ﻧﯘﺯﯗﮔﯘﻡ ﺩﺍﺳﺘﺎﻧﻰ
ﺯﺍﻟﯩﻢ ﺩﯗﯞﺍﯓ ﺯﺍﺭ ﻳﯩﻐﻼﺗﺘﻰ ،
ﻳﻮﻗﺴﯩﺰﻻﺭﻧﻰ ﻛﯚﭖ ﻗﺎﻗﺸﺎﺗﺘﻰ .
ﻳﺎﺵ ﺩﯦﻤﯩﺪﻯ ﻳﺎﻛﻰ ﻗﯧﺮﻯ ،
ﺩﺍﺭﻏﺎ ﺋﺎﺳﺘﻰ ، ﭘﯘﻟﻐﺎ ﺳﺎﺗﺘﻰ .
ﻧﻰ ﻳﯩﮕﯩﺘﻠﻪﺭ ، ﺳﯘﻟﺘﺎﻥ ﻗﯩﺰﻻﺭ ،
ﺋﻪﺭﻙ ﻳﻮﻟﯩﺪﺍ ﻗﺎﻧﻐﺎ ﭘﺎﺗﺘﻰ .
ﮔﯘﻧﺎﮬﻰ ﻳﻮﻕ ﻣﻪﺳﯜﻣﻠﻪﺭﻧﯩﯔ ،
ﺑﺎﺷﻠﯩﺮﯨﻐﺎ ﻗﯩﻠﯩﭻ ﭼﺎﭘﺘﻰ .
ﺗﯜﻣﻪﻥ ﺩﻩﺭﻳﺎ ﻧﻪﺭﻩ ﺗﺎﺭﺗﺘﻰ ،
ﺳﯘ ﺋﻮﺭﻧﯩﺪﺍ ﻗﺎﻧﻼﺭ ﺋﺎﻗﺘﻰ .
ﺷﺎﮬﯩﺪ ﺑﻮﻟﯘﭖ ﺷﯘ ﺗﺎﺭﯨﺨﻘﺎ ،
ﻣﯩﯖﻼﭖ ﻧﯘﺯﯗﻙ ﻧﻪﺯﻣﻪ ﻗﺎﺗﺘﻰ .
ﺋﻪﻟﻘﯩﺴﺴﻪ ، ﻗﻪﺷﻘﻪﺭ ﺧﻪﻟﻘﯩﻨﯩﯔ ﻣﺎﻧﺠﯘﺭﯨﻴﻪ ﺑﺎﺳﻘﯘﻧﭽﯩﻠﯩﺮﯨﻐﺎ ﻗﺎﺭﺷﻰ ﺋﺎﺯﺍﺩﻟﯩﻖ ﻛﯚﺭﯨﺸﻰ ﻣﻪﻏﻠﯘﺏ ﺑﻮﻟﻐﺎﻧﺪﯨﻦ ﻛﯧﻴﯩﻦ ، ﻣﺎﻧﺠﯘ ﺧﺎﻧﻰ ﺩﯗﯞﺍﯓ ﻗﻮﺯﻏﯩﻼﯓ ﻗﺎﺗﻨﺎﺷﭽﯩﻠﯩﺮﯨﺪﯨﻦ ﻣﯩﯖﻠﯩﻐﺎﻥ ﻛﯩﺸﯩﻠﻪﺭﻧﻰ ﺩﺍﺭﻏﺎ ﺋﺎﺳﺘﻰ ، ﺯﯨﻨﺪﺍﻧﻐﺎ ﺗﺎﺷﻠﯩﺪﻯ ﯞﻩ ﻣﯩﯖﻼﭖ ﻛﯩﺸﯩﻠﻪﺭﻧﻰ ﻗﻪﺷﻘﻪﺭﺩﯨﻦ ﺋﯩﻠﯩﻐﺎ ﺳﯜﺭﮔﯜﻥ ﻗﯩﻠﯩﭗ ﮬﻪﻳﺪﻩﭖ ﻣﺎﯕﺪﻯ . ﺋﯩﻠﯩﻐﺎ ﮬﻪﻳﺪﻩﻟﮕﻪﻥ ﺳﯜﺭﮔﯜﻧﻠﻪﺭ ﺋﯩﭽﯩﺪﻩ ﻛﯧﻠﯩﺸﻜﻪﻥ ، ﻳﻮﻗﺴﯘﻝ ﺋﺎﺋﯩﻠﯩﺪﯨﻦ ﺑﻮﻟﻐﺎﻥ ﺩﺍﻧﯩﺸﻤﻪﻥ ﺋﯘﻳﻐﯘﺭ ﻗﯩﺰﻯ ﻧﯘﺯﯗﮔﯘﻣﻤﯘ ﺑﺎﺭ ﺋﯩﺪﻯ .
ﻧﯘﺯﯗﮔﯘﻣﻨﯩﯔ ﻣﺎﻧﺠﯘ ﻣﯘﺳﺘﻪﺑﯩﺘﻠﯩﺮﻯ ﺗﻪﺭﯨﭙﯩﺪﯨﻦ ﺳﯜﺭﮔﯜﻥ ﻗﯩﻠﯩﻨﯩﺸﻰ ﻗﻪﺷﻘﻪﺭ ﺧﻪﻟﻘﯩﻨﯩﯔ ﺩﯨﻠﯩﻨﻰ ﺋﯚﺭﺗﻪﭖ ﻛﯚﻳﺪﯛﺭﺩﻯ . ﺑﻪﺧﯩﺘﺴﯩﺰ ﺳﯜﺭﮔﯜﻧﻠﻪﺭ ﻳﯜﺭﻩﻛﻠﯩﺮﯨﺪﯨﻜﻰ ﺩﻩﺭﺩ - ﺋﻪﻟﻪﻡ ، ﻗﺎﻳﻐﯘ - ﮬﻪﺳﯩﺮﻩﺕ ، ﺋﺎﺭﺯﯗ - ﺗﯩﻠﻪﻛﻠﯩﺮﯨﻨﻰ ﺋﯧﻴﺘﯩﺸﯩﭗ ، ﭼﺎﺭﯨﺴﯩﺰ ﻗﺎﻟﻐﺎﻥ ﺋﻪﻝ ﻳﯘﺭﺗﻰ ﺑﯩﻠﻪﻥ ﺋﺎﺧﯩﺮﻗﻰ ﻣﻪﺭﺗﯩﯟﻩ ﭘﯩﻐﺎﻥ ﺋﯩﭽﯩﺪﻩ ﺧﻮﺷﻼﺷﺘﻰ .
ﺳﯜﺭﮔﯜﻧﻠﻪﺭﻧﻰ ﺋﯘﺯﺍﺗﻘﯘﭼﯩﻼﺭ ﺋﯩﭽﯩﺪﻩ ﺳﺎﻗﯩﻠﻰ ﺳﯜﺗﺘﻪﻙ ﺋﺎﻗﺎﺭﻏﺎﻥ ، ﺋﺎﺯﺍﺏ ﺋﯩﭽﯩﺪﻩ ﻳﯜﺯﻟﯩﺮﻯ ﺗﺎﺗﺎﺭﻏﺎﻥ ﺑﯩﺮ ﺑﻮﯞﺍﻱ ﺷﯘﯕﻘﺎﺭﺩﻩﻙ ﺷﯘﯕﻐﯘﭖ ﭼﯩﻘﯩﭗ ، ﻳﯩﻐﺎ ﺋﺎﺭﯨﻼﺵ ﺗﯩﺘﺮﻩﻙ ﺋﺎﯞﺍﺯﺩﺍ ﻣﯘﻧﺪﺍﻕ ﺑﯩﺮ ﻣﯘﻧﺎﺟﺎﺕ ﺋﻮﻗﯘﺩﻯ :
ﺧﻮﺵ ، ﮔﯜﻝ ﻗﯩﺰﯨﻢ ﻧﯘﺯﯗﮔﯘﻡ ،
ﻳﻮﺭﯗﭖ ﺗﯘﺭﻏﺎﻥ ﻳﯘﻟﺘﯘﺯﯗﻡ .
ﻛﯜﻟﭙﻪﺕ ﭼﯜﺷﯜﭖ ﺑﯧﺸﯩﯖﻐﺎ ،
ﺗﯘﺗﻘﯘﻥ ﺑﻮﻟﺪﯗﯓ ﻗﯘﻧﺪﯗﺯﯗﻡ .
ﺋﻮﻥ ﮔﯜﻟﯩﻨﯩﯔ ﺑﯩﺮ ﮔﯜﻟﻰ ،
ﺋﯧﭽﯩﻠﻤﯩﻐﺎﻥ ﻧﯘﺯﯗﮔﯘﻡ .
ﭘﯘﺭﺍﻗﻠﯩﺮﻯ ﺑﯩﺮ ﻳﻮﻟﻰ ،
ﭼﯧﭽﯩﻠﻤﯩﻐﺎﻥ ﻧﯘﺯﯗﮔﯘﻡ .
ﺋﻮﺗﻘﺎ ﺳﺎﻟﺴﺎ ﻛﯚﻳﻤﻪﺳﺘﯩﻢ ،
ﺋﻪﻣﺪﻯ ﻛﯚﻳﯜﭖ ﻛﯜﻝ ﺑﻮﻟﺪﯗﻡ .
ﻳﺎﻣﻐﯘﺭ ﻳﺎﻏﻘﺎﻥ ﺑﺎﻏﻼﺭﺩﻩﻙ ،
ﻛﯚﺯ ﻳﯧﺸﯩﻤﺪﺍ ﮬﯚﻝ ﺑﻮﻟﺪﯗﻡ .
ﺩﯗﯞﺍﯓ ﺩﯦﮕﻪﻥ ﻛﺎﺳﺎﭘﻪﺕ ،
ﺋﯘﻧﯩﯖﺪﺍ ﻳﻮﻕ ﺷﺎﭘﺎﺋﻪﺕ .
ﺋﺎﭘﭙﺎﻕ ﺳﺎﻗﺎﻝ ﻳﯘﻟﯘﻧﺪﻯ ،
ﻳﯜﺭﯛﻛﯩﻢ ﭼﺎﻙ - ﭼﺎﻙ ﺑﻮﻟﺪﻯ .
ﮬﯧﭽﻜﯩﻢ ﻣﻪﻧﺪﻩﻙ ﺑﻮﻟﻤﯩﻐﺎﻱ ،
ﺋﺎﻣﯩﺮﺍﻕ ﻗﯩﺰﯨﻢ ﻧﯘﺯﯗﻛﺌﺎﻱ .
ﺋﺎﻛﺎﯕﺪﯨﻨﻤﯘ ﺋﺎﻳﺮﯨﻠﺴﺎﻡ ،
ﺳﯧﻨﯩﯖﺪﯨﻨﻤﯘ ﺋﺎﻳﺮﯨﻠﺴﺎﻡ .
ﺩﻩﭖ ﻳﯧﺘﯩﻢ ﻗﻮﺯﯨﺪﻩﻙ ﺗﻪﻟﻤﯜﺭﯛﭖ ﻧﯘﺯﯗﮔﯘﻣﻨﯩﯔ ﺋﺎﺭﻗﯩﺴﯩﺪﯨﻦ ﻣﺎﯕﺪﻯ . ﺟﺎﻟﻼﺗﻼﺭ ﺑﻮﯞﺍﻳﻨﻰ ﻣﯩﻠﺘﯩﻘﻨﯩﯔ ﭘﺎﻳﻨﯩﻜﻰ ﺑﯩﻠﻪﻥ ﺋﯘﺭﯗﭖ ﻳﯩﻘﯩﺘﯩﭗ ﻗﻮﻳﺪﻯ . ﻧﯘﺯﯗﮔﯘﻡ ﺗﺎﻗﻪﺕ ﻗﯩﻼﻟﻤﯩﺪﻯ . ﺗﻮﭘﺎ - ﭼﺎﯕﻐﺎ ﻣﯩﻠﯩﻨﯩﭗ ﺑﯩﮭﯘﺵ ﻳﺎﺗﻘﺎﻥ ﻗﯧﺮﻯ ﺩﺍﺩﯨﺴﯩﻐﺎ ﻗﺎﺭﺍﭖ :
ﺧﻪﻳﺮ - ﺧﻮﺵ ﺩﻩﺭﺩﻣﻪﻥ ﺩﺍﺩﺍ ،
ﻏﻪﻣﮕﯘﺯﺍﺭﯨﻢ ﻳﺎﺧﺸﻰ ﻗﺎﻝ .
ﻛﯚﺯﻟﯩﺮﯨﻢ ﺋﺎﻗﯘ - ﻗﺎﺭﯨﺴﻰ
ﮔﯜﻟﺌﯘﺯﺍﺭﯨﻢ ﻳﺎﺧﺸﻰ ﻗﺎﻝ .
ﻛﺎﺟﻠﯩﻐﻰ ﺑﯘ ﺷﯘﻡ ﭘﻪﻟﻪﻛﻨﯩﯔ ،
ﻣﯧﻨﻰ ﺳﻪﻧﺪﯨﻦ ﺋﺎﻳﺮﯨﺪﻯ .
ﺳﺎﻳﯩﺴﻰ ﺳﻪﮔﯜ ﺗﯧﺮﻩﻛﻨﯩﯔ ،
ﺷﺎﺧﻠﯩﺮﯨﻨﻰ ﻗﺎﻳﺮﯨﺪﻯ .
ﻣﯩﺴﻜﯩﻦ ﻗﯩﺰﯨﯔ ﻛﯚﺯﻯ ﺩﺍﺋﯩﻢ
ﺗﯜﻣﻪﻥ ﺑﻮﻳﯩﻐﺎ ﺑﺎﻗﯩﺪﯗ .
ﺯﺍﻟﯩﻢ ﺩﯗﯞﺍﯓ ﻗﻪﭘﯩﺰﯨﻨﻰ ،
ﻏﻪﺯﻩﺏ ﻛﯜﭼﻰ ﭼﺎﻗﯩﺪﯗ .
ﺩﻩﭖ ، ﭼﻪﻛﺴﯩﺰ ﻧﺎﺩﺍﻣﻪﺕ ﺋﯩﭽﯩﺪﻩ ﺩﺍﺩﯨﺴﻰ ﺑﯩﻠﻪﻥ ﺭﺍﺯﯨﻼﺷﻘﺎﻧﺪﯨﻦ ﻛﯧﻴﯩﻦ ، ﻣﺎﻧﻘﯘ ﭼﯩﺮﯨﻜﻠﯩﺮﯨﻨﯩﯔ ﻗﺎﻧﻠﯩﻖ ﻗﯩﻠﯩﭽﯩﻐﺎ ﭘﻪﺭﯞﺍ ﻗﯩﻠﻤﺎﻱ ﺳﻪﭖ ﺑﻮﻟﯘﭖ ﺗﯘﺭﻏﺎﻥ ﻗﯧﺮﯨﻨﺪﺍﺷﻠﯩﺮﯨﻐﺎ ﻗﺎﺭﺍﭖ :
ﺑﯩﻠﻠﻪ ﺋﻮﻳﻨﺎﭖ ﺑﯩﻠﻠﻪ ﺋﯚﺳﻜﻪﻥ ،
ﻳﺎﺭﯗ - ﺩﻭﺳﺘﻼﺭ ﻳﺎﺧﺸﻰ ﻗﺎﻝ .
ﻣﯩﺴﻜﯩﻦ ﺑﺎﺷﻘﺎ ﺳﺎﻳﻪ ﺑﻪﺭﮔﻪﻥ ،
ﺑﻮﺳﺘﺎﻥ ﻳﯘﺭﺗﻼﺭ ﻳﺎﯨﺸﻰ ﻗﺎﻝ .
ﭼﯚﻝ - ﺩﻩﺷﺘﻠﻪﺭﻧﻰ ﻛﯧﺰﯨﭗ ﻳﯜﺭﮔﻪﻥ ،
ﭘﯩﺮﺍﻕ ﺋﻮﺗﯩﺪﺍ ﺑﺎﻏﺮﻯ ﻛﯚﻳﮕﻪﻥ .
ﭘﯘﺗﻠﯩﺮﯨﺪﺍ ﻗﺎﻧﻠﯩﻖ ﻛﯩﺸﻪﻥ ،
ﺑﺎﻗﻰ ﺟﺎﻧﯩﻢ ﻳﺎﺧﺸﻰ ﻗﺎﻝ .
ﺩﻩﭖ ﻗﯧﺮﯨﻨﺪﺍﺷﻠﯩﺮﻯ ﺑﯩﻠﻪﻥ ﺋﺎﺧﯩﺮﻗﻰ ﻗﯧﺘﯩﻢ ﺧﻮﺷﻼﺷﺘﻰ .
ﺋﻪﻟﻘﯩﺴﺴﻪ ، ﻧﯘﺯﯗﮔﯘﻡ ﮔﯘﻧﺎﮬﺴﯩﺰ ﺳﯜﺭﮔﯜﻧﻠﻪﺭ ﻗﺎﺗﺎﺭﯨﺪﺍ ﺩﺍﻕ ﻳﻪﺭﻧﻰ ﺳﯧﻠﯩﻨﺠﺎ ، ﺑﯘﻟﯘﺗﻨﻰ ﻳﯧﭙﯩﻨﭽﺎ ﻗﯩﻠﯩﭗ ، ﺩﻩﺷﺖ - ﺑﺎﻳﺎﯞﺍﻧﻼﺭﻧﻰ ﻛﯧﺰﯨﭗ ، ﺋﯩﮕﯩﺰ ﺩﺍﯞﺍﻧﻼﺭﺩﯨﻦ ﺋﯧﺸﯩﭗ ، ﺋﯩﻜﻜﻰ ﺋﺎﻳﺪﯨﻦ .ﺍﺭﺗﯘﻕ ﻳﻮﻝ ﻳﯜﺭﺩﻯ . ﮔﯘﮔﯘﻡ ﻗﺎﺭﺍﯕﻐﯘﺳﯩﺪﺍ ﻣﯘﺯﺍﺕ ﺑﻮﻳﯩﻐﺎ ﻳﯩﺘﯩﭗ ﻛﻪﻟﺪﻯ . ﻗﺎﺭﺍ ﺑﯘﻟﯘﺕ ﺋﺎﺭﯨﺴﯩﻐﺎ ﻣﯜﻛﯜﺷﻜﻪ ﺋﺎﻟﺪﯨﺮﺍﯞﺍﺗﻘﺎﻥ ﻏﯘﯞﺍ ﺋﺎﻳﻐﺎ ﻗﺎﺭﺍﭖ ﻧﯘﺯﯗﮔﯘﻡ :
ﺋﺎﻳﻨﻰ ﺑﯘﻟﯘﺕ ﺗﻮﺳﯘﭘﺘﯘ ،
ﻳﯘﻟﺘﯘﺯﻻﺭﻣﯘ ﺋﯜﭼﯜﭘﺘﯘ .
ﮔﯚﺭ ﺋﺎﺯﺍﺑﻰ ﺋﯚﻟﯜﻛﺘﯩﻦ ،
ﺗﯧﺮﯨﻜﻠﻪﺭﮔﻪ ﻛﯚﭼﯜﭘﺘﯘ .
ﻗﯩﭽﻘﯩﺮﯨﭗ ﻛﻪﻟﮕﻪﻥ ﻛﺎﻛﻜﯘﻛﻨﯩﯔ
ﺋﯜﻧﻰ ﮬﻪﺭ ﺟﺎﻳﺪﺍ ﻏﯧﺮﯨﭗ .
ﻛﻪﻝ ﻛﺎﻛﻜﯘﻙ ﺋﺎﺷﻨﺎ ﺑﻮﻻﻳﻠﻰ
ﺳﻪﻥ ﻣﯘﺳﺎﭘﯩﺮ ، ﻣﻪﻥ ﻏﯧﺮﯨﭗ .
ﻣﯘﺯ ﺩﺍﯞﺍﻧﺪﺍ ﻗﺎﺭ ﻳﺎﻏﺪﻯ
ﺗﯜﺯﻟﻪﯕﮕﻪ ﻳﺎﻻﯓ ﻳﺎﻣﻐﯘﺭ .
ﺩﻩﺭﺩﻣﻪﻧﻠﻪﺭﮔﻪ ﻛﯜﻥ ﺑﻪﺭﻣﻪﺱ ،
ﺩﯗﯞﺍﯓ ﭼﯧﺮﯨﻜﻰ ﻗﺎﻧﺨﻮﺭ .
ﻣﯘﺯ ﺩﺍﯞﺍﻧﻨﯩﯔ ﻳﻮﻟﯩﺪﯨﻦ
ﺋﯚﺗﻤﻪﺳﻜﻪ ﺋﺎﻣﺎﻝ ﺑﺎﺭﻣﯘ ؟
ﺋﯩﻠﯩﺨﻮﻏﺎ ﺑﺎﺭﻏﯘﻧﭽﻪ
ﺟﯧﻨﯩﻤﯩﺰ ﺋﺎﻣﺎﻥ ﺑﺎﺭﻣﯘ ؟
ﺩﻩﭖ ، ﮬﻪﺳﺮﻩﺕ ﺑﯩﻠﻪﻥ ﻛﯚﯕﯜﻝ ﺗﺎﺭﯨﻐﺎ ﺯﻩﺧﻤﻪﺕ ﺋﯘﺭﺩﻯ . ﻣﯩﯖﻠﯩﻐﺎﻥ ﺳﯜﺭﮔﯜﻧﻠﻪﺭ ﻧﯘﺯﯗﮔﯘﻣﻐﺎ ﺟﯜﺭ ﺑﻮﻟﺪﻯ .
ﺋﻪﻟﻘﯩﺴﺴﻪ ، ﺋﯘﻻﺭ ﺋﯜﭺ ﺋﺎﻳﺪﯨﻦ ﺋﺎﺭﺗﯘﻕ ﻳﻮﻝ ﻳﯜﺭﯛﭖ ﭘﯘﺗﻠﯩﺮﻯ ﻳﯧﻐﯩﺮ ﺑﻮﻟﯘﭖ ﻣﺎﺩﺍﺭﯨﺪﯨﻦ ﻛﻪﺗﻜﻪﻧﺪﻩ ﺋﯩﻠﯩﻐﺎ ﻳﯧﺘﯩﭗ ﻛﻪﻟﺪﻯ . ﮬﻪﻳﺪﻩﭖ ﻛﯧﻠﯩﻨﮕﻪﻥ ﭘﯧﺘﻰ ﻗﺎﻥ ﭘﯘﺭﺍﭖ ﺗﯘﺭﻏﺎﻥ ﻳﺎﻣﯘﻟﻐﺎ ﻗﺎﻣﺎﻟﺪﻯ . ﻗﺎﺭﺍﯕﻐﯘ ﭘﻪﻧﻘﯩﺮﯨﺪﯨﻦ ﺗﺎﻻﻏﺎ ﺗﻪﻟﻤﯜﺭﮔﻪﻥ ﻧﯘﺯﯗﮔﯘﻡ ﺑﯩﺮ ﻣﯘﻧﺎﺟﺎﺕ ﺋﻮﻗﯘﺩﻯ :
ﺋﻪﭘﻴﯘﻧﻜﻪﺵ ﺟﺎﻟﻼﺗﻼﺭ ،
ﻣﺎﺟﺎﯓ ﺋﻮﻳﻨﺎﭖ ﻳﺎﺗﯩﺪﯗ .
ﻗﺎﺭﺍﯕﻐﯘ ﺟﻪﻱ ﺯﯨﻨﺪﺍﻧﺪﺍ ،
ﻧﯘﺯﯗﻙ ﻳﺎﻟﻐﯘﺯ ﻳﺎﺗﯩﺪﯗ .
ﺋﺎﺗﺎﻡ ﻣﯧﻨﻰ ، ﺋﺎﻧﺎﻡ ﻣﯧﻨﻰ
ﻧﯧﻤﯩﺸﻘﺎ ﺋﺎﺭﺯﯗﻻﭘﺘﯩﻜﯩﻦ .
ﺑﯘ ﻛﯜﻧﻠﻪﺭﮔﻪ ﻗﺎﻻﺭﯨﻤﻨﻰ
ﺑﺎﺷﺘﺎ ﺋﻮﻳﻠﯩﻤﺎﭘﺘﯩﻜﯩﻦ .
ﻗﻮﻣﯘﺷﻠﯘﻗﻘﺎ ﺋﻮﺕ ﻳﺎﻗﺴﺎ
ﮔﯜﻟﺪﯛﺭﻟﻪﭖ ﻛﯚﻳﯜﭖ ﻛﻪﺗﺴﻪ ،
ﻣﯘﻧﺪﺍﻕ ﻛﯜﻧﻨﻰ ﻛﯚﺭﮔﯩﭽﻪ ،
ﻳﺎﺵ ﺗﯘﺭﯗﭖ ﺋﯚﻟﯜﭖ ﻛﻪﺗﺴﻪ .
ﺑﯧﺸﯩﻤﯩﺰﺩﺍ ﺟﺎﻟﻼﺗﻼﺭ ،
ﻗﯩﻠﯩﭽﯩﻨﻰ ﺋﻮﻳﻨﯩﺘﺎﺭ .
ﺑﯘ ﺩﯗﺯﺍﺧﺘﯩﻦ ﻧﯘﺯﯗﻛﻨﻰ ،
ﻗﺎﻧﺪﺍﻕ ﺑﯩﺮ ﻗﺎﻥ ﺋﺎﺟﺘﯩﺘﺎﺭ ؟
ﻳﻮﻝ ﺋﺎﺯﺍﺑﻰ ، ﮔﯚﺭ ﺋﺎﺯﺍﺑﻰ ﺋﯩﺪﻯ . ﻧﯘﺯﯗﮔﯘﻣﻨﯩﯔ ﻛﯚﺯﻯ ﺋﯘﻳﻘﯩﻐﺎ ﻛﻪﺗﺘﻰ . ﺋﯘ ، ﭼﯜﺵ ﻛﯚﺭﺩﻯ . ﭼﯜﺷﯩﺪﻩ ﺳﯚﻳﮕﻪﻥ ﻳﺎﺭﻯ __ ﺑﺎﻗﻰ ﻳﯩﮕﯩﺖ ﺑﯩﻠﻪﻥ ﺋﯘﭼﺮﯨﺸﯩﭗ ﺋﯚﺯ ﺋﺎﺭﺍ ﺳﯧﻐﯩﻨﯩﺸﯩﻨﻰ ﺋﯩﺰﮬﺎﺭ ﻗﯩﻠﯩﺸﺘﻰ :
ﻧﯘﺯﯗﮔﯘﻡ :
ﺳﻪﻥ ﺳﯧﻐﯩﻨﺪﯨﯖﻤﯘ ﻣﯧﻨﻰ ؟
ﺑﺎﻗﻰ ﻳﯩﮕﯩﺖ :
ﺧﻮﻳﻤﺎ ﺳﯧﻐﯩﻨﺪﯨﻢ ﻣﻪﻥ ﺳﯧﻨﻰ .
ﻧﯘﺯﯗﮔﯘﻡ :
ﺳﻪﻥ ﻗﻪﻳﻪﺭﯨﯖﺪﻩ ﺳﯧﻐﯩﻨﺪﯨﯔ ؟
ﺑﺎﻗﻰ ﻳﯩﮕﯩﺖ :
ﻣﻪﻥ ﻳﯜﻛﯜﻣﺪﻩ ﺳﯧﻨﻰ .
ﻧﯘﺯﯗﮔﯘﻡ :
ﮬﺎﻟﯩﯔ ﻧﯩﭽﯜﻙ ﺩﻩﭖ ﺳﻮﺭﻣﯩﻐﯩﻞ
ﻛﯚﺭﮔﯩﻦ ﭼﯩﺮﺍﻳﯩﻤﺪﯨﻦ ﺋﯘﻧﻰ .
ﺳﻪﻥ ﻣﯧﻨﯩﯔ ﺑﺎﻗﯩﻢ ﺑﻮﻟﺴﺎﯓ
ﻗﯘﺗﻘﯘﺯﯗﭖ ﺋﺎﻟﻐﯩﻦ ﻣﯧﻨﻰ .
ﺑﺎﻗﻰ ﻳﯩﮕﯩﺖ :
ﻛﯜﻧﺪﻩ ﻛﯚﺭﻣﯩﺪﯨﻢ ﻳﺎﺭﻧﻰ
ﻛﯜﻧﯩﺪﻩ ﻛﯚﺭﻩﺭﻣﻪﻥ ﺩﻩﭖ .
ﺋﯜﻣﯩﺪ ﺋﯜﺯﻣﯩﺪﯨﻢ ﻳﺎﺭﺩﯨﻦ
ﺋﯚﻟﻤﯩﺴﻪﻡ ﻛﯚﺭﻩﺭﻣﻪﻥ ﺩﻩﭖ .
ﺋﺎﻟﺘﯩﻨﭽﻰ ﺋﺎﻱ ﻛﯩﺮﮔﻪﻧﺪﻩ
ﺋﺎﺭﺍ ، ﮔﯜﺭﺟﻪﻙ ﺧﺎﻣﺎﻧﺪﺍ .
ﻧﯘﺯﯗﻙ ﻳﺎﺭﻧﻰ ﻛﯚﺭﯛﺷﻜﻪ
ﺑﺎﻗﻰ ﻳﯩﮕﯩﺖ ﺋﺎﺭﻣﺎﻧﺪﺍ .
ﻧﯘﺯﯗﮔﯘﻡ :
ﻗﺎﭼﻘﺎﻥ ﺑﺎﺷﺘﺎ ﻣﯘﯓ ﺑﯘﻻﺭ
ﻣﯚﻛﻜﻪﻥ ﺟﺎﻳﻼﺭ ﺑﯚﻙ ﺑﻮﻻﺭ .
ﺑﯩﺰ ﺑﯘ ﻳﻪﺭﺩﯨﻦ ﻗﺎﭼﻘﺎﻧﺪﺍ
ﺋﯩﺴﺘﻪﻛﭽﯩﻠﻪﺭ ﻛﯚﭖ ﺑﻮﻻﺭ .
ﺋﺎﺗﺎ - ﺋﺎﻧﺎﻡ ﻛﯜﺗﻤﻪﻛﺘﻪ ،
ﻗﺎﻳﻐﯘ ﺋﯩﭽﯩﺪﻩ ﺋﯚﺗﻤﻪﻛﺘﻪ .
ﺑﻪﻟﻨﻰ ﻣﻪﮬﻜﻜﻪﻡ ﺑﺎﻏﻼﻳﻠﻰ
ﻣﻪﻗﺴﻪﺗﻠﻪﺭﮔﻪ ﻳﻪﺗﻤﻪﻛﻜﻪ .
ﺗﺎﺭﺍﻕ - ﺗﯘﺭﯗﻕ ﺋﺎﯞﺍﺯﺩﯨﻦ ﻧﯘﺯﯗﮔﯘﻣﻨﯩﯔ ﺷﯧﺮﯨﻦ ﺋﯘﻳﻘﯘﺳﻰ ﺑﯘﺯﯗﻟﺪﻯ . ﻗﺎﺭﯨﻐﯩﺪﻩﻙ ﺑﻮﻟﺴﺎ ، ﺩﯗﯞﺍﯓ ﺑﺎﺷﭽﯩﻠﯩﻘﯩﺪﺍ ﺑﯩﺮ ﺗﻮﭖ ﺩﯨﯟﻩ ﺳﯜﭘﻪﺗﻠﯩﻚ ﻣﻪﻟﺌﯘﻧﻼﺭ ﺋﺎﭺ ﺑﯚﺭﯨﻠﻪﺭﺩﻩﻙ ﻟﻪﯞﻟﯩﺮﯨﻨﻰ ﻳﺎﻟﯩﺸﯩﭗ ، ﮬﻪﻳﻴﺎﺭﻟﯩﻖ ﺑﯩﻠﻪﻥ ﻗﺎﺭﯨﺸﯩﭗ ، ﻧﯘﺯﯗﮔﯘﻣﻨﻰ ﺋﯚﺯ - ﺋﺎﺭﺍ ﺗﺎﻟﯩﺸﯩﭗ ﺗﯘﺭﺍﺗﺘﻰ . ﭼﻮﺷﻘﯩﺪﻩﻙ ﺧﺎﺭﺗﯩﻠﺪﺍﻳﺪﯨﻐﺎﻥ ﺋﯩﺴﻜﻪﺗﺴﯩﺰ ﺑﯩﺮ ﻣﺎﻧﺠﯘ ﺑﯧﮕﯩﻨﯩﯔ ﺗﯚﻛﻜﻪﻥ ﺋﺎﻟﺘﯘﻧﻠﯩﺮﯨﻐﺎ ﺋﺎﺧﯩﺮ ﺩﯗﯞﺍﯓ ﻧﯘﺯﯗﮔﯘﻣﻨﻰ ﺳﯧﺘﯩﯟﻩﺗﺘﻰ .
ﺋﻪﻟﻘﯩﺴﺴﻪ ، ﻧﯘﺯﯗﮔﯘﻡ ﻣﺎﻧﺠﯘﻧﯩﯔ ﭼﻮﯓ ﺑﺎﻳﻠﯩﺮﯨﺪﯨﻦ ﺑﯩﺮﯨﮕﻪ ﺳﯧﺘﯩﻠﯩﭗ << ﭼﻮﯓ ﻳﯘﻟﺘﯘﺯ >> ﻳﯧﺰﯨﺴﯩﻐﺎ ﺋﯧﻠﯩﭗ ﻛﯧﻠﯩﻨﺪﻯ . ﺑﯘ ﺯﯗﻟﻤﻪﺗﻠﯩﻚ ﻗﺎﺭﺍﯕﻐﯘ ﻛﯜﻧﻠﻪﺭ ﺋﯩﭽﯩﺪﻩ ﻧﯧﻤﻪ ﻗﯩﻼﺭﯨﻨﻰ ﺑﯩﻠﻤﻪﻱ ﻧﯘﺯﯗﮔﯘﻡ ﻣﯘﻧﺪﺍﻕ ﺯﺍﺭﻟﯩﻨﺎﺗﺘﻰ :
ﻣﻪﻥ ﻗﻪﺷﻘﻪﺭﺩﯨﻦ ﭼﯩﻘﻘﯩﻠﻰ ،
ﺗﯚﺷﻪﻙ ﺳﯧﻠﯩﭗ ﻳﺎﺗﻘﺎﻥ ﻳﻮﻕ .
ﺋﺎﻧﺎﻡ ﺋﯚﺭﯨﮕﻪﻥ ﭼﯧﭽﯩﻤﻐﺎ
ﺗﺎﻏﺎﻕ ﺳﯧﻠﯩﭗ ﺑﺎﻗﻘﺎﻥ ﻳﻮﻕ .
ﭼﻮﯓ ﻳﯘﻟﺘﯘﺯﻏﺎ ﺑﺎﺭﻏﺎﻧﺪﺍ
ﺋﻮﺕ ﻳﺎﻗﯩﻤﻪﻥ ﻗﻮﻣﯘﺷﻘﺎ .
ﻧﻪﭘﺮﻩﺕ ﺑﯩﻠﻪﻥ ﻗﺎﺭﺍﻳﻤﻪﻥ ،
ﻣﺎﻧﺠﯘ ﺑﯧﮕﻰ ﮔﻮﻣﯘﺷﻘﺎ .
ﺟﺎﻥ ﺋﺎﺗﺎﻣﻨﻰ ﻛﯚﺭﻩﻟﻤﻪﻱ
ﺋﯚﻟﯜﭖ ﻛﯧﺘﻪﺭ ﺋﻮﺧﺸﺎﻳﻤﻪﻥ .
ﻧﻪﯞ ﺑﺎﮬﺎﺭﻏﺎ ﻳﯧﺘﻪﻟﻤﻪﻱ
ﺳﻮﻟﯘﭖ ﻛﯧﺘﻪﺭ ﺋﻮﺧﺸﺎﻳﻤﻪﻥ .
ﺋﺎﻛﺎﻣﻨﻰ ﺗﺎﭘﺎﻟﻤﺎﺳﻤﻪﻥ
ﺗﺎﭘﺴﺎﻡ ﺋﺎﻳﺮﯨﻼﻟﻤﺎﺳﻤﻪﻥ .
ﺑﺎﻗﯩﻨﻰ ﻛﯚﺭﯛﭖ ﺋﯚﻟﺴﻪﻡ
ﮬﻪﺭﮔﯩﺰ ﺋﺎﺭﻣﺎﻥ ﻗﯩﻠﻤﺎﺳﻤﻪﻥ .
ﺋﺎﺗﺎﻡ ﻣﯘﻧﺪﺍ ﻛﯧﻠﻪﺭﻣﯘ ؟
ﻣﯧﻨﻰ ﺋﯧﻠﯩﭗ ﻛﯧﺘﻪﺭﻣﯘ ؟
ﻗﻪﺷﻘﻪﺭﻏﻪ ﺟﺎﻥ ﻳﯧﺘﻪﺭﻣﯘ ؟
ﺑﺎﺭﺍﺭﯨﻤﻨﻰ ﺑﯩﻠﻤﻪﺳﻤﻪﻥ .
ﺋﻪﻟﻘﯩﺴﺴﻪ ، ﻧﯘﺯﯗﮔﯘﻣﻨﯩﯔ ﺋﺎﺑﺪﯗﻟﻼ ﺋﯩﺴﯩﻤﻠﯩﻚ ﺑﯩﺮ ﺋﺎﻛﯩﺴﻰ ﺑﺎﺭ ﺋﯩﺪﻯ . ﺋﺎﺑﺪﯗﻟﻼﻣﯘ ﻧﯘﺯﯗﮔﯘﻣﺪﯨﻦ ﺑﯘﺭﯗﻥ ﺋﯩﻠﯩﻐﺎ ﺳﯜﺭﮔﯜﻥ ﻗﯩﻠﯩﻨﻐﺎﻧﻼﺭ ﻗﺎﺗﺎﺭﯨﺪﺍ ﻣﯘﺷﯘ ﻣﺎﻧﺠﯘ ﺑﯧﮕﯩﮕﻪ ﺋﻪﺳﯩﺮ ﺑﻮﻟﻐﺎﻥ ﺋﯩﺪﻯ . ﺋﻮﻳﻠﯩﻤﯩﻐﺎﻥ ﻳﻪﺭﺩﻩ ﺑﯘ ﺋﺎﻛﺎ - ﺳﯩﯖﯩﻞ ﺋﯘﭼﺮﯨﺸﯩﭗ ، ﮬﺎﯓ - ﺗﺎﯓ ﺑﻮﻟﯘﭖ ﺑﯩﺮ - ﺑﯩﺮﯨﮕﻪ ﻗﺎﺭﺍﺷﺘﻰ . ﺋﯚﺯﺋﺎﺭﺍ ﻣﯘﯓ - ﮬﺎﻟﯩﻨﻰ ﺋﯧﻴﺘﯩﺸﯩﭗ ﺳﯩﺮﺩﺍﺷﺘﻰ :
ﻧﯘﺯﯗﮔﯘﻡ :
ﻗﯘﻧﯘﯞﺍﭘﺘﯘ ﻗﺎﻏﯩﻼﺭ
ﺑﯘﻟﺒﯘﻝ ﺑﺎﻏﺪﯨﻦ ﻛﯚﭼﺘﯩﻤﯘ ؟
ﺳﺎﯕﺎ ﻛﻪﻟﮕﻪﻥ ﻛﯜﻟﭙﻪﺗﻠﻪﺭ
ﻧﯘﺯﯗﻙ ﺑﺎﺷﻘﺎ ﭼﯜﺷﺘﯩﻐﯘ ؟
ﺋﺎﺑﺪﯗﻟﻼ :
ﺗﯚﻣﯜﺭ ﻗﻪﭘﻪﺱ ﺩﻩﺭﺩﯨﻨﻰ
ﻣﻪﻧﻼ ﺗﺎﺭﺗﺴﺎﻡ ﺑﻮﻟﻤﺎﻣﺪﯗ ؟
ﺳﯧﻨﻰ ﻣﯘﻧﺪﺍﻕ ﻛﯚﺭﮔﻪﻧﺪﻩ
ﻳﯜﺭﻩﻙ ﺩﻩﺭﺩﻛﻪ ﺗﻮﻟﻤﺎﻣﺪﯗ ؟
ﻧﯘﺯﯗﮔﯘﻡ :
ﺑﯩﺰﻣﯘ ﺋﺎﺩﻩﻡ ﻧﯧﻤﯩﺸﻘﺎ
ﻳﻮﻗﺘﯘﺭ ﺷﯘﻧﭽﻪ ﻗﻪﺩﺭﯨﻤﯩﺰ ؟
ﯞﻩﮬﺸﯩﻲ ﻗﺎﯞﺍﻥ ﺩﯗﯞﺍﯕﻐﺎ ،
ﺗﺎﺷﺎﺭ ﻏﻪﺯﻩﭖ ﻗﻪﮬﺮﯨﻤﯩﺰ .
ﺋﺎﺑﺪﯗﻟﻼ :
ﻳﺎﻣﻐﯘﺭﻻﺭ ﺗﻮﻻ ﻳﺎﻏﺴﺎ
ﻣﯘﺯ ﺩﺍﯞﺍﻧﻼﺭ ﭘﻪﺳﻠﻪﻳﺪﯗ .
ﺳﻪﻥ ﺋﯚﺯﯛﯕﮕﻪ ﺋﺎﮔﺎﮬ ﺑﻮﻝ
ﺩﯗﯞﺍﯓ ﺑﯩﺰﻧﻰ ﻗﻪﺳﺘﻠﻪﻳﺪﯗ .
ﻧﯘﺯﯗﮔﯘﻡ :
ﭘﯘﺗﯘﻣﺪﯨﻜﻰ ﻛﯩﺸﻪﻧﻨﻰ
ﻛﻪﻟﮕﯩﻦ ﺋﺎﻛﺎ ﭼﺎﻗﺎﻳﻠﻰ ،
ﻳﻪﻛﺴﺎﻥ ﻗﯩﻠﯩﭗ ﺩﯛﺷﻤﻪﻧﻨﻰ
ﻗﺎﻧﻠﯩﺮﯨﻨﻰ ﭼﺎﭼﺎﻳﻠﻰ .
ﻧﯘﺯﯗﮔﯘﻣﻨﯩﯔ ﮔﯜﻟﺪﻩﻙ ﭼﯩﺮﺍﻳﻰ ﺋﯚﺯﯨﮕﻪ ﺩﯛﺷﻤﻪﻥ ﺑﻮﻟﺪﻯ . ﺋﯘﻧﯩﯖﻐﺎ ﻣﺎﻧﺠﯘ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﻳﺎﻣﺎﻥ ﻛﯚﺯﻯ ﭼﯜﺷﺘﻰ . ﻧﯘﺯﯗﮔﯘﻣﻨﻰ ﻣﻪﺟﺒﯘﺭﯨﻲ ﺧﻮﺗﯘﻧﻠﯘﻗﻘﺎ ﺋﯧﻠﯩﺸﻨﻰ ﺋﻮﻳﻠﯩﺪﻯ . ﺩﻩﺳﻠﻪﭖ ﺗﯜﺭﻟﯜﻙ ﺯﯨﺒﯘ - ﺯﯨﻨﻨﻪﺕ ، ﺋﺎﻟﺘﯘﻥ - ﻛﯜﻣﯜﺵ ﺑﯩﻠﻪﻥ ﺋﺎﻟﺪﯨﻤﺎﻗﭽﻰ ﺑﻮﻟﺪﻯ . ﺑﯘ ﺋﺎﻟﺪﺍﻣﭽﯩﻠﯩﻖ ﻧﯘﺯﯗﮔﯘﻣﻨﯩﯔ ﻗﻪﻟﺒﯩﺪﻩ ﺋﯩﭙﻼﺱ ﻣﺎﻧﺠﯘ ﺋﻪﻣﻪﻟﺪﺍﺭﻟﯩﺮﯨﻐﺎ ﻗﺎﺭﺷﻰ ﺗﯧﺨﯩﻤﯘ ﻛﯜﭼﻠﯜﻙ ﻏﻪﺯﻩﺏ - ﻧﻪﭘﺮﻩﺕ ﻗﻮﺯﻏﯩﺪﻯ :
ﺗﯚﮔﻪ ﻳﺎﺗﺎﺭ ﻗﺎﻣﻐﺎﻗﺘﺎ
ﺑﯩﺮ ﺋﺎﻛﺎﻡ ﺑﺎﺭ ﻗﺎﻟﻤﺎﻗﺘﺎ ،
ﺋﯩﻨﺴﺎﺑﻰ ﻳﻮﻕ ﻣﻪﻟﺌﯘﻧﻨﯩﯔ
ﻗﻪﺳﺘﻰ ﻣﯧﻨﻰ ﺋﺎﻟﻤﺎﻗﺘﺎ .
ﺩﺍﺭﯦﻦ ﺋﯚﻳﻰ ﺯﯨﻨﻨﻪﺗﻠﯩﻚ
ﺋﺎﻟﺘﯘﻥ - ﻛﯚﻣﯜﺵ ﺗﺎﻣﻠﯩﺮﻯ .
ﭼﺎﻱ ﺋﻮﺭﻧﯩﺪﺍ ﺋﯩﭽﻜﯩﻨﻰ
ﺳﯜﺭﮔﯜﻧﻠﻪﺭﻧﯩﯩﯔ ﻗﺎﻧﻠﯩﺮﻯ .
ﻗﯧﺮﻯ ﺗﯜﻟﻜﻪ ﻛﯜﻟﻜﯩﺴﻰ
ﻳﺎﯞﯗﺯﻟﯘﻗﻨﯩﯔ ﺷﻪﭘﯩﺴﻰ .
ﻣﺎﯕﺎ ﺟﻪﻧﻨﻪﺕ ﻛﯚﺭﯛﻧﻪﺭ
ﺑﺎﻗﻰ ﻳﯩﮕﯩﺖ ﻛﻪﭘﯩﺴﻰ .
ﺗﺎﻏﺪﯨﻦ ﭼﯜﺷﻜﻪﻥ ﻻﻱ ﺳﯘﻧﻰ
ﺳﯜﺯﯛﭖ ﺋﯩﭽﻪﺭ ﺋﻪﺭ ﺑﺎﺭﻣﯘ ؟
ﻧﯘﺯﯗﻙ ﺑﺎﺷﻘﺎ ﻛﯜﻥ ﭼﯜﺷﺘﻰ ،
ﺋﯧﻠﯩﭗ ﻗﺎﭼﺎﺭ ﺋﻪﺭ ﺑﺎﺭﻣﯘ ؟
ﺑﺎﻗﻰ ﻳﯩﮕﯩﺖ ﻛﻪﻟﺴﻪﯕﭽﯘ
ﻣﯧﻨﻰ ﺋﯧﻠﯩﭗ ﻗﺎﭼﺴﺎﯕﭽﯘ .
ﻗﯩﻠﯩﭻ ﺑﯩﻠﻪﻥ ﺩﯗﯞﺍﯕﻨﯩﯔ
ﻛﺎﻟﻠﯩﺴﯩﻨﻰ ﭼﺎﭘﺴﺎﯕﭽﯘ .
ﺋﻪﻟﻘﯩﺴﺴﻪ ، ﺩﯗﯞﺍﯕﻨﯩﯔ ﺯﯗﻟﻤﯩﺪﯨﻦ ﺩﻩﺷﺖ - ﭼﯚﻟﻠﻪﺭﺩﻩ ﻗﯧﭽﻪﭖ ﻳﯜﺭﮔﻪﻥ ﺑﺎﻗﻰ ﻳﯩﮕﯩﺖ ﺳﯚﻳﮕﻪﻥ ﯞﺍﭘﺎﺩﺍﺭﻯ ﻧﯘﺯﯗﮔﯘﻣﻨﯩﯔ ﻣﺎﻧﺠﯘ ﺋﻪﻣﻪﻟﺪﺍﺭﯨﻐﺎ ﻣﻪﺟﺒﯘﺭﯗﻱ ﺳﯧﺘﯩﻠﻐﺎﻧﻠﯩﻘﯩﺪﯨﻦ ﯨﻪﯞﻩﺭ ﺗﯧﭙﯩﭗ ، ﻧﯘﺯﯗﮔﯘﻣﻨﻰ ﻗﯘﺗﯘﻟﺪﯗﺭﯗﺷﻘﺎ ﺑﻪﻝ ﺑﺎﻏﻼﻳﺪﯗ ، ﺋﺎﻳﻐﺎﻗﭽﻰ ﺋﺎﺭﻗﯩﻠﯩﻖ ﻧﯘﺯﯗﮔﯘﻣﻐﺎ ﺳﺎﻻﻡ ﻳﻮﻟﻼﻳﺪﯗ :
ﻧﯘﺯﯗﻙ ﻳﺎﺭﯨﻢ ﺋﺎﻣﺎﻧﻤﯘ ؟
ﺭﻩﯕﮕﻰ ﺭﻭﻳﻰ ﺳﺎﻣﺎﻧﻤﯘ ؟
ﻧﯘﺯﯗﮔﯘﻣﻐﺎ ﭼﺎﯓ ﺳﺎﻟﻐﺎﻥ
ﻣﺎﻧﻘﯘ ﺑﯧﮕﻰ ﻗﺎﯞﺍﻧﻤﯘ ؟
ﺋﺎﺗﻼﺭﻧﻰ ﺗﻮﻗﯘﭖ ﻗﻮﻳﺪﯗﻡ
ﭘﯘﺭﺳﻪﺕ ﻛﯜﺗﯜﭖ ﻳﺎﺗﯩﻤﻪﻥ .
ﭼﯜﺷﻜﻪﻥ ﭼﺎﻏﺪﺍ ﻗﺎﺭﺍﯕﻐﯘ
ﺳﯧﻨﻰ ﭼﻮﻗﯘﻡ ﺗﺎﭘﺎﺭﻣﻪﻥ .
ﺋﻪﻟﻘﯩﺴﺴﻪ ، ﺋﺎﻟﺪﺍﻣﭽﯩﻠﯩﻖ ﺑﯩﻠﻪﻥ ﻧﯘﺯﯗﮔﯘﻣﻨﻰ ﻗﻮﻟﻐﺎ ﭼﯜﺷﯜﺭﻩﻟﻤﯩﮕﻪﻥ ﺑﻪﮒ ﺯﻭﺭﻟﯘﻕ ﻛﯜﭼﯩﮕﻪ ﻳﯚﻟﯩﻨﯩﭗ ﻳﺎﯞﯗﺯ ﻗﻮﻟﯩﻨﻰ ﺋﯘﺯﺍﺗﺘﻰ . ﺗﯩﺰ ﭘﯜﻛﻤﻪﺱ ﻧﯘﺯﯗﮔﯘﻡ ﺗﻮﻱ ﻛﯧﭽﯩﺴﻰ ﺩﺍﺭﯦﻨﻨﻰ ﺑﻮﻏﯘﭖ ﺋﯚﻟﺘﯜﺭﯛﭖ ﺋﺎﻟﯟﺍﺳﺘﯩﻼﺭ ﻏﺎﺭﯨﺪﯨﻦ ﻗﺎﭼﺘﻰ . ﺷﯘ ﻗﺎﭼﻘﺎﻧﭽﻪ ﻧﻰ - ﻧﻰ ﺗﺎﻍ - ﺩﺍﯞﺍﻧﻼﺭﺩﯨﻦ ﺋﺎﺷﺘﻰ . ﻧﯘﺯﯗﮔﯘﻣﻨﯩﯔ ﺋﺎﺭﻗﯩﺴﯩﺪﯨﻦ ﻧﯘﺭﻏﯘﻥ ﺋﯩﺴﺘﻪﻛﭽﯩﻠﻪﺭ ﻗﻮﻏﻠﯩﺪﻯ . ﻧﯘﺯﯗﮔﯘﻡ ﺩﻩﺷﺖ - ﺑﺎﻳﺎﯞﺍﻧﻼﺭﺩﺍ ﻳﯜﺭﯛﭖ ، ﻗﻮﻣﯘﺷﻠﯘﻗﻘﺎ ﻣﯚﻛﯜﭖ ﺋﺎﻟﺘﻪ ﺋﺎﻳﻐﯩﭽﻪ ﺟﺎﻟﻼﺗﻼﺭﻏﺎ ﺗﯘﺗﯘﻕ ﺑﻪﺭﻣﯩﺪﻯ . ﺋﺎﺷﯘ ﻗﺎﭼﻘﯘﻧﻠﯘﻕ ﺋﯧﻐﯩﺮ ﻛﯜﻧﻠﯩﺮﯨﻨﻰ ﺋﻪﺳﻠﻪﭖ ، ﻳﯜﺭﻩﻙ ﺭﯨﺸﺘﯩﺴﯩﺪﯨﻦ ﻧﻪﺯﻣﻪ ﺗﯜﺯﺩﻯ :
ﻗﻮﻣﯘﺵ ﺋﺎﺭﯨﻼﭖ ﻛﯜﻥ ﭼﯜﺷﺘﻰ ،
ﻳﺎﻟﻐﯘﺯ ﺑﺎﺷﻘﺎ ﻣﯘﯓ ﭼﯜﺷﺘﻰ .
ﻣﻪﻥ ﻧﯘﺯﯗﻛﻨﻰ ﺗﯘﺗﯘﺷﻐﻘﺎ ،
ﻳﯜﺯﻟﻪﭖ ﭼﯧﺮﯨﻚ ﻳﻮﻝ ﺗﻮﺳﺘﻰ .
ﻗﺎﻳﻨﺎﭖ ﺗﯘﺭﻏﺎﻥ ﻗﺎﺯﺍﻧﻐﺎ
ﭼﯚﻣﯜﭺ ﺳﯧﻠﯩﭗ ﺑﺎﻗﻘﺎﻥ ﻳﻮﻕ .
ﻳﺎﺭ ﺋﯘﻳﺎﻗﺘﺎ ﻣﻪﻥ ﺑﯘﻳﺎﻗﺘﺎ ،
ﻣﯘﯕﺪﯨﺸﯩﭙﻤﯘ ﺑﺎﻗﻘﺎﻥ ﻳﻮﻕ .
ﻳﺎﻟﻐﯘﺯ ﻳﺎﺗﺘﯩﻢ ﺧﺎﻣﺎﻧﺪﺍ ،
ﻧﺎﻥ ﭘﯩﺸﯘﺭﺩﯗﻡ ﺳﺎﻣﺎﻧﺪﺍ .
ﺋﺎﺟﯩﺰ ﻧﯘﺯﯗﻙ ﺟﺎﯕﮕﺎﻟﺪﺍ ،
ﺑﺎﻗﻰ ﻳﯜﺭﻩﺭ ﻗﺎﻳﺎﻧﺪﺍ .
ﻗﻮﻣﯘﺷﻠﯘﻕ ﺑﻮﻟﺪﻯ ﺟﺎﻳﯩﻢ ،
ﺑﯚﺭﻩ ، ﺗﯜﻟﻜﻪ ﮬﻪﻣﺮﺍﻳﯩﻢ .
ﻣﯘﻧﺪﺍﻕ ﺋﯧﻐﯩﺮ ﻛﯜﻧﻠﻪﺭﺩﯨﻦ ،
ﻗﯘﺗﻘﯘﺯﻏﺎﻳﻤﯘ ﺧﯘﺩﺍﻳﯩﻢ !
ﻳﺎﻳﻰ ﭼﯩﻘﺘﻰ ﺗﯘﺗﻘﯩﻠﻰ ،
ﺋﻪﺟﺪﯨﮭﺎ ﺑﻮﻟﯘﭖ ﻳﯘﺗﻘﯩﻠﻰ .
ﭼﯧﺮﯨﻚ ﻣﯩﻠﺘﯩﻖ ﺗﻪﯕﻠﻪﻳﺪﯗ ،
ﻗﻮﻣﯘﺷﻠﯘﻗﻘﺎ ﺋﺎﺗﻘﯩﻠﻰ .
ﻣﯧﻨﻰ ﺗﯘﺗﯘﺵ ﻗﻪﺳﺘﯩﺪﻩ ،
ﺋﻮﺗﻨﻰ ﻗﻮﻳﺪﻯ ﻗﻮﻣﯘﺷﻘﺎ .
ﺧﺎﻧﺪﯨﻦ ﺑﯘﻳﺮﯗﻕ ﭼﯜﺷﯜﭘﺘﯘ ،
ﺳﻮﻟﯘﻥ ﻛﯚﺯﯛﻡ ﺋﻮﻳﯘﺷﻘﺎ .
ﻗﻮﻣﯘﺷﻠﯘﻗﻘﺎ ﺋﻮﺕ ﻗﻮﻳﺴﺎ ،
ﻣﻪﻥ ﻧﯘﺯﯗﻛﻨﻰ ﺗﺎﭘﺎﻟﻤﺎﺱ .
ﻣﻪﻥ ﻧﯘﺯﯗﻛﻨﻰ ﺗﺎﭘﻘﺎﻧﺪﺍ ،
ﺗﯩﺮﯨﻚ ﻗﻮﻟﻐﺎ ﺋﺎﻻﻟﻤﺎﺱ .
ﺋﺎﻟﺘﻪ ﺋﺎﻱ ﺑﻮﻟﺪﻯ ﻳﺎﻟﻐﯘﺯﻣﻪﻥ ،
ﻗﻪﺷﻘﻪﺭ ﻳﻮﻟﯩﻦ ﺑﯩﻠﻤﻪﻳﻤﻪﻥ .
ﺧﯘﺩﺍ ﺋﺎﻣﺎﻥ ﺳﺎﻗﻠﯩﺴﺎ ،
ﭼﯧﺮﯨﻜﻠﻪﺭﻧﻰ ﻛﯚﺭﻣﻪﺳﻤﻪﻥ .
ﺋﺎﺗﺎﻡ ﻣﯧﻨﻰ ﺋﻮﻳﻼﻳﺪﯗ ،
ﻧﯘﺯﯗﮔﯘﻡ ﺩﻩﭖ ﻳﯩﻐﻼﻳﺪﯗ .
ﺟﺎﻥ ﺋﺎﻛﺎﻣﻨﯩﯔ ﮬﻪﺳﺮﯨﺘﻰ ،
ﻳﯜﺭﯛﻛﯜﻣﻨﻰ ﺗﯩﻠﻐﺎﻳﺪﯗ .
ﻗﻮﻣﯘﺷﻠﯘﻗﺘﺎ ﺳﺎﻳﺮﯨﻐﺎﻥ
ﺋﯚﺭﺩﻩﻛﻤﯩﻜﯩﻦ ﻏﺎﺯﻣﯩﻜﯩﻦ ؟
ﻳﯜﺭﯛﻛﯜﻣﻨﻰ ﻳﯧﺮﯨﭗ ﺑﺎﻕ ،
ﺗﺎﺯﺍ ﻳﯧﺮﻯ ﺑﺎﺭﻣﯩﻜﯩﻦ ؟
ﺷﯘﻧﺪﺍﻕ ﺋﯧﻐﯩﺮ ﻛﯜﻧﻠﻪﺭﺩﻩ ،
ﻳﺎﺭ ﻳﯧﻨﯩﻤﺪﺍ ﺑﻮﻟﺴﺎﯕﭽﯘ !
ﻣﯘﻧﺪﺍﻕ ﻛﯜﻧﻨﻰ ﻛﯚﺭﮔﻪﻧﺪﯨﻦ ،
ﻳﻪﺭ ﻗﻮﻳﻨﯘﯕﻐﺎ ﺋﺎﻟﺴﺎﯕﭽﯘ ؟
. . . . . . . . . . . .
ﻛﻪﭘﻪ ﻗﯩﻠﺪﯨﻢ ﻳﺎﯞﺍﻧﻐﺎ ،
ﭼﯧﺮﯨﻚ ﻛﻪﻟﺪﻯ ﺩﺍﯞﺍﻧﻐﺎ .
ﺟﯧﻨﯩﻢ ﺋﺎﺯﻻ ﻗﺎﻟﻐﺎﻧﺪﺍ
ﺗﯘﺗﯘﻟﺪﯗﻡ ﻣﻪﻥ ﻗﺎﯞﺍﻧﻐﺎ .
ﺋﺎﺧﯩﺮﻯ ﻣﯩﯔ ﺑﯩﺮ ﻣﯘﺷﻪﻗﻘﻪﺗﺘﻪ ﻣﺎﻧﺠﯘ ﭼﯧﺮﯨﻜﻠﯩﺮﻯ ﻧﯘﺯﯗﮔﯘﻣﻨﻰ ﺗﯘﺗﯘﯞﺍﻟﺪﻯ . ﭘﯘﺕ - ﻗﻮﻟﯩﻨﻰ ﻣﻪﮬﻜﻪﻡ ﺑﺎﻏﻼﭖ ، ﺋﻮﻧﻠﯩﻐﺎﻥ ﭼﯧﺮﯨﻚ ﺗﯚﺕ ﺋﻪﺗﯩﺮﺍﭘﯩﺪﯨﻦ ﻳﺎﻻﭖ ، ﺋﺎﻟﺪﻯ - ﺋﺎﺭﻗﯩﺴﯩﺪﯨﻦ ﭼﺎﺭﻻﭖ ، ﺋﯘﺩﯗﻝ ﺋﯩﻠﻰ ﻳﺎﻣﯘﻟﯩﻐﺎ ﺋﯧﻠﯩﭗ ﻛﻪﻟﺪﻯ . ﻳﺎﻣﯘﻝ ﺋﯩﭽﻰ ﺋﺎﻻﻗﺰﺍﺩﯨﻠﯩﻜﻜﻪ ﺗﻮﻟﺪﻯ . ﭘﻮﺗﻪﻳﻠﻪﺭﮔﻪ ﺟﺎﻟﻼﺗﻼﺭ ﻗﺎﺭﺍ ﻗﺎﻏﯩﺪﻩﻙ ﻗﻮﻧﺪﻯ . ﻧﯘﺯﯗﮔﯘﻡ ﮬﺎﻳﺎﺗﯩﺪﯨﻦ ﺋﯜﻣﯩﺪ ﺋﯜﺯﺩﻯ :
ﻧﯘﺯﯗﻙ ﻗﻮﻟﻰ ﺑﺎﻏﻼﻧﺪﻯ
ﺋﯚﻟﺘﯜﺭﻣﻪﻛﻜﻪ ﭼﺎﻏﻼﻧﺪﻯ .
ﻗﻪﺷﻘﻪﺭﺩﯨﻜﻰ ﺋﺎﺗﺎﻣﻨﯩﯔ
ﻳﯜﺭﻩﻙ ﺑﺎﻏﺮﻯ ﺩﺍﻏﻼﻧﺪﻯ .
ﻳﺎﻟﻐﯘﺯ ﻏﯧﺮﯨﺐ ﻧﯘﺯﯗﻛﻨﻰ ،
<< ﺷﯩﻴﻪﻥ >> ﻳﺎﻣﯘﻟﻐﺎ ﺳﻮﻻﺷﺘﻰ .
ﻗﺎﻥ ﺋﯩﭽﻤﻪﻛﻜﻪ ﭼﯧﺮﯨﻜﻠﻪﺭ ،
ﭼﯜﻣﯜﻟﯩﺪﻩﻙ ﺋﻮﻻﺷﺘﻰ .
ﺗﯘﺗﻘﯘﻥ ﻗﯩﻠﯩﭗ ﻧﯘﺯﯗﻛﻨﻰ
ﻗﻮﺭﻗﯘﺗﻘﯘﻟﻰ ﺑﻮﻟﻤﯩﻐﺎﻱ .
ﺑﺎﻗﻰ ﺋﯜﭼﯜﻥ ﺟﺎﻥ ﺑﻪﺭﺳﻪ
ﺩﯨﻠﺪﺍ ﺋﺎﺭﻣﺎﻥ ﻗﺎﻟﻤﯩﻐﺎﻱ .
ﺩﯗﯞﺍﯓ ﺧﺎﻧﺪﯨﻦ ﯨﻪﺕ ﻛﻪﻟﺴﻪ
ﻧﯘﺯﯗﮔﯘﻣﻨﻰ <<ﭼﯧﭙﯩﯔ>> ﺩﻩﭖ .
ﻳﯘﺭﺗﺪﺍﺷﻠﯩﺮﯨﻢ ﺋﯧﻴﺘﯩﺪﯗ
<< ﺷﯧﮭﯩﺘﻠﯩﻜﻨﻰ ﺗﯧﭙﯩﯔ >> ﺩﻩﭖ .
ﺟﻴﺎﯕﺠﯜﻥ ﻧﯘﺯﯗﮔﯘﻣﻨﻰ ﺳﻮﺭﺍﻕ ﻗﯩﻠﺪﻯ . ﻗﻪﮬﺮﯨﻤﺎﻥ ﻧﯘﺯﯗﻙ ﺟﻴﺎﯕﺠﯜﻥ ﺋﺎﻟﺪﯨﺪﺍ ﻣﻪﺭﺩﺳﺎﻧﻪ ﺗﯘﺭﯗﭖ ﺳﯚﺯﺩﻩ ﻗﺎﺗﺘﯩﻖ ﺋﯧﻠﯩﺸﺘﻰ . ﺟﻴﺎﯕﺠﯜﻥ ﻧﯘﺯﯗﮔﯘﻣﻨﻰ ﺩﺍﺭﻏﺎ ﺋﯧﺴﯩﭗ ﺋﯚﻟﺘﯜﺭﯛﺷﻜﻪ ﺑﯘﻳﺮﯨﺪﻯ . . .
ﻣﻮﻳﺘﯘﯕﺰﺍ ﺋﺎﺩﻩﻡ ﺩﯦﯖﯩﺰﯨﻐﺎ ﺋﺎﻳﻼﻧﺪﻯ . ﻧﯘﺯﯗﮔﯘﻡ ﻛﯚﺯ ﻳﯧﺸﻰ ﻗﯩﻠﯩﯟﺍﺗﻘﺎﻥ ﻗﯧﺮﯨﻨﺪﺍﺷﻠﯩﺮﯨﻐﺎ ﻗﺎﺭﺍﭖ :
__ ﺋﯧﺰﯨﺰ ﯞﻩﺗﻪﻧﺪﺍﺷﻠﯩﺮﯨﻢ ! ﺯﺍﻟﯩﻤﻼﺭ ﻣﯧﻨﻰ ﺩﺍﺭﻏﺎ ﺋﺎﺳﻤﺎﻗﭽﻰ ، ﻗﻮﻟﯩﺪﯨﻦ ﻛﻪﻟﮕﯩﻨﯩﻨﻰ ﻗﯩﻠﺴﯘﻥ ، ﻣﻪﻥ ﺋﯚﻟﯜﺷﺘﯩﻦ ﻗﻮﺭﻗﻤﺎﻳﻤﻪﻥ . ﻣﻪﻥ ﺋﯚﻟﮕﻪﻥ ﺑﯩﻠﻪﻥ ﻣﯧﻨﯩﯔ ﻗﻮﯞﻡ - ﻗﯧﺮﯨﻨﺪﺍﺷﻠﯩﺮﯨﻢ ﺋﯚﻟﻤﻪﻳﺪﯗ ، - ﺩﯦﺪﻯ - ﺩﻩ ، ﻻﻏﯩﻠﺪﺍﭖ ﺗﯩﺘﺮﻩﯞﺍﺗﻘﺎﻥ ﺟﺎﻟﻼﺗﻘﺎ ﺧﯩﺘﺎﺏ ﻗﯩﻠﺪﻯ :
ﺑﯘﻳﺮﯗﻗﯩﯖﻨﻰ ﺑﻪﺭ ﺟﺎﻟﻼﺕ
ﻣﯧﻨﻰ ﺩﺍﺭﻏﺎ ﺋﯧﺴﯩﺸﻘﺎ .
ﺋﻪﻝ ﻗﯩﺴﺎﺳﻰ ﻣﯩﻨﻪﻟﮭﻪﻕ
ﺳﺎﯕﺎ ﻳﻮﻝ ﻳﻮﻕ ﻗﯧﭽﯩﺸﻘﺎ .
ﻣﯧﻨﻰ ﺩﺍﺭﻏﺎ ﺋﺎﺳﻘﺎﻧﺪﺍ
ﺋﺎﮔﺎﮬ ﺑﻮﻝ ﺋﯚﺯ ﺋﯧﺸﯩﯖﻐﺎ .
ﺭﻭﮬﯩﻢ ﮔﯜﺭﺯﻯ - ﺋﯘﻣﯘﺕ ﺑﻮﭖ ،
ﺑﯩﺮ ﻛﯜﻥ ﺗﯧﮕﻪﺭ ﺑﯧﺸﯩﯖﻐﺎ .
ﺋﻪﻟﻘﯩﺴﺴﻪ ، ﻧﯘﺯﯗﮔﯘﻡ ﻣﻪﺭﺩﺍﻧﻪ ﮬﺎﻟﺪﺍ ﺩﺍﺭ ﺋﺎﺳﺘﯩﻐﺎ ﺋﯚﺯﻯ ﻛﻪﻟﺪﻯ . ﻣﻪﻳﺪﺍﻧﺪﺍ ﻗﯩﻴﺎ - ﭼﯩﻴﺎ ﻛﯚﺗﯜﺭﯛﻟﺪﻯ . ﻧﯘﺯﯗﮔﯘﻡ ﺟﺎﺭﺍﯕﻠﯩﻖ ﺋﺎﯞﺍﺯ ﺑﯩﻠﻪﻥ ﻛﯚﻛﻨﻰ ﻟﻪﺭﺯﯨﮕﻪ ﺳﺎﻟﺪﻯ :
ﮬﯧﭽﻜﯩﻢ ﻣﻪﻧﺪﻩﻙ ﺑﻮﻟﻤﯩﺴﯘﻥ
ﺑﺎﻻﻻﺭﻏﺎ ﻗﺎﻟﻤﯩﺴﯘﻥ .
ﻣﺎﯕﺎ ﻛﻪﻟﮕﻪﻥ ﺩﻩﺭﺩ - ﺋﻪﻟﻪﻡ
ﮬﯧﭻ ﺑﻪﻧﺪﯨﮕﻪ ﻛﻪﻟﻤﯩﺴﯘﻥ .
ﺳﻪﻝ ﺋﻪﻣﻪﺳﺘﯘﺭ ﺋﺎﻗﻘﺎﻧﻼﺭ ،
ﺑﯩﺰﻧﯩﯔ ﺗﯚﻛﻜﻪﻥ ﻳﯧﺸﯩﻤﯩﺰ .
ﻗﺎﻧﻠﯩﻖ ﻗﯩﻠﯩﭻ ﻗﻪﮬﺮﯨﺪﯨﻦ ،
ﻛﯧﺴﯩﻠﻤﻪﻛﺘﻪ ﺑﯧﺸﯩﻤﯩﺰ .
ﻛﯚﻳﯜﭖ ﻳﺎﻧﺴﯘﻥ ﺯﺍﻣﺎﻧﻼﺭ
ﺗﺎﺟﯘ - ﺗﻪﺧﺘﻰ ﻛﯜﻝ ﺑﻮﻟﺴﯘﻥ .
ﺋﻪﺭﻛﯩﻨﻠﯩﻚ ﺩﯛﺷﻤﻪﻧﻠﯩﺮﻯ ،
ﻳﻪﺭ ﺑﯩﻠﻪﻥ ﻳﻪﻛﺴﺎﻥ ﺑﻮﻟﺴﯘﻥ .
ﻏﻪﻡ - ﻏﯘﺳﯩﮕﻪ ﺑﺎﺵ ﺋﻪﮔﻤﻪ
ﺋﻪﻟﻨﻰ ﺑﺎﺳﻘﺎﻥ ﺗﯜﻥ ﻛﯧﺘﻪﺭ .
ﺋﻮﺕ ﻗﯘﻳﺎﺷﺘﻪﻙ ﻧﯘﺭ ﭼﺎﻗﻨﺎﭖ ،
ﺑﯩﺰﻧﻰ ﭘﺎﺭﻻﻕ ﻛﯜﻥ ﻛﯜﺗﻪﺭ .
نۇزۇگۇمنى تۇتۇلۇشى
نۇزۇگۇم : ئۇيغۇر خەلقىنىڭ تىللاردا داستان بولغان مەشھۇر شائىرەسى ، <<نۇزۇگۇم>> پاجىئەلىك داستانىنىڭ باش قەھرىمانى ، ئالاھىدە تىپىك تراگېدىك مۇھىتتا يارىتىلغان تىپىك ھەقىقىي تراگېدىك شەخس . ئۇ 1826-يىلى ئىلىغا سۈرگۈن قىلىنغان قىز ئىدى . ئۇ سۈرگۈندىن قېچىپ ، ئارقىدىن قوغلىغان ۋە دائىما ئىزىغا چۈشكەن چېرىكلەر بىلەن ئېلىشىپ ، ئاخىر موتۇڭزىدا قەتل قىلىنغان . ئۇ ئۆز ھالىنى داستان قىلىپ ئەلگە يايغان . كېيىنچە ئۇيغۇر شائىرى بىلال نازىمى ئۇنىڭ ئەسلى شېئىرىلىرىنى نەزىم قىلغان ھالدا <<نۇزۇگۇم قىسسسى>>نى يېزىپ چىققان . نۇزۇگۇمنىڭ شېئىرلىرى خانىۋەيران ۋە تۇتقۇن قىلىنغان ئايالنىڭ ئۆز يۇرتىغا ، ئاتا-ئانىسىغا ، مۇھەببەت ئەركىنلىكىگە بولغان ئىنتىلىشلىرىنى كۈچلۈك ئىپادىلىگەن . ئۇ مىڭلىغان قەشقەر ئاياللىرى قاتارىدا مانجۇ-سۇلۇن چېرىكلىرىگە قۇل دېدەك ۋە خوتۇن قىلىپ بېرىشكە نىشانلىنىپ تۇتقۇن قىلىنغانىدى .
ﺷﯘﯕﻘﺎﺭ ﺗﯧﻐﯩﺪﺍ ﺑﯩﺮ ﺋﯚﯕﻜﯜﺭ ﺑﻮﻟﯘﭖ ، ﺋﯚﯕﻜﯜﺭﻧﯩﯔ ﺋﯧﻐﯩﺰﻯ ﺗﺎﺭ ، ﺋﯩﭽﻰ ﻛﻪﯓ ﺋﯩﻜﻪﻥ . ﻧﯘﺯﯗﮔﯘﻡ ﺋﯚﺯ ﻧﻮﻣﯘﺳﯩﻨﻰ ﺳﺎﻗﻼﺵ ﺋﯜﭼﯜﻥ ﻳﺎﯞﯗﺯ ﺳﯘﻻﻧﻨﯩﯔ ﮔﻪﺟﮕﯩﺴﯩﮕﻪ ﺧﻪﻧﺠﻪﺭ ﺋﯘﺭﯗﭖ ، ﺳﯩﺮﯨﺘﺘﺎ ﻗﯧﯩﭗ ﻳﯜﺭﯛﭖ ﺋﻪﯓ ﺋﺎﺧﯩﺮﯨﺪﺍ ﻣﯘﺷﯘ ﺋﯚﯕﻜﯜﺭﺩﻩ ﭘﺎﻧﺎﮬﻠﯩﻨﯩﭙﺘﯩﻜﻪﻥ . ﻗﯘﺭﺳﯩﭽﻰ ﺋﺎﭼﺴﺎ ، ﺋﯚﯕﻜﯜﺭ ﺋﻪﺗﯩﺮﺍﭘﯩﺪﯨﻜﻰ ﺑﺎﻝ ﮬﻪﺭﯨﻠﯩﺮﯨﻨﯩﯔ ﺋﯘﯞﯨﺴﯩﻨﻰ ﺑﯘﺯﯗﭖ ، ﺋﯘﺯﯗﻗﻠﯩﻨﯩﭗ ﻳﯜﺭﯛﭘﺘﯩﻜﻪﻥ .
ﻛﯜﻧﻠﻪﺭ ﺋﯚﺗﯜﭖ ، ﻧﯘﺯﯗﮔﯘﻣﻨﯩﯔ ﺷﯘﯕﻘﺎﺭ ﺗﯧﻐﯩﺪﯨﻜﻰ ﻏﺎﺭﺩﺍ ﻳﯜﺭﮔﻪﻧﻠﯩﻜﯩﻨﻰ ﭼﯧﺮﯨﻠﻪﺭ ﺋﯘﻗﯘﭖ ﻗﯧﻠﯩﭗ ، ﺗﯘﺗﯘﭖ ﻛﯧﻠﯩﺸﻜﻪ ﭼﯩﻘﯩﭙﺘﯘ . ﭼﯧﺮﯨﻠﻪﺭ ﻏﺎﺭﻧﻰ ﻛﯚﺭﯛﭖ << ﺑﯘ ﻗﺎﭼﻘﯘﻧﻨﻰ ﺋﻪﻣﺪﻯ ﺗﻮﺷﻘﺎﻧﺪﯨﻨﻤﯘ ﺋﺎﺳﺎﻥ ﺗﯘﺗﯩﺪﯨﻜﻪﻧﻤﯩﺰ >> ﺩﻩﭖ ﺋﻮﻳﻼﭘﺘﯘ - ﺩﻩ ، ﺋﯚﯕﻜﯜﺭﻧﯩﯔ ﺋﯩﭽﯩﮕﻪ ﺑﯩﺮ - ﺑﯩﺮﻟﻪﭖ ﺋﯚﺯﻟﯩﺮﯨﻨﻰ ﺋﯧﺘﯩﭙﺘﯘ . ﭘﺎﺭﺍﺳﻪﺗﻠﯩﻚ ﻧﯘﺯﯗﮔﯘﻡ ﺋﺎﻟﺪﯨﺪﺍ ﻛﯩﺮﮔﻪﻥ ﭼﯧﺮﯨﻜﻨﯩﯔ ﻛﯚﻛﺮﯨﮕﯩﻪ ﭘﻪﻡ ﺑﯩﻠﻪﻥ ﺧﻪﻧﺠﻪﺭ ﺋﯘﺭﯗﭘﺘﯘ . ﭼﯧﺮﯨﻚ ﺷﯘ ﮬﺎﻣﺎﻥ ﺗﯩﻘﯩﻠﯩﭗ ، ﻗﻮﻟﯩﺪﯨﻜﻰ ﻗﯧﻠﯩﭻ ﭼﯜﺷﯜﭖ ﻛﯧﺘﯩﭙﺘﯘ . ﻗﺎﻟﻐﺎﻧﻠﯩﺮﻯ ﺋﯚﯕﻜﯜﺭﻧﯩﯔ ﺋﯩﭽﯩﮕﻪ ﺋﯩﭽﻜﯩﺮﻟﻪﭖ ﻛﯩﺮﯨﺸﻜﻪ ﭘﯧﺘﯩﻨﺎﻟﻤﺎﭘﺘﯘ . ﻧﯘﺯﯗﮔﯘﻡ ﺋﯚﻟﮕﻪﻥ ﭼﯧﺮﯨﻜﻨﯩﯔ ﻗﯧﻠﯩﭽﯩﻨﻰ ﻛﯚﺗﯜﺭﯛﭖ ﭼﯧﺮﯨﻠﻪﺭﮔﻪ ﻗﺎﺭﺍﭖ ﺋﯧﺘﯩﻠﻐﺎﻥ ﺋﯩﻜﻪﻥ ، ﮬﻪﻣﻤﯩﺴﻰ ﺋﺎﺭﻗﯩﺴﯩﻐﺎ ﻗﺎﺭﺍﭖ ﻗﯧﭽﯩﭙﺘﯘ . ﺷﯘﻧﯩﯖﺪﯨﻦ ﻛﯧﻴﯩﻦ ﻳﻪﻧﻪ ﺋﯜﺳﺘﯩﻠﻪﭖ ﻧﯘﺭﻏﯘﻥ ﭼﯧﺮﯨﻚ ﭼﯩﻘﯩﭗ ، ﺋﯚﯕﻜﯜﺭﻧﻰ ﻣﯘﮬﺎﺳﯩﺮﯨﮕﻪ ﺋﺎﭘﺘﯘ . ﭼﯧﺮﯨﻠﻪﺭﻧﯩﯔ ﺑﺎﺷﻠﯩﻘﻰ ﭼﯧﺮﯨﻜﻠﻪﺭﮔﻪ ﺑﯘﻳﺮﯗﻕ ﻗﯩﻠﯩﭗ :
___ ﺋﯩﺲ ﻗﻮﻳﯘﭖ ، ﺑﯘﺭﯗﻗﺘﯘﻡ ﻗﯩﻠﯩﭗ ﺋﯚﻟﺘﯜﺭﯛﯕﻼﺭ ! - ﺩﻩﭘﺘﯘ .
ﭼﯧﺮﯨﻜﻠﻪﺭ ﺗﻪﺭﻩﭖ - ﺗﻪﺭﻩﭘﺘﯩﻦ ﺋﻮﺗﯘﻥ ﺗﯧﺮﯨﭗ ﻛﯧﻠﯩﭗ ، ﺋﯚﯕﻜﯜﺭﻧﯩﯔ ﺋﯧﻐﯩﺰﯨﻐﺎ ﺋﻮﺕ ﻳﯧﻘﯩﭙﺘﯘ ، ﺑﯩﺮﺍﻕ ﺋﯩﺲ ﺋﯚﯕﻜﯜﺭﻧﯩﯔ ﺋﯩﭽﯩﮕﻪ ﺋﯩﭽﻜﯩﺮﻟﻪﭖ ﻣﺎﯕﻤﺎﭘﺘﯘ . ﺑﯘﻧﻰ ﻛﯚﺭﮔﻪﻥ ﭼﯧﺮﯨﻜﻨﯩﯔ ﺑﺎﺷﻠﯩﻘﻰ ﻳﻪﻧﻪ :
___ ﺋﯚﯕﻜﯜﺭﻧﯩﯔ ﺋﯧﻐﯩﺰﯨﻨﻰ ﭼﯧﭙﯩﭗ ﻳﻮﻏﯘﻧﯩﺘﯩﯖﻼﺭ ، - ﺩﻩﭖ ﺑﯘﻳﺮﯗﭘﺘﯘ . ﭼﯧﺮﯨﻜﻠﻪﺭ ﻗﻮﻟﯩﺪﺍ ﻧﯧﻤﻪ ﺑﻮﻟﺴﺎ ﺷﯘﻧﯩﯔ ﺑﯩﻠﻪﻥ ﮬﻪ - ﮬﯘ ﺩﯦﻴﯩﺸﯩﭗ ، ﺋﯚﯕﻜﯜﺭﻧﯩﯔ ﺋﯧﻐﯩﺰﯨﻨﻰ ﭼﯧﭙﯩﭗ ﻳﻮﻏﯩﻨﯩﺘﯩﺸﻘﺎ ﻛﯩﺮﯨﺸﯩﭙﺘﯘ . ﻧﻪﭼﭽﻪ ﻛﯜﻥ ﺋﯧﻴﺘﯩﺸﯩﭙﻤﯘ ﺋﯚﯕﻜﯜﺭﻧﯩﯔ ﺋﯧﻐﯩﺰﯨﻨﻰ ﺩﯦﮕﻪﻧﺪﻩﻙ ﻳﻮﻏﯘﻧﯩﺘﺎﻟﻤﺎﭘﺘﯘ . ﺷﯘﻧﯩﯖﺪﯨﻦ ﻛﯧﻴﯩﻦ ، ﭼﯧﺮﯨﻜﻠﻪﺭﻧﯩﯔ ﮬﻪﺭ ﺑﯩﺮﻯ ﻗﺎﺭﯨﻐﺎﻳﺪﯨﻦ ﻣﻪﺷﺌﻪﻝ ﻳﯧﻘﯩﭗ ، ﻏﺎﺭﻧﯩﯔ ﺋﯩﭽﯩﻨﻰ ﻳﯘﺭﯗﺗﯘﭖ ، ﻗﺎﺗﺎﺭ ﺗﯩﺰﯨﻠﯩﭗ ، ﺋﯚﯕﻜﯜﺭﻧﯩﯔ ﺋﯩﭽﯩﮕﻪ ﻛﯩﺮﯨﭙﺘﯘ . ﻧﯘﺯﯗﮔﯘﻡ ﻛﯩﺮﮔﯩﻨﯩﻨﯩﯔ ﺋﯘﺩﯗﻟﻠﯘﻕ ﻛﺎﻟﻠﯩﺴﯩﻨﻰ ﺋﺎﭘﺘﯘ . ﻧﯘﺯﯗﮔﯘﻡ ﺋﯚﯕﻜﯜﺭﻧﯩﯔ ﺋﯩﭽﯩﺪﻩ ﺋﯚﺯ ﺩﯛﺷﻤﻪﻧﻠﯩﺮﯨﮕﻪ ﻗﺎﺭﺷﻰ ﻗﻪﻳﺴﻪﺭﻟﯩﻚ ﺑﯩﻠﻪﻥ ﻗﻪﯓ ﻗﯩﭙﺘﯘ . ﯞﺍﻗﯩﺖ ﺋﯘﺯﺍﺭﻏﺎﻧﺴﯧﺮﻯ ، ﻧﯘﺯﯗﮔﯘﻡ ﮬﺎﻟﺴﯩﺰﻟﯩﻨﯩﭙﺘﯘ ، ﺋﺎﺧﯩﺮ ﺩﻩﺭﻣﺎﻧﯩﺪﯨﻦ ﻛﯧﺘﯩﭗ ، ﻳﯩﻘﯩﻠﯩﭗ ﻗﺎﭘﺘﯘ . ﺋﺎﻣﺎﻥ ﻗﺎﻟﻐﺎﻥ ﭼﯧﺮﯨﻜﻠﻪﺭ ﺑﯩﮭﯘﺵ ﻳﺎﺗﻘﺎﻥ ﻧﯘﺯﯗﮔﯘﻣﻨﻰ ﺑﺎﻏﻼﭖ ﺋﯧﻠﯩﭗ ﻛﯧﺘﯩﭙﺘﯘ . ﺷﯘﻧﯩﯖﺪﯨﻦ ﻛﯧﻴﯩﻦ ، ﺑﯘ ﺋﯚﯕﻜﯜﺭ << ﻧﯘﺯﯗﮔﯘﻡ ﺋﯚﯕﻜﯜﺭﻯ >> ﺩﻩﭖ ﺋﺎﺗﯩﻠﯩﭗ ﻗﺎﻟﻐﺎﻧﯩﻜﻪﻥ )i
مۇنبەرخۇمارنىڭ <نۇزۇگۇمنى بىز ئۇيغۇرلارنىڭ دىگەن تىمىسىدىن
./read.php?tid-35606-keyword-%D9%86%DB%87%D8%B2%DB%87%DA%AF%DB%87%