بۇ يىل 3-ئايدا، بەزى خەۋەرلەردە ئالما كېيىنكى ئەۋلاد iPhone 6s دا SIP پېچەتلەش تېخنىكىسى ۋە ئاددىي PCB توك يولى تاختىسىنى قوللىنىدىغانلىقى ئېيتىلغان ئىدى، يېقىندا، تەيۋەن «جۇڭشى ئېلېكتىرون گېزىتى (中时电子报)» بۇ خەۋەرنى دەلىللىگەن، شۇنداقلا SiP تېخنىكىسى قوللىنىلغاندا، كېيىنكى ئەۋلاد iPhone 6s  نىڭ تېخىمۇ چوڭ باتارېيە بوشلۇقىغا ئىگە بولىدىغانلىقىنى بىلدۈرگەن.

ئىگىلىنىشىچە، SiP پېچەتلەش تېخنىكىسى بۇندىن بۇرۇن Apple Watch دا قوللىنىلغان بولۇپ، iPhone 6s، 6s Plus  دىمۇ SiP پېچەتلەش تېخنىكىسى ۋە ئاددىي PCB توك يولى تاختىسى ئىشلىتىلىدىكەن. دېيىلىشىچە،  SiP تېخنىكىسى مودېللاشقاندىن كېيىن، SiP  مودېل سانى نۆۋەتتىكى 8 يۈرۈشتىن 12 يۈرۈشكە كۆپەيتىلىدىكەن. گەرچە ئالما SiP پېچەتلەش تېخنىكىسىنى ئىشلىتىشنى خالىسىمۇ، لېكىن بۇنىڭمۇ يېتەرسىزلىكى بار ئىكەن، يەنى بىر تال مودېل بۇزۇلسا، بىر پۈتۈن SiP پېچىتىنى ئىشلەتكىلى بولمايدىكەن، بۇ مەھسۇلاتنىڭ سۈپەتلىك بولۇش نىسبىتىنىڭ تۆۋەنلىشىنى كەلتۈرۈپ چىقىرىدىكەن.