ئامېرىكا تېخنىكا بىلوگى Re/code نىڭ خەۋىرىگە ئاساسلانغاندا، نوكىيا ئەڭ بالدۇر بولغاندا كېلەر يىلى يان تېلېفون بازىرىغا قايتىپ كېلىدىكەن، بۇنىڭدىن باشقا نوكىيا شىركىتى يەنە مەۋھۇم رېئاللىق تېخنىكىسى تۈرى قاتارلىق باشقا تېخنىكا تۈرىگە ئىگە بولغان.
ئىگىلىنىشىچە، مەزكۇر پىلاننى نوكىيا تېخنىكا بۆلۈمى ئوتتۇرىغا چىقارغان بولۇپ، ھازىرغىچە، بۇ ئورۇن ئىككى نۇسخا مەھسۇلات ئېلان قىلغان، ئۇلار ئايرىم-ئايرىم ھالدا Z Launcher ناملىق ئاندىرويىد ئەپ ۋە N1 ناملىق ئاندىرويىد تاختا كومپيۇتېرى.
لېكىن كەسپى ساھەدىكى كىشىلەرنىڭ دېيىشىچە، نوكىيا يان تېلېفون بازىرىغا قايتىپ كەلگەن تەقدىردىمۇ، زور كۆلەملىك كەسىپ شەكىللەندۈرەلمەيدىكەن، بەلكى N1 نىڭ ئەندىزىسىدە ئۆزى مەھسۇلات لايىھەلەپ، ئاندىن مەھسۇلات ھوقۇقىنى باشقا سودىگەرگە ھۆددە بېرىدىكەن. سودىگەر نوكيا ماركىسىنى مەھسۇلات ئىشلەپچىقىرىش، سېتىشتا قوللىنىدىكەن.
