★رىۋايەتلەردىكى شەبنەم قەبىلىسى★

>> سىز تېخى كىرمىدىڭىز كىرىش تىزىملىتىڭ | مىدال مەركىزى | تور تېلۋىزىيەسى

مۇنبەر قوللانمىسى

XabnamBBS -> شەبنەم ئەدەبىيات كۆزنىكى -> ★رىۋايەتلەردىكى شەبنەم قەبىلىسى★

سىز بۇ تېمىنىڭ 1937 ـ ئوقۇرمىنى

← تېمىسى : ★رىۋايەتلەردىكى شەبنەم قەبىلىسى★

IE دا ساقلىۋېلىش | تېما ساقلاش | ئالدىنقى تېما | كېيىنكى تېما

ئىز

ھالىتى : بۇ ئەزا توردا يوق
دەرىجە: ئالىي ئەزا
نادىر تېما: 4
يازما سانى: 1597
شۆھرەت: 1889 نۇمۇر
پۇل: 17778 سوم
تۆھپە: 297 نۇمۇر
توردىكى ۋاقتى:138(سائەت)
ئەزا بولغان ۋاقتى : 2007-04-14

★رىۋايەتلەردىكى شەبنەم قەبىلىسى★

رىۋايەتلەردىكى شەبنەم قەبىلىسى
ئاپتور _ ئىز

تارىخ بەتلەردە ئېيتىلىشىچە بۇرۇنقى زاماندا «شەبنەم»قەبىلىسى دېگەن بىر قەبىلە بار ئىمىش. بۇ قەبىلىدە ناتۇرال ئىگىلىك ھۆكۈمران ئورۇندا بولغاچقا قەبىلە ئىچىدە ئەر-ئاياللارنىڭ خىزمىتى ئېنىق ئايرىلغان بولۇپ ، ئەرلەر ئوۋ ئوۋلاشتىن باشقا ھېچقانداق ئەمگەك قىلمايدىكەن.ئاياللار بولسا بالا بېقىش ، تاماق ئىتىش ، كىر يۇيۇش ، ئېتىز-ئېرىق . . . . . ئىشلىرىنى قىلىدىكەن. بۇلارنىڭ ھال ئەھۋالى يامان ئەمەس ئۆتىدىكەن.
لېكىن «بۇ كۈنلەرمۇ ئۆتۈپ كىتەر»دىگەنگە ئوخشاش ياخشى كۈنلەر ئۇزۇنغا بارماپتۇ. قەبىلە ئىچىدە بۇ خىل ئادىل بولمىغان خىزمەت تەقسىماتى ئاياللارنىڭ كاللىسىدىن ئۆتمىگىلى تۇرۇپتۇ،چۈنكى قەبىلە ئىچىدە ئەرلەرنىڭ تۆھپىسى ئانچە كۆزگە كۆرۈنمەي قالغىلى ھەتتا ئاياللارنىڭ ئەرلەرنى بېقىشتەك ۋەزىيەت شەكىللىنىپ قاپتۇ. شۇنىڭ بىلەن سائادەت خانىم باشچىلىقىدىكى «ئاياللار بىرلەشمىسى يېغىنى»ئېچىلىپتۇ ھەم مەسىلىنى تۈپ يىلتىزىدىن ھەل قىلىش توغرىلىق مۇنازىرە قىلىشىپتۇ.ئاياللار بەس-بەستە پىكىر قاتناشتۇرۇپتۇ :
_ مېنىڭچە بولسا ، _ دەپ گەپ باشلاپتۇ گۈلسەنەم خانىم ، _ بۇ ئەرلەر سەل ھەددىدىن ئېشىپ كەتتى ، قاراڭلار ، ئۇلارنىڭ قىلىدىغان ئىشى ناھايىتى كەلسە شۇ ئوۋ ئوۋلاش ،نەچچە كۈندە بىرەر توشقان ئوۋلىسا ئوۋلىدى،بولمىسا يوق،بۇغا گۆشلىرىنى سېغىنىپ كەتتىغۇ كىشى. . . .
_ راست دەيدۇ ، _ دېدى ئارقىدىنلا نۇرزىيە خانقىز _ ئۆتكەندە دوختۇرخانىغا بارسام سىزگە ئېييىق گۆشى پايدا قىلىدىكەن دىگەن ئىدى،ئۆيگە كېلىپ ئېرىمگە دىسەم [ ھازىر ئېييىق تۇرماق ، يەيدىغان چاشقان گۆشىمۇ يوق ، تاس قېلىۋاتىمەن سېنىلا سويۇپ يەۋەتكىلى ] دەپ بىر ئالايماسما ، يائاللار قورقۇپ جېنىم چىقتى.
_ ھە شۇ دېمىسىمۇ راستە ؟! بىز دېگەن ئوۋ ئوۋلىدۇق دەپ گېپى چوڭ بولغان بىلەن قاچان بىز گۆشسىز تاماق يەۋاتقىلى، ئۇ خەقنى بىز بېقىۋاتىمىز . . . .
_ ھەببەللى ..! _ ئاياللار بىرلەشمىسىنىڭ رەئىسى چىنمودەن خانقىز سۆزگە ئارلىشىپ - شۇ گەپ ئەمەسمۇ؟! شۇڭا بۈگۈنكى يىغىننىڭ مەقسىتى مۇشۇ ، مەسىلىنى بىر ھەل قىلايلى زادى.
بۇ گەپ تۈگە تۈگمەيلا ئاياللار چۇرقىرىشىپ كېتىپتۇ!!!
_ مېنىڭچە،ئەرلەر بىزگە يۈك بولۇپ قاپتۇ..
_ ھە ...ۋاي ئۇلارنىڭ ھېچ پايدىسى قالمىدى بىزگە!!
_ ئۇنىڭدىن كۆرە قوغلاپلا چىقىرايلى ئۇلارنى...
شۇنىڭ بىلەن بۇ قەبىلە ئىچىدىن پارچىلىنىپ ئاياللار ئايرىم بىر قەبىلە تۈزىۋاپتۇ. ئەلۋەتتە قالغان ئەرلەرمۇ بىر قەبىلە بولىۋاپتۇ.
لېكىن ئىش بۇنىڭ بىلەن ھەل بولماپتۇ،ئىككى قەبىلە ئوتتىرىسىدىكى زىدىيەت كۈنسايىن ئەۋىج ئېلىپ كىتىپتۇ.
ئەرلەرگە ئۆچ بولۇپ كەتكەن ئاياللار ئەسىرگە چۈشكەن ئەرلەرنى تاماق ئېتىش ۋە ھەرخىل ئېغىر ئەمگەكلەرگە سېلىپ ، بۇلارنى بەك قىينىۋىتىپتۇ،چۈنكى تەييار تاماق يەپ كۆنۈپ كەتكەن ئەرلەرگە ، تاماق ئېتىش جېنىنى ئالغانلىق بىلەن باراۋەركەن.
ئەرلەرمۇ ئەلۋەتتە قاراپ تۇرمايدۇ-دە ، ئۇلارمۇ ئەسىرگە چۈشكەن ئاياللارنى «بىزنى قوغلىغان سەن خەق » دەپ ، تازا قىيناپتۇ.
بۇنداق بولىۋەرسە بولمايدىغانلىقىنى بىلگەن ئىككى قەبىلە باشلىقلىرى «ئۇرۇش ئەسىرلىرىنى خورلىماسلىق»توغرىسىدا شەرتنامە تۈزۈپتۇ.شەرتنامىنىڭ ئاساسلىق مەزمۇنى « ئەسىرلەرنى ئەڭ ياخشى مۇئامىلىدىن بەھرىمان قىلىش»ئىكەن.
شۇنىڭ بىلەن ھەرئىككى قەبىلە ئەسىرلەرگە ناھايىتى ياخشى قاراپتۇ،ئۆزى ئاچ قالسىمۇ ،ئەسىرلەرنى ناھايىتى ياخشى كۈتۈپتۇ.
ئاياللار يوق،ئەرلەرنىڭ كۈنى تازا تەسكە چۈشۈپتۇ ، تاماقنىغۇ ھەرھالدا ئوۋلىغان نەرسىلەر بىلەن بىر نەرسە قىلىدىكەن.لېكىن، ئۆينىڭ بارلىق ئىشلىرى.....
بىر كۈنى ئەرلەر ئولتۇرۇپ پاراڭلىشىپتۇ.
_ ھەي ، نېمە كۈن بۇ ؟ ئۆيدە ئايال يوق بەك تەس كەلدىغۇ بۇ كۈن...؟!
_ شۇ . ئۇنى بىر نېمە دىمەڭلار پەرۋىنئاخۇن .ۋاي تېخى كىر يۇيۇشنىڭ تەسىلىكىنى دىمەيلا قوياي.
_ ۋاي..نان يېقىشچۇ . ھېلىقى كۈنى نان ياقىمەن دەپ ، ساقىلىمنى كۆيدۈرۋېلىپ ، بىر ھەپتە تالاغا چىقالمىدىم-،دەپتۇ موللا پوك-پوك
_ تۈنۈگۈن ئوۋغا چىقاي دىسەم ، بالامغا قارايدىغان ئادەم يوق ، بىللە ئېلىپ چىقاي دىسەم ، بالامغا قارايدىغان ئادەم يوق،بىللە ئېلىپ چىققان..يائاللا تاس قالدى بالامنى يولۋاس يەپ كەتكىلى-، دەپتۇ ئەركزاتمۇ بوش كەلمەي.
_ ھەي قانداق قىلىشامىز...؟
_ ...........
ئەرلەر بەس-بەستە مۇنازىرە قىلىپ ئاخىرى ھېلىقى شەرتنامىدىن يوچۇق تېپىپتۇ.
ئارىدىن ئۇزۇن ئۆتمەيلا ئىككى قەبىلە زېمىن تالىشىپ ئۇرۇش قىپتۇ.بۇ قېتىم ئەھۋال باشقىچە تۇرغۇدەك ئەرلەرنىڭ كۆپىنچىسى ئەسىرگە چۈشۈپ كىتىپتۇ. شۇنداق قىلىپ كەينى-كەينىدىن ئېلىپ بارغان ئۇرۇشتا ئەرلەرنىڭ ھەممىسى ئەسىرگە چۈشۈپ كىتىپتۇ. بىچارە ئاياللار بۇ ھىجىيىپ تۇرۇپ ئەسىرگە چۈشكەن ئەرلەرنى شەرتنامە بويىچە ئەڭ ياخشى مۇئامىلىدىن بەھرىمان قىلىشقا مەجبۇر بوپتۇ.
شۇنداق قىلىپ شەبنەم قەبىلىسىدىن ئىبارەت بۇ قەبىلە كىشىلەر ئارىسىدا قايتا جۇلالىنىپتۇ! . . . .

[ بۇ يازما ئىز تەرپىدىن 2007-12-06 23:13 دە قايتا تە ]

بۇ يازما باھالانغان،يېقىندا باھالىنىش ئەھۋالى

تۆھپە:10(saadat)	تۆھپە:10(gul-sanam)	شۆھرەت:10(arkhon)
ياخشى باھا:5(uyghur839)

[باش يازما] | يوللانغان ۋاقىت : 2007-12-06 22:13

~uyghurjan~

xabnam.com

ھالىتى : بۇ ئەزا توردا يوق
دەرىجە: شەبنەم باشقۇرغۇچى
نادىر تېما: 0
يازما سانى: 1186
شۆھرەت: 1217 نۇمۇر
پۇل: 11830 سوم
تۆھپە: 118 نۇمۇر
توردىكى ۋاقتى:344(سائەت)
ئەزا بولغان ۋاقتى : 2006-12-21

ئىز ئەپەندىم . ھىكايىڭىز ھەقىقەتەن ياخشى چىقىپتۇ . ئاخىرى باردۇ ...؟
مەن ئاخىرىغا قىزىقىۋاتىمەن ..........ئۇ ئەر ئەسىرلەر ئاخىرى ........................

ھا ھا ھا ..........~~~

...........

ﺟﯩﻤﻰ ﮬﻪﻣﺪﯗ ﺳﺎﻧﺎ ﺋﺎﻟﻪﻣﻠﻪﺭﻧﯩﯔ ﭘﻪﺭﯞﻩﺭﺩﯨﮕﺎﺭﻯ ﺍﻟﻠﻪ ﻏﺎ ﺧﺎﺳﺘﯘﺭ، ﺍﻟﻠﻪ ﻧﺎﮬﺎﻳﯩﺘﻰ ﺷﻪﭘﻘﻪﺗﻠﯩﻚ ﯞﻩ ﻣﯩﮭﺮﯨﺒﺎﻧﺪﯗﺭ، ﻗﯩﻴﺎﻣﻪﺕ ﻛﯘﻧﯩﻨﯩﯔ ﺋﯩﮕﯩﺴﯩﺪﯗﺭ ،ﺭﻩﺑﺒﯩﻤﯩﺰ ﺳﺎﯕﯩﻼ ﺋﯩﺒﺎﺩﻩﺕ ﻗﯩﻠﯩﻤﯩﺰ ﯞﻩ ﺳﻪﻧﺪﯨﻨﻼ ﻳﺎﺭﺩﻩﻡ ﺗﯩﻠﻪﻳﻤﯩﺰ . (ﺋﺎﻟﻼﮬﯘ ﺋﻪﻛﺒﻪﺭ) \

http://www.Qimbulak.comچىمبۇلاق تورى

[1 - قەۋەت] | يوللانغان ۋاقىت : 2007-12-06 22:25

arkhon

ھالىتى : بۇ ئەزا توردا بار
دەرىجە: شەبنەم باشقۇرغۇچى
نادىر تېما: 1
يازما سانى: 537
شۆھرەت: 555 نۇمۇر
پۇل: 5172 سوم
تۆھپە: 71 نۇمۇر
توردىكى ۋاقتى:991(سائەت)
ئەزا بولغان ۋاقتى : 2006-10-17

زادى مۇشۇ ئەركزات ئەپەندى ۋە پەرۋىن باشلىق بولسا مۇشۇنداق ئىش چىقىدۇ...ئاقىۋەت ...

[2 - قەۋەت] | يوللانغان ۋاقىت : 2007-12-06 22:30

KIQIKKAYNAM

ھالىتى : بۇ ئەزا توردا يوق
دەرىجە: يېڭى ئۆگەنگۈچى
نادىر تېما: 0
يازما سانى: 46
شۆھرەت: 47 نۇمۇر
پۇل: 310 سوم
تۆھپە: 0 نۇمۇر
توردىكى ۋاقتى:96(سائەت)
ئەزا بولغان ۋاقتى : 2006-11-28

بەك ياخشى ھېكايە ئــــىكەن. داۋاملىق تــــــــىرىـــــــــشـــــــــــــــىــڭ

قاينام ئۆركىشى[/glow]

[3 - قەۋەت] | يوللانغان ۋاقىت : 2007-12-06 22:31

gul-sanam

ھالىتى : بۇ ئەزا توردا يوق
دەرىجە: شەبنەم باشقۇرغۇچى
نادىر تېما: 7
يازما سانى: 1497
شۆھرەت: 1758 نۇمۇر
پۇل: 15136 سوم
تۆھپە: 325 نۇمۇر
توردىكى ۋاقتى:899(سائەت)
ئەزا بولغان ۋاقتى : 2007-05-04

ئەرلەرنىڭ كاللىسى ئاياللارغا توزاق قۇرۇشقىلا ئىشلەمدىكىنە؟ تەسەۋۇرغا بايكەنسىز . ياخشى چىقىپتۇ . قېنى قىز،ئايال قېرىنداشلار بۇ ئەسەرگە بىرەر تىما ياندىۋەتمەمدۇق. ئېۋۇ شەرتنامىنى ئەمەلدىن قالدۇرۇش كېرەكمۇ يا؟

[4 - قەۋەت] | يوللانغان ۋاقىت : 2007-12-06 22:46

imamasan

ھالىتى : بۇ ئەزا توردا يوق
دەرىجە: يېڭى ئۆگەنگۈچى
نادىر تېما: 0
يازما سانى: 35
شۆھرەت: 36 نۇمۇر
پۇل: 350 سوم
تۆھپە: 0 نۇمۇر
توردىكى ۋاقتى:56(سائەت)
ئەزا بولغان ۋاقتى : 2007-11-15

موللا پوك-پوكقا تازا خوش يېقىپتۇھە

بۇۋاققا ھەقاچان ساقالمۇ چىققاندۇ

[5 - قەۋەت] | يوللانغان ۋاقىت : 2007-12-06 22:56

saadat

ھالىتى : بۇ ئەزا توردا يوق
دەرىجە: شەبنەم باشقۇرغۇچى
نادىر تېما: 0
يازما سانى: 1884
شۆھرەت: 2030 نۇمۇر
پۇل: 18840 سوم
تۆھپە: 149 نۇمۇر
توردىكى ۋاقتى:935(سائەت)
ئەزا بولغان ۋاقتى : 2006-11-27

ۋاي گۇلسەنەم بىز بۇ مەسلىھەتنى قىلىشقىلى تېخى يېرىم سائەتمۇ بولمىغانتىغۇ؟بۇلار يەنە بىزنىڭ شەخسىي ئۇچۇرلىرىمىزنى كۆرۇپ (ئالدىنى ئېلىش) خىزمىتىنى باشلىۋەتكەن بولمىسۇن؟قېنى سىلەر قىزلاردىققەت!!!سەگەكلىكنى ئۆستۇرەيلى!ئامال بار ئەسىرگە چۇشكەن ئەرلەرنى ئۆلتۇرۇپلىۋىتەيلى(ئۇ نان قېپىلارنى بىكار باققاندىن كۆرە).......
بىر مەيدان كەسكىن ئىنكاس جېڭىغا مەزمۇت تەييارلىق ھە؟

ئادەم بولساڭ بولغىن شەمشەر قېلىچتەك.بولما ھەرگىز ئىچى كاۋاك قۇمۇشتەك!

[6 - قەۋەت] | يوللانغان ۋاقىت : 2007-12-06 23:11

kurxat

ھالىتى : بۇ ئەزا توردا يوق
دەرىجە: ئالىي ئەزا
نادىر تېما: 0
يازما سانى: 485
شۆھرەت: 521 نۇمۇر
پۇل: 4875 سوم
تۆھپە: 45 نۇمۇر
توردىكى ۋاقتى:406(سائەت)
ئەزا بولغان ۋاقتى : 2007-02-07

QUOTE:

بۇ مەزمون 4 جى قەۋەتتىكى gul-sanam نىڭ 2007-12-06 22:46 دە يوللىغان يازمىسى“”:
ئەرلەرنىڭ كاللىسى ئاياللارغا توزاق قۇرۇشقىلا ئىشلەمدىكىنە؟ تەسەۋۇرغا بايكەنسىز . ياخشى چىقىپتۇ . قېنى قىز،ئايال قېرىنداشلار بۇ ئەسەرگە بىرەر تىما ياندىۋەتمەمدۇق. ئېۋۇ شەرتنامىنى ئەمەلدىن قالدۇرۇش كېرەكمۇ يا؟

مانا، مانا، شەرتنامە تۈزىدىغان چاغدا دېمىگەنمىتىم، بۇلار يېنىۋالىدۇ دەپ؟!

[7 - قەۋەت] | يوللانغان ۋاقىت : 2007-12-07 00:08

Alpamish

ھالىتى : بۇ ئەزا توردا يوق
دەرىجە: ئالىي ئەزا
نادىر تېما: 3
يازما سانى: 228
شۆھرەت: 524 نۇمۇر
پۇل: 2453 سوم
تۆھپە: 284 نۇمۇر
توردىكى ۋاقتى:280(سائەت)
ئەزا بولغان ۋاقتى : 2007-09-22

بۈگۈن ئېلخېتىمگە مۇنداق بىر ئۇقتۇرۇشنامە كىلىپتۇ،ئوقۇپ قارىسام شەبنەم قەبىلىسى ئاياللار بىرلەشمىسىنىڭ ئاتالمىش ئائىلە تۈزۈمىنى كۈچەيتىپ،ئائىلە تەرتىپىنى ساقلاش،ئەسىرگە چۈشكەن ئەرلەرنى قېلىپلاشتۇرۇش ئۈچۈن تۈزگەن 10ماددىلىق ''تۈزۈم''لىرىمىش،بۇنى كۆرگەن كەمىنە ئالپامىش،خورلۇققا چىدىماي،ئۇشبۇ تۈزۈمنى ئۆزپىتى بۇ يەرگە يوللاپ قويدۇم،كونكىرىت مەزمۇنى تۆۋەندىكىدەكمىش:

1.ئايالىنى قىزغىن سۆيۈش،ئايالىنى ھىمايە قىلىش،ئايالىنىڭ رەھبەرلىكىگە قەتئىي بويسۇنۇش.
2.ھەر كۈنى سائەت 6:00 دە چوقۇم ئورنىدىن تۇرۇپ،ناشتىلىق تەييارلاش،كېچىكتۈرمەسلىك،ھورۇنلۇق قىلماسلىق؛ ھەركۈنى كەچ سائەت 9:00 دا ئۇخلاش،ئۇخلاشتىن بۇرۇن،ئايالىنىڭ پۇت-قوللىرىنى تۇتۇپ قويۇش كېرەك.بالدۇر ياكى كېيىن بولۇپ قېلىشىقا بولمايدۇ.ھېيت بايراملاردا دەم ئېلىشقا بولمايدۇ.
3. ھەر ئايلىق مۇئاش،مۇكاپات ۋە بارلىق كىرىملەرنى ئايالىغا ساق تاپشۇرۇش كىرەك.پۇل تىقىشقا بولمايدۇ.كۈندىلىك راسخوت 10 يۈئەندىن ئېشىپ كەتمەسلىك كىرەك.بۇ راسخوتنى ئايال كۈندىلىك ئاجرىتىشى كىرەك.ھەرقانداق سەۋەپ كۆرسىتىپ ئاشۇرۋېتىشكە بولمايدۇ.ئايالنىڭ بۇ راسخوتنى تەكشۈرۈش،تەستىقلاش ھوقۇقى بولىدۇ.ئەگەر خىلاپلىق قىلىنسا ئاقىۋەتنىڭ ئېغىر يېنىكلىكىگە قاراپ جازا بېرىلىدۇ.(راسخوتنى كېمەيتىش،ئۆيگە كىرگۈزمەسلىك،ئەرلىك ئۇنۋانىنى ئېلىپ تاشلاش قاتارلىق جازالار )
4. ئايالىنىڭ ۋە بالىسىنىڭ مەكتەپكە،ئىشقا بېرىش يېنىش ۋاقتىدا ئاپىرىپ ئەكىلىش ئىشلىرىغا مەسئۇل بولىدۇ. بايرام دەم ئېلىشلاردا "3 تە ھەمرا" بولۇش ئىشقا ئاشۇرىلىدۇ، يەنى: ئايالىغا ھەمرا بولۇپ بازار چۆرگىلەش( ماگزىننىڭ ئالدىدا ساقلاپ تۇراي دىيىشكە بولمايدۇ)،قېينئاپىسىغا ھەمرا بولۇپ پاراڭلىشىپ بېرىش(مۈگدەپ قېلىشقا ياكى تېلىۋىزور كۆرۈشكە بولمايدۇ)،بالىغا ھەمرا بولۇپ باغچىلارنى چۆرگىلەش (پۇرسەتتىن پايدىلىنىپ بالىنىڭ دوستلىرىنىڭ ئاپىسى بىلەن پاراڭلىشىشقا بولمايدۇ)؛ئەگەر خىلاپلىق قىلىنسا ئەھۋالنىڭ ئېغىر يىنىكلىكىگە قاراپ كارۋاتقا چىقارماسلىق،بىر ئايلىق راسخوتنى تۇتۇپ قېلىش قاتارلىق چارىلەر كۆرۈلىدۇ.
5. چوقۇم ئۆيدىكى بارلىق تازىلىق ئىشلىرىغا مەسئۇل بولۇش كىرەك.ئەگەر تازىلىقتا نىشانغا يەتمەسلىك ئەھۋالى كۆرۈلسە قايتىدىن 3 قېتىم تازىلاش ياكى 3 كۈنلۈك راسخوتىنى كىمەيتىش چارىسى كۆرۈلىدۇ.
6. تېلىۋىزور كۆرگەندە ئايالى ۋە بالىسىدىن تىزگىنەك تالىشىشقا بولمايدۇ،كومپېيۇتىرنىڭ ئالدىدا ئەسلا ئولتۇرۇشقا بولمايدۇ،ۋاراڭ-چۇرۇڭ قىلىشقا بولمايدۇ.خىلاپلىق قىلىنسا پولنى 30 قېتىم سۈرتۈش جازاسى بېرىلىدۇ.
7. ئايال خىزمەتداشلىرى ۋە باشقا ئاياللارغا لەپپىدە قاراش ۋاقتى 1 سېكونتتىن ئېشىپ كەتمەسلىكى كىرەك(1 سېكۇنتنى ئۆز ئىچىگە ئالىدۇ)ئوخشاش بىر ئايالغا قارىغان قېتىم سانى 2 قېتىمدىن ئاشماسلىقى كىرەك(2 قېتىمنى ئۆز ئىچىگە ئالىدۇ)،كونا قىز دوستلىرى بىلەن تېلفونلىشىشقا،ئۇچرىشىشقا،پاراڭلىشىشقا بولمايدۇ.ئاياللارنىڭ ئالدىدا گەپدانلىق قىلىشقا، ئايال خىزمەتداشلىرى بىلەن يالغۇز كاماندىروپكىغا چىقىشقا بولمايدۇ.بۇنداق ئەھۋاللار بايقالسا ئايال بولغۇچى خالىغانچە جازا بەرسە بولىدۇ.
8.تاماكا چېكىش،ھاراق ئىچىش،چ چ ۋە چايخانىلاردا سۆزلىشىش قەتئىي چەكلىنىدۇ.خىلاپلىق قىلىنسا مۇددەتسىز قامىلىدۇ.
9. ئائىلىدىكى بارلىق مەسىلىلەردە "يۈكسەك دەرىجىدىكى دېموكىراتىك مەركەزلەشتۇرۇش"پىرىنسىپىغا ئەمەل قىلىنىدۇ( ئايالنىڭ قارارىغا بويسۇنىدۇ).ئۆز بېشىمچىلىق قىلىشقا،بالا ياكى قېينئاپىغا ئەرز قىلىش قەتئىي چەكلىنىدۇ.
10. ئائىلە مەخپىيەتلىكى چىڭ ساقلىنىپ،"تۈزۈم"نىڭ كونكىرت مەزمۇنىنىڭ سىرتقا ئاشكارىلانماسلىقى كاپالەتكە ئىگە قىلىنىشى كىرەك.

شەبنەم قەبىلىسى ھازازۇل خوتۇنلار بىرلەشمىسى تۈزۈپ بېكىتتى.
''بۇ يەردە يوغونلا بىر لەۋ سۇرۇخلۇق قىزىل تامغا''
شەبنەم يىلى مانچىنجى ئاينىڭ مانچىنجى كۈنى.

شۇنىڭ بىلەن پېقىر غەزەپتىن تىتىرەپ،ئۇشبۇ تۈزۈمنى يازغان ھازازۇللار بىرلەشمىسىگە ھومۇيۇپ،شەبنەم قەبىلىسدىكى بارلىق ئەر-ئايال زاتلىرىغا شۇنى جاكارلايدۇكى:...ئايال ئۈچۈن قەسەم قىلغان ئەر ئەخمەق،ئائىلە ئۈچۈن تىرىشقان ئەر''ئەركەك''،ئەرلەر ئاياللارنىڭ ھۆرمىتىگە مۇھتاج،ئاياللار ئەرلەرنىڭ زوقلىنىشىغا مۇھتاج.ئەرلەرنىڭ كەسپى ھاياتلىق كېمىسى،ئاياللارنىڭ كەسپى ھېسسىيات سەپىرى.ئەرلەر ئارىسىدىكى ئايال مەلىكىدۇر،ئاياللار ئارىسىدىكى ئەر قۇلدۇر.ئەرلەر ئاياللارنىڭ ئالدىدا جەسۇرلەشسۇن،ئاياللار ئەرلەرنىڭ ئالدىدا لىۋەنلەشسۇن.ئەرلەر ئۆزىنىڭ يۈز ئابرويىنى قەدىرلىسۇن،ئاياللار ئۆزىنىڭ نامىنى قەدىرلىسۇن..ئەر-قۇياش،ئايال -ئاي دىمەكتۇر.قۇياش نۇرى بىلەن ئاي نۇرى بىرىككەندىلا گۈزەل دۇنيا ھاسىل بولىدۇ..ئەر-تاغ،ئايال- سۇ دىمەكتۇر.شولىسى سۇدا ئەكىس ئەتكەن تاغلار تېخىمۇ ئىگىز، كۆركەم سانىلدۇ،تاغنىڭ ئاستىدىن ئېقىپ چىققان سۇلار پاكىز ۋە لەززەتلىك بولىدۇ..ئەر-شامال،ئايال-يامغۇر ،يېشىن دىمەكتۇر.بەزىدە شامال يامغۇرغا ھەمرا بولۇپ كەلسە،بەزىدە يامغۇر-يېشىن شامالغا ئەگىشىپ كېلىدۇ،شۇڭا كونىلار،<<شامال بىلەن يامغۇر بىرجۈپتۇر>>دەپ بىكار ئېيىتمىغان...

ئەگەر بۇنىڭغا شەبنەم قەبىلىسىدىكى ئاياللار ئۇنىمىسا،ئۇشبۇ دىياردىكى ئۆيلىنەلمەي قالغان قېرى يىگىتلەر..ھەرگىز ئەنسىرمەڭلار.....سىزنى مۇنبەر ئاتامانلىرى بىلەن بىرلىشىپ قوشنا قەبىلىنىڭ قىزلىرى بىلەن ئۆزىمىز ئۆيلەپ قويىمىز...ھاھاھا..

[ بۇ يازما Alpamish تەرپىدىن 2007-12-07 02:46 دە قاي ]

بۇ يازما باھالانغان،يېقىندا باھالىنىش ئەھۋالى

ياخشى باھا:10(saadat)

[8 - قەۋەت] | يوللانغان ۋاقىت : 2007-12-07 02:37

arkhon

ئالپامىش مانا ئەمدى ئاغىنەمدەك گەپ قىپسىز يېقىندىن بىرى ئۆيلىنىش دىگەن گەپ قۇلۇقۇمغا شۇنداق يېقىملىق ئاڭلىنىدىغان بۇلۇپ قالدى دىسە ھى ھى ھى ...

[9 - قەۋەت] | يوللانغان ۋاقىت : 2007-12-07 03:00

nazira138

ھالىتى : بۇ ئەزا توردا يوق
دەرىجە: تىرىشچان ئەزا
نادىر تېما: 0
يازما سانى: 511
شۆھرەت: 512 نۇمۇر
پۇل: 5070 سوم
تۆھپە: 0 نۇمۇر
توردىكى ۋاقتى:270(سائەت)
ئەزا بولغان ۋاقتى : 2007-10-02

شۇنىڭ بىلەن پېقىر غەزەپتىن تىتىرەپ،ئۇشبۇ تۈزۈمنى يازغان ھازازۇللار بىرلەشمىسىگە ھومۇيۇپ،شەبنەم قەبىلىسدىكى بارلىق ئەر-ئايال زاتلىرىغا شۇنى جاكارلايدۇكى:...ئايال ئۈچۈن قەسەم قىلغان ئەر ئەخمەق،ئائىلە ئۈچۈن تىرىشقان ئەر''ئەركەك''،ئەرلەر ئاياللارنىڭ ھۆرمىتىگە مۇھتاج،ئاياللار ئەرلەرنىڭ زوقلىنىشىغا مۇھتاج.ئەرلەرنىڭ كەسپى ھاياتلىق كېمىسى،ئاياللارنىڭ كەسپى ھېسسىيات سەپىرى.ئەرلەر ئارىسىدىكى ئايال مەلىكىدۇر،ئاياللار ئارىسىدىكى ئەر قۇلدۇر.ئەرلەر ئاياللارنىڭ ئالدىدا جەسۇرلەشسۇن،ئاياللار ئەرلەرنىڭ ئالدىدا لىۋەنلەشسۇن.ئەرلەر ئۆزىنىڭ يۈز ئابرويىنى قەدىرلىسۇن،ئاياللار ئۆزىنىڭ نامىنى قەدىرلىسۇن..ئەر-قۇياش،ئايال -ئاي دىمەكتۇر.قۇياش نۇرى بىلەن ئاي نۇرى بىرىككەندىلا گۈزەل دۇنيا ھاسىل بولىدۇ..ئەر-تاغ،ئايال- سۇ دىمەكتۇر.شولىسى سۇدا ئەكىس ئەتكەن تاغلار تېخىمۇ ئىگىز، كۆركەم سانىلدۇ،تاغنىڭ ئاستىدىن ئېقىپ چىققان سۇلار پاكىز ۋە لەززەتلىك بولىدۇ..ئەر-شامال،ئايال-يامغۇر ،يېشىن دىمەكتۇر.بەزىدە شامال يامغۇرغا ھەمرا بولۇپ كەلسە،بەزىدە يامغۇر-يېشىن شامالغا ئەگىشىپ كېلىدۇ،شۇڭا كونىلار،<<شامال بىلەن يامغۇر بىرجۈپتۇر>>دەپ بىكار ئېيىتمىغان...

ئالپامىش ئەپەندىم ، نىمىدىگەن ئىسىل مىسرالار بۇ ،بارلىق ئەر-ئاياللار مۇشۇنداق بولسا ھە !!!!!!!!
ئىز ئەپەندىم ، شۇنداق ياخشى يىزىپسىز ، ئىلھاملىرىڭىزغا ئۇتۇق تىلەيمەن !!!!!!!!!!!!!!

[10 - قەۋەت] | يوللانغان ۋاقىت : 2007-12-07 10:50

oyster

ھالىتى : بۇ ئەزا توردا يوق
دەرىجە: شەبنەم ئەزاسى
نادىر تېما: 0
يازما سانى: 285
شۆھرەت: 299 نۇمۇر
پۇل: 2789 سوم
تۆھپە: 30 نۇمۇر
توردىكى ۋاقتى:283(سائەت)
ئەزا بولغان ۋاقتى : 2006-10-18

ئايال ئۈچۈن قەسەم قىلغان ئەر ئەخمەق،ئائىلە ئۈچۈن تىرىشقان ئەر''ئەركەك''،ئەرلەر ئاياللارنىڭ ھۆرمىتىگە مۇھتاج،ئاياللار ئەرلەرنىڭ زوقلىنىشىغا مۇھتاج.ئەرلەرنىڭ كەسپى ھاياتلىق كېمىسى،ئاياللارنىڭ كەسپى ھېسسىيات سەپىرى.ئەرلەر ئارىسىدىكى ئايال مەلىكىدۇر،ئاياللار ئارىسىدىكى ئەر قۇلدۇر.ئەرلەر ئاياللارنىڭ ئالدىدا جەسۇرلەشسۇن،ئاياللار ئەرلەرنىڭ ئالدىدا لىۋەنلەشسۇن.ئەرلەر ئۆزىنىڭ يۈز ئابرويىنى قەدىرلىسۇن،ئاياللار ئۆزىنىڭ نامىنى قەدىرلىسۇن..ئەر-قۇياش،ئايال -ئاي دىمەكتۇر.قۇياش نۇرى بىلەن ئاي نۇرى بىرىككەندىلا گۈزەل دۇنيا ھاسىل بولىدۇ..ئەر-تاغ،ئايال- سۇ دىمەكتۇر.شولىسى سۇدا ئەكىس ئەتكەن تاغلار تېخىمۇ ئىگىز، كۆركەم سانىلدۇ،تاغنىڭ ئاستىدىن ئېقىپ چىققان سۇلار پاكىز ۋە لەززەتلىك بولىدۇ..ئەر-شامال،ئايال-يامغۇر ،يېشىن دىمەكتۇر.بەزىدە شامال يامغۇرغا ھەمرا بولۇپ كەلسە،بەزىدە يامغۇر-يېشىن شامالغا ئەگىشىپ كېلىدۇ،شۇڭا كونىلار،<<شامال بىلەن يامغۇر بىرجۈپتۇر>>دەپ بىكار ئېيىتمىغان... BBS.xabnam.com din kochuruldi

ئالپامىش ئەپەندى سىز قالتىس يېزىۋېتىپسىز ، مۇنۇ بۆلەكنى نەقىل قىلىپ ئالدىم . مۇشۇ بۆلەك ھەقىقەتەن ئېسل چىقپتۇ . قەلىمىىڭىزگە بەرىكەت تىلەيمەن .
شەبنەم مۇنبىرىدىكى بىر قىسىم قەلەمكەشلەرنىڭ يېقىنىنىڭ بېرى ئىجادىيىتى رەڭگا- رەڭ بولۇپ ئۆزگىچە تەپەككۈر بىلەن يېزىلغان ئەسەرلىرى شەبنەم مۇنبرى خاسلىقىنى يارىتىپ ، ئوقۇرمەن تورداش دوستلارغا باشقا تور بەتلەردە يوق تۇيغۇلارنى ئېلىپ كېلىۋاتىدۇ .

[11 - قەۋەت] | يوللانغان ۋاقىت : 2007-12-07 13:29

ZIYARATQI

ھالىتى : بۇ ئەزا توردا يوق
دەرىجە: تىرىشچان ئەزا
نادىر تېما: 0
يازما سانى: 780
شۆھرەت: 781 نۇمۇر
پۇل: 7620 سوم
تۆھپە: 5 نۇمۇر
توردىكى ۋاقتى:392(سائەت)
ئەزا بولغان ۋاقتى : 2007-05-24

ھازازۇل ئاياللارنىڭ شەرتلىرى بەك يۇقۇرىكەن . مەن قارشىلىق بىلدۈرىمەن . منىڭچە ئىككى قەبىلە تىنچ بىللە تۇرۇشنىڭ شەرلىرى ئۈستىدە كىلىشىم تۈزەيلى .

مۇڭداشقۇ نومۇرۇم 136784735

[12 - قەۋەت] | يوللانغان ۋاقىت : 2007-12-07 14:03

arkinomar

شەبنەم مۇنبىرى

ھالىتى : بۇ ئەزا توردا بار
دەرىجە: تېما چولپىنى
نادىر تېما: 0
يازما سانى: 1616
شۆھرەت: 1617 نۇمۇر
پۇل: 16079 سوم
تۆھپە: 10 نۇمۇر
توردىكى ۋاقتى:714(سائەت)
ئەزا بولغان ۋاقتى : 2007-04-19

بەك ياخشى يىزىلىپتۇ . بەك قىززىق بوپتۇ . ئىلھامىڭىزغا ئاپىرىن .

[13 - قەۋەت] | يوللانغان ۋاقىت : 2007-12-07 15:05

SUKUT315

ھالىتى : بۇ ئەزا توردا يوق
دەرىجە: ئالىي ئەزا
نادىر تېما: 0
يازما سانى: 791
شۆھرەت: 801 نۇمۇر
پۇل: 7920 سوم
تۆھپە: 40 نۇمۇر
توردىكى ۋاقتى:337(سائەت)
ئەزا بولغان ۋاقتى : 2007-10-08

شۇ قىتمقى بىر تۈركۈم ئاياللار بىزىنى قوغلاپ چىقارغان چاغدا، ئەركىزات، پەرۋىن، موللا پوك-پوك قاتارلىق ئاتامانلار بۇ ئىشقا سۈكۈت قىلىپ تۇرۋالدى...... ئەسىلى بىزمۇ قەستەن ھۇرۇنلۇق قىلىپ، بوغا، ئېيىقلارنى كۆرسەك ئۈنى تۇتۇشتىن، يۈدۈپ ئۆيگە ئاپىرىشتىن، سۇيۇپ پارچىلاشتىن ئىرىنىپ، توشقان، قىرغاۋۇل ئوۋلاپ يۈردۇق. ...................... ئاياللار قەبىلىسىمۇ يەرلەرنى ئاق تاشلاپ، تەييار ئەكىلىپ بەرگەن نىئمەتلەرگە رازى بولماي توپىلاڭ چىقاردىڭلار..........
ئايرىم قەبىلە بۇلۇپ ياشاش جەريانىدا شۇنى تۇنۇپ يەتتۇقكى، ئەر-ئاياللار بىر گەۋدە بۇلۇپ ياشىمىغاندا بىرەر ئىشنى ۋۇجۇتقا ئېلىپ چىققىلى، قەبىلىمىزنى ئاۋات قىلغىلى بولمىغۇدەك...............شۇ سەۋەپ تەشەببۇسكارلىق بىلەن بىرگە ئۈتۈش قارارىغا كەلدۇق. ئاياللار قەبىلسىنىڭ بۇ پۇرسەتنى چىڭ تۇتۇشىنى ھەم «ئالپامىش» ئەپەندى ئاشكارلىغان ئاۋۇ تۈزۈمنى دەرھال بىكار قىلىپ دىمكۇراتىك، باراۋەر ئاساسىدا بىرگە ئۈتۈشىنى ئۈمۈت قىلىمىز..............

[14 - قەۋەت] | يوللانغان ۋاقىت : 2007-12-07 18:02

<< 1 2 >> Pages: ( 1/2 total )

Beijing Xabnam.com Web site Group || Uighur by Oghuz Code © 2003-06 PHPWind
Time now is:02-07 16:29, Gzip disabled