ئامېرىكىدا چىقىدىغان «ئايلىنىش» تېببىي ژورنىلىنىڭ يېقىنقى سانىدا ئېلان قىلىغان تەتقىقات دوكىلاتىدا كۆرسىتىلىشىچە، نىكاھتىن ئاجراشقانلارنىڭ يۈرەك كېسىلىگە گىرىپتار بولۇش نىسبىتى يۇقىرى بولىدىكەن، بىراق ئاياللارنىڭ نىكاھتىن ئاجرىشىش سەۋەبلىك يۈرەك كېسىلىگە گىرىپتار بولۇش نىسبىتى ئەرلەرگە قارىغاندا يۇقىرى بولىدىكەن.
ئامېرىكا ئالىملىرى 15 مىڭ ئادەمنى ئىز قوغلاپ تەكشۈرۈش ئارقىلىق بىر قېتىم نىكاھتىن ئاجراشقان ئاياللارنىڭ يۈرەك كېسىلىگە گىرىپتار بولۇش نىسبىتىنىڭ باشقا ئاياللارغا قارىغاندا %24 يۇقىرى بولىدىغانلىقى، كۆپ قېتىم نىكاھتىن ئاجراشقان ئاياللارنىڭ %77 يۇقىرى بولىدىغانلىقى، بىر قېتىم نىكاھتىن ئاجراشقان ئەرلەرنىڭ يۈرەك كېسىلىگە گىرىپتار بولۇش نىسبىتىنىڭ باشقا ئەرلەرگە قارىغاندا %10 يۇقىرى بولىدىغانلىقى، كۆپ قېتىم نىكاھتىن ئاجراشقان ئەرلەرنىڭ %30 يۇقىرى بولىدىغانلىقىنى بايقىغان.
