ ئىشىكىنى بىرسى چەكتى ، قوماندا ئىشىكنى ئېچىپ قارىسا شەھەرگە نامى پۇر كەتكەن داڭلىق لۈكچەك ئەلگەنەپ ھىجىيىپ قاراپ تۇرغۇدەك .
_ قوماندان ، ئاڭلىسام ئەسكەر قوبۇل قىلماقچى ئىكەنسىلەر ، شۇ مېنى ئۆيدىكىلەر باشقۇرالماي ئەسكەرلىككە بېرىپ باققىن دىگەنىدى. شۇڭا كېلىشىم ، باياتىندىن بېرى ئىشىكىڭلارنى تاپالماي بىر قورام تاشنى ئۇرىۋېرىپتىمەن ھا- ھا . . .
_ كىرە ، كىرە .. . . ئەلگەنەپ بالام ، ئوبدان كەپسەن سەندەك قابىل ئەسكەرلەرگە بىز تولىمۇ ئىھتىياجلىق! _ ، ئىز قوماندان خوشامەت ئارلاش گەپ قىلدى.
_ قوماندان قاچان ھەركەت قىلاي دەيسىلەر ؟ مەنمۇ مۇشۇ شەبنەم قەبىلسىگە بىر قارشى چىقاي دېگەنىدىم . ئاڭلىسام يەتتە قىزلىرىم مارىزىنى مۇشۇ شەبنەم قەبىلسى بۇزىۋىتىپتۇدەك ، ھە ! _ ، ئەلگەنەپمۇ يالغان باھانىدىن بىرنى كۆرسىتىپ قومانداننى خوش قىلىۋەتتى.
_ يەنە ئازراق ئەسكەر توپلىساملا شەبنەم قەبىلىسىنىڭ ئالدىغا ئۆزۈم پىيادە بارمايدىغان بولسام! _ ، قوماندان يەنە كۆزىگە ئىسسىق ياش ئالدى.
_ سېنىڭ قانداق كارامىتىڭ بار ئەلگەنەپ بالام ؟ _ ، قوماندان قىزىقىپ سورىدى.
_ خېتىم چىرايلىق ، ئىملايىم توغرا ....
_ ھەي ... ھازىر جەڭ قىلىمىز دەۋاتساق خېتىڭنى نېمىش قىلماقچى ئىدىڭ ؟ ئۇرۇش قىلغاندا دۈشمەنگە قەلەم سانجىمايمىز نەيزە سانجىيمىز! _ خىيالى مەسخىرە ئارلاش گەپ قىستۇردى.
_ سەن ئاز گەپ قىل! _ ، قوماندان خىيالىنى سىلكىۋەتتى، _ ماڭا مۇشۇنداق خېتى چىرايلىق جەڭچى لازىم . دۆڭ مەھەلىدىكى توختىنىيازخانغا مۇھەببەت خېتى يازغۇزىمەن.
ئەلگەنەپ سىرلىق ھىجاراپ قويدى ، گىتارچى بىلەن خىيالى ئارتۇق گەپ قىلمىدى.
بىر ھازادىن كېيىن ئۆڭكۈرنىڭ ئىشىكىنى يەنە بىرسى چەكتى. بۇ قېتىم ئىشىكنى گىتارچى ئاشتى . ئۇ بېشىنى چىقىرىپ قارىسا ئالدىدا شەھەرگە نامى كەتكەن داڭلىق تېخىنىكا ئۇستىسى ئەمما تېخنىكىسىنى بىر قىسىم يامان ئىشلارغا ئىشلىتىدىغان گىراف ئالدىدا تۇراتتى. گىتارچى ئۇنىڭغا :
_ چىراغ ، توڭلاتقۇ ، كومپىيوتىر ، تېلۋىزور . . .. ھەممە نەرسىمىز ساق! كىتىپ قالساڭ بولىدۇ_،دېدى.
_ قوماندان گىتارچىدىن كىم ئىكەنلىكىنى سورىدى .
گىتارچى جاۋاب بەرمەستىنلا گىراف ئۆسۈپ كىرىپ ئۆزىنىڭ سېپىگە ئەزا بولۇش ئارزۇسىنىڭ بارلىقىنى ئېيتتى. قوماندان ئۇنىڭدىن :
_ نېمە كارامىتىڭ بار ._ دەپ سورىدى ، گىراف :
_ مەنشۇ ھەرخىل نەرسىلەرن قوراشتۇرالايمەن تېخىنىكام ئالاھىدە ئۈستۈن! _ ، دەپ مەغرۇر جاۋاب بەردى گىراف ، قوماندان :
_ ماڭە ،ئەمسە بېرىپ ئارقا ھويلىدىكى بىر ئاتنىڭ تېرىسى بىلەن سۆڭەكنى قۇراشتۇرۇپ ئات قىلىپ چىقە ، جەڭدە مېنىمەن.
شۇنداق قىلىپ قوماندان گىرافنىمۇ سېپىگە قوشىۋالدى.
يەنە بىردەمدە ئەتە بولدى ، بۇ قېتىم شەھەرگە تۇتۇش بۇيرىقى چىقىرىلغان داڭلىق قاچقۇن فىرقەت ، بىرىنچى دەرىجىلىك قوغدۇغۇچى پەيكار ، شەھەرنىڭ مەشھۇر خۇشخەتچىسى ھەسەن - ھۈسەن ، شەھەردىكى ئەڭ بەستلىك تىنىچ شامال .....ئىشقىلىپ ئالاقاپلارنىڭ ھەممىسى كەلگەنىدى. قوماندان ئۇلارنى ئۆچرەتتە تۇرغۇزۇپ بىربىرلەپ تىزىمغا ئالدۇردى.
_ 1-نۇمۇر فىرقەت ؟
_ بار!
_ قانداق ھۈنىرىڭ بار.
_ موللاق ئاتالايمەن ، ھەرقانداق موللاقنى ۋايىغا يەتكۈزۈپ ئاتىمەن.
_ ياخشى ئىكەن ، ھەركۈنى جەڭ مەشىقىدىن يانغاندا جەڭچىلەرگە موللاق ئېتىپ ئويۇن قويۇپ بېرىسەن!

_ 2- نۇمۇر پەيكار ؟
_ بار!
_ قانداق ھۈنىرىڭ بار ؟
_ ھەرقانداق تاماقنى ئوخشىتىپ ئىتەلەيمەن.
_ ياخشى ئىكەن ، ماڭ بېرىپ ھازىردىن باشلاپ تاماققا تۇتۇش قىل . سەپداشلىرىڭنىڭ قورسىقى ئاچتى.

_ 3- نۇمۇر ھەسەن - ھۈسەن ؟
_ بار !
_ قانداق ھۈنىرىڭ بار؟
_ مەن ھۆسىنخەت يازالايمەن.
_ ياخشى ئىكەن ، شەبنەم قەبىلىسىگە ئۇرۇش ئېلان قىلىش نامىسىنى سەن يازىسەن.

_ 4-نۇمۇر تىنىچ شامال ؟
_ بار!
_ قانداق ھۈنىرىڭ بار؟
_ بەدەنىمنى بىر يىغسام ، تۆمۈردەكلا بولىدۇ.
_ ياخشى ئىكەن ، ۋاقتى كەلگەندە سېنى قىززىتىپ چوغ قىلىپ ، شەبنەم قەبىلىسىدىكىلەرگە سانجىيمىز!

. . . . . . . . . . . .

مانا ئۇزۇنغا قالماي ئىز قوماندان باشچىلىقىدىكى تاغ-تۇرا بارغانسېرى ئاۋاتلىشىپ قوشۇنلىرى كۈچىيىپ كەتتى. شۇ كۈنلەردە قوماندان ئەسكەر قوبۇل قىلىشنى توختىتىشنى بۇرادەرلىرىگە ئۇختۇرۇپ تۇرىشىغا بىر تىلەمچى ئىشىكنى چەكتى ئەلگەنەپ ئىشىكنى ئېچىپ قارىسا بىر تىلەمچى تۇرغان
_ ئەسكەر قوبۇل قىلىش ۋاقتى توشۇپ كەتتى. سەن ئاستا كىتىپ قالغىن..
قوماندان بىر تىلەمچىنىڭ كەلگەنلىكىدىن خەۋەر تېپىپ ئۇنىمۇ سېپىگە قوشىۋالدى ۋە سورىدى :
_ قانداق كارامىتىڭ بار؟
_ مەن شۇنداق بىر تىلەيدىغان بولسام ، ھەرقانداق ئادەم تەسىرلىنىپ ماڭا پۇل بەرمەي قالمايدۇ.
_ ياخشى ئىكەن ، شەبنەم قەبىلىسىگە بېرىپ تىلىگۈزۈپ ئۇلارنىڭ غەزىنىسىنى قۇرۇغدايمىز،
شۇنداق قىلىپ ئىز قوماندان ئۇنىمۇ ئېلىپ قالدى.

ئىسمى چىققانلارنىڭ قەتئىي خاپا بولماسلىقىنى ئۈمىد قىلىمەن.داۋامى تورداشلارنىڭ تېمىغا قارىتا بولغان قىزىقىشىغا قاراپ يېزىلىدۇ.

بـولــىــدۇ،،، مــەن چــوقـــۇم ئـجـرا قـىلـىمـەن..........  

ھا ھا ھا ...نېمىدىگەن قىزىقارلىق !...كۈلۈپ ئۈچىيىم ئۈزۈلۈپ قالاي دېدى.ئىز ئەپەندى،..سىز ئەجەپمۇ تىلغا باي ئىكەنسىز دەيمەن؟ بۇنداق گەپلەرنى نەدىنمۇ تاپىدىغانسىز؟...شۇنداقمۇ قاملاشتۇرۇپ يېزىۋېتىپسىز...مېنىڭچە ئىسمى چىققان دوستلىرىمىز ھەرگىزمۇ خاپا بولمايدۇ،بەلكى خۇددى ماڭا ئوخشاش تېلىقىپ-كۈلۈپ ئەسىرىڭىزنىڭ داۋامىنى تۆت كۆز بىلەن كۈتەرمىكىن؟...ئاخىرىنى غەيرەت قىلىپ يېزىۋېتىپ ، بىزگە تېخىمۇ زور كۈلكە ئاتا قىلغايسىز....جاپا تارتىپسىز....

ھا ھا ھا نېمىدىگەن قىزىقارلىق !...كۈلۈپ ئۈچىيىم ئۈزۈلۈپ قالاي دېدى. بۇنداق گەپلەرنى نەدىنمۇ تاپىدىغانسىز؟ئازمۇ ئەمەس دەڭە تېخى شۇنداقمۇ قاملاشتۇرۇپ يېزىۋېتىپسىز.،مېنىڭچىمۇ ئىسمى چىققان دوستلىرىمىز ھەرگىزمۇ خاپا بولمايدۇ،بەلكى ئەكىسچە تېلىقىپ-كۈلۈپ ئەسىرىڭىزنىڭ داۋامىنى تۆت كۆز بىلەن كۈتەرمىكىن؟! ئاخىرىنى غەيرەت قىلىپ يېزىۋېتىپ ، بىزگە تېخىمۇ زور كۈلكە ئاتا قىلغايسىز.......جاپا تارتىپسىز ......

بەك قىزقارلىق ئىكەن بۇ پەقەت سۆز ئويىنى ،ئۇلارمۇ رەنجىپ كەتمەس.
داۋامىنى تىزرەك .......

مەن باش سەركەردە بولاي،،،بويتاقلارغا ئىدىيە خىزمەت ئىشلىمەمدىم..............

ھا ھا ھا .....تەپەككۇرگە بايدە سىز. ياخشى ئەسەر قانچە ئوقۇغانسىېرى ئادەمنى ئوقۇغۇسىنى كەلتۈرۈىدۇ.

بەك قىزىقكەن! بولسا مىنىمۇ ئەسكەرلىككە ئېلىڭ مېنىڭ ئالاھىدىلىكىم:مەن چېلىشىش ماھىرى. ئەسكەرلىرىڭىزگە چېلىشىشنى ئۈگىتىمەن!

ئاخىرى بامۇ يە؟

ئىز ئەپەندىم، قوشۇنىڭىزدا مەن ياقتۇرىدىغان بۇرادەرلەر باركەن، مېنىمۇ قوشۇۋېلىڭ، ئاشۇ شەبنەمدىكى ئۆزىنىڭ مەنتىقىسى يوق گېپىنى يورغىلىتىپ، ئۆز ئارزۇسىغا خىلاپ بولغان ئىنكاسلارنى ئۆچۈرۈپ ئويناپ ئادەمنىڭ رايىنى ياندۇرىدىغان بەزى ساپاسىز باشقۇرغۇچىلار بىلەن جەڭ قىلاي دەيمەن.
نېمە ماھارىتىڭ بار دەمسىز؟مەن شەبنەمگە يېڭى كىرگەن، جەڭنى سىلەر قىلىڭلار. مەن يۈگۈر-يىتىم ئشلارغا ھەمكارلىشاي، سىلەر جەڭدىن ھېرىپ-ئېچىپ كەلگەندە پۇت- قولۇڭلارنى تۇتۇپ، بىر-ئىككى ئېغىزدىن ماختاپ بەرسەممۇ ھېساب.

مەن بۇ مۇنبەرگە تىما يوللىسام يا تەستىقلانمايدۇ. ياكى ئۆچۈرۈۋىتىلىدۇ.بۇنىڭ سەۋەبىنى چۇشەندۈرۇپ قويساڭلار.مەن پەقەت چۈشەنمىدىم.ئىنكاس قايتۇرسام تىخى ئۆچۈرۇۋىتىسىلەر
مىنىڭ يوللىغان تىمام ئىنكاسلىرىم كىمنىڭ نەرىگە پۇتلىشىپتۇ؟....ھە.......؟
مەن قايسى كۈنى بىر تىما كۆچۇرۇپ قويسام باشقۇرغۇچى كونا تىمىكەن .... يوللىنىپ بولغان تىمىكەن .دەپسىز كونا بولسا نىمە بوپتۇ . ھەممە ئادەم سىزدەك بىلملىكمۇ؟
مەن يوللىغان <<كۆچۈرگەن>>تىما شۇندا ق ئەھمىيەتسىزمۇ؟
ياكى ھۆكۈمىتىڭىزنىڭ سىياسىتىگە تاقىشىپتىمۇ؟باشقامۇنبەردىكىسى نىمىشقا تاقاشمايدۇ؟
ياكى مۇنبەرگە يىڭى كىرگەنلەرنى<<شەبنەم مۇنبىرى>>مۇشۇنداق كۈتۇۋالامسىلەر؟
مىنىڭ كۆچۇرۇپ كەلگەن بۇ تىمامسىزمۇ يەنە نۇرغۇن ئەخلەت تىمىلار بارغۇ سىزنىڭ كۆزىڭىز
شۇنداق تىمىلارنى كۆرمەي نىمىشقا؟؟؟؟؟؟؟؟؟؟؟؟؟؟؟؟؟؟؟؟
ماڭا مۇمكىن بولسا ئىنىق چۇشەنچە بەرسىڭىز؟
ئەگەر مەن يوللىغان تىما ،ئىنكاسلار<<كۆچۇرۇلگەن >>تەربىيىۋى ئەھمىيەتكە ئىگە مەزمۇنلار
سىزنىڭ مۇنبىرىڭىزگە ھەمدە ئاتالمىش سىياسەتلىرىڭىزگە تاقاشسا مەن مۇنبەردىكى ئەزالىق
سالاھىيىتىمدىن ئىستىپا بىرىمەن. ياكى قىسقا ئۇچۇر ئارقىلىق ئۇقتۇرسىڭىزمۇ بولىدۇ.بەزى سۆزلىرىم قاتتىق كەتكەن بولسا   باشقۇرغۇچى قىرىنداشلىرىمدىن   سەمىمى كەچۇرۇم سورايمەن.
ئۇلۇغ ئاللاھدىن ھەممىمىزنىڭ گۇناھلىرىمىزنىڭ مەغپىرەت بولىشىنى تىلەيمەن.ئامىن.

چى چى نۇمۇرۇم:
513362837

Quote:

بۇ مەزمون 10 جى قەۋەتتىكى izora نىڭ 2008-01-26 14:08 دە يوللىغان يازمىسى“”:
مەن بۇ مۇنبەرگە تىما يوللىسام يا تەستىقلانمايدۇ. ياكى ئۆچۈرۈۋىتىلىدۇ.بۇنىڭ سەۋەبىنى چۇشەندۈرۇپ قويساڭلار.مەن پەقەت چۈشەنمىدىم.ئىنكاس قايتۇرسام تىخى ئۆچۈرۇۋىتىسىلەر
مىنىڭ يوللىغان تىمام ئىنكاسلىرىم كىمنىڭ نەرىگە پۇتلىشىپتۇ؟....ھە.......؟
مەن قايسى كۈنى بىر تىما كۆچۇرۇپ قويسام باشقۇرغۇچى كونا تىمىكەن .... يوللىنىپ بولغان تىمىكەن .دەپسىز كونا بولسا نىمە بوپتۇ . ھەممە ئادەم سىزدەك بىلملىكمۇ؟
مەن يوللىغان <<كۆچۈرگەن>>تىما شۇندا ق ئەھمىيەتسىزمۇ؟
ياكى ھۆكۈمىتىڭىزنىڭ سىياسىتىگە تاقىشىپتىمۇ؟باشقامۇنبەردىكىسى نىمىشقا تاقاشمايدۇ؟
.......

كەچۈرۈڭ ئىزورا خانقىز ، شەبنەمدە تېمىلارنىڭ تەستىقلىنىش پىرىنسىپى مانا مۇنداق :
مەزكۇر تېما چوقۇم يوللىغۇچى ئۆزىنىڭ ئەمگىكى ئاستىدا بارلىققا كەلگەن بولىشى كېرەك.
باشقا مۇنبەردىن كۆچۈرۈلگەن ( بىر قىسىم ئەھمىيەتى چوڭ تېمىلارنىڭ ئۇنىڭ سىرتىدا )
تېمىلارنىڭ مەنبەسىنى ۋە ئەسلى يوللىغۇچىسىنى چوقۇم ئەسكەرتىپ قويغاندا ئاندىن تەستىقلىنىدۇ . ئەسكەرتمىگەنلىرى بىردەك ئۆچۈرىلىدۇ. مەنبەسىنى ئەسكەرتمەي باشقا مۇنبەردىن تېما كۆچۈرۈپ يوللىغانلار يەنە تەكرار ئۆزىنىڭ بىلگىنىنى قىلىپ يۈرسە ئۇ ئەزانىڭ يېزىشى چەكلىنىدۇ.
ئەڭ مۇھىمى دۆلەتنىڭ سىياسىتىگە تاقىشىدىغان تېمىلار ھەرگىز تەستىقلانمايدۇ.
يەنە تېمىڭىزنىڭ تەستىقلانماسلىق سەۋەبىنىڭ يوق بولۇپ قالغانلىقىغا كەلسەك ، شەبنەمدە بىر قىسىم كونا ، قابىل باشقۇرغۇچىلار تېمىلارنىڭ تەستىقلانماسلىق سەۋەبىنى قىسقا ئۇچۇردا تېما يوللىغۇچىغا ئەسكەرتىپ قويىدۇ . شەخسەن مەنمۇ يېڭى ئەزا ۋاقتىمدا بەزى باشقۇرغۇچىلار شۇنداق قىلاتتى. ئەمما بۇنى ھەممە باشقۇرغۇچىلارنىڭ قىلىپ كىتىشى ناتايىن . بىر قىسىم ھورۇنراق باشقۇرغۇچىلار كۆزىنى يۇمۇپلا تەستىقلايدۇ ھەم ئۆچىرىدۇ. ئۇنىڭدىن باشقا ئىش قىلمايدۇ.
سىز يوللىغان تېما قانداق تېما ئىدى ؟ تەپسىلىيرەك چۈشەندۈرۈپ قويسىڭىز.
يەنە شەبنەم مۇنبىرىلا ئەمەس ئۇيغۇر تور بەتلىرى ئارىسىدىكى پۈتكۈل مۇنبەرلەرگە كىرىپ بېقىڭ تەكرار يوللانغان تېمىلار بىردەك تەستىقلانمايدۇ. باشقۇرغۇچى تەكرار يوللانغانلىقىنى بىلمەي قېلىپ بىخەستىلىك قىلىپ تەستىقلانمىسىلا ھەرگىز تەستىقلانمايدۇ.
ئەگەر «باشقىلار تەكرار تېما يوللىسا بولىدىكەن ، ئەخلەت تېما يوللىسىلا بولىدىكەن ، مەن يوللىسام نىمىشقا بولمايدىكەن؟ » دەپ قارىسىڭىز ، سۆزىڭىزنى پاكىت ئارقىلىق قىلىڭ .
شەبنەم مۇنبىرىدە قايسى تېمىلار تەكرار بولسا باشقۇرغۇچىلار خەۋەر قىلىپ قويسىڭىز ئۇلار ئۆچۈرۋىتىدۇ. ئاددىي قىلىپ ئېيتسام ئۇيغۇر مۇنبەرلىرىنىڭ ھەممىسىدە تۈزۈم ئوخشاش ، شەبنەم مۇنبىرىنىڭ تۈزۈمى باشقىچە «ئالاھىدە » ئەمەس.
كەچۈرۈڭ ! مەندەك بىر ئادەتتىكى ئەزانىڭ بۇ گەپلەرنى قىلىشقا سالاھىيىتى توشمىسىمۇ سۆزلەپ قويدۇم . يەنە بىلمىگەن يەرلىرىڭىز بولسا دىسىڭىز بولىدۇ.

ھاھ ھاھ ھاھ ھاھ ھاھ ھاھ ھاھ ھاھ ھاھ ھاھ ھاھ ھاھ ھاھ ھاھ ھاھ ھاھ ،ئوغۇز تۇرۇكلىرىنىمۇ قوشۇۋىلىڭلار ھە!

مىنىمۇ قۇشۇۋېلىڭ ئىسمىم ＸＡＨＺＡＤＡشەبنەمنىڭ شاھزادىسى.غەلبە قىلغاندىن كىيىن .....
ئارتۇقچىلىقىم:تاققا-تۇققا سۆزلەپ شەبنەم پۇخرالىرىنىڭ ئىسىدىن جەڭ بۇلۇۋاتقانلىقىنى چىقىرىۋىتەلەيمەن

ياخشى يىزلىپتۇرەھمەت لىكىنزە مەندەك بىر ئاددى جەڭچىنى ئۇنتۇپ قاپسىز