بۇ يىل، سەنئەت پەنلىرى يېڭى قوشۇلغان پەن تۈرى سۈپىتىدە ئوتتۇرا مەكتەپ سەۋىيە سىناش ئىمتىھانى پەن تۈرىگە رەسمىي كىرگۈزۈلدى، ئوقۇغۇچىلار مۇزىكا ۋە گۈزەل-سەنئەت تۈرىدىن خالىغان بىرىنى تاللىسا بولىدۇ.

3-ئاينىڭ 25-كۈنى، شىنجاڭ ئۇيغۇر ئاپتونوم رايونلۇق مائارىپ نازارىتىدىن ئىگىلىنىشىچە، «2015-يىللىق ئوتتۇرا مەكتەپ سەۋىيە سىناش ئىمتىھانى ۋە تولۇق ئوتتۇرىغا ئوقۇغۇچى قوبۇل قىلىشنى يولغا قويۇش لايىھەسىنى تارقىتىش توغرىسىدا ئۇقتۇرۇش» نى ئېلان قىلغان، بۇنىڭ ئىچىدە تەنتەربىيە ۋە سەنئەت ئىمتىھان تۈرىنىڭ نومۇرى 150 نومۇر، تەنتەربىيە 100 نومۇر، سەنئەت 50 نومۇر قىلىپ بېكىتىلگەن، ئوقۇغۇچىلارنىڭ ئېرىشكەن نومۇرى ئومۇمىي نەتىجىسىگە ھېسابلىنىدىكەن.

بۇنىڭدىن باشقا، شىنجاڭ «سەنئەت ئىمتىھانى» ھەرقايسى ۋىلايەت ئوبلاستلاردىن كەڭ دائىرىدە پىكىر قوبۇل قىلغاندىن كېيىن، ئوقۇتقۇچى ۋە مۇتەخەسسىسلەرنىڭ تەكلىپ بېرىش بىلەن، سەنئەت ئىمتىھانىدا پەقەت گۈزەل-سەنئەت ۋە مۇزىكا ئىمتىھانى بولۇپلا قالماي، گۈزەل-سەنئەتنىڭ ئىچىدە يەنە خەتتاتلىق، رەسساملىق، تېز سىزما قاتارلىق نۇرغۇنلىغان باشقا سەنئەت تۈرلىرى بار ئىكەن. مۇزىكا چالغۇلار ئىچىدە مۇزىكا، ناخشىلىق مۇزىكا تۈرى قاتارلىقلار بار ئىكەن.

شىنجاڭ كۆپ مىللەت توپلىشىپ ئولتۇراقلاشقان رايون بولغاچقا، نۇرغۇن مىللەتلەرنىڭ ئۆزىگە خاس سەنئەت ئالاھىدىلىكى بار، بۇ سەۋەبتىن شىنجاڭ سەنئەت ئىمتىھانى پەن تۈرىدە ئۆز جايىغا قاراپ ئىش كۆرۈلىدۇ. يەنى ئوقۇغۇچىلار مىللىي چالغۇ ئەسۋابلارنى ئىشلىتىپ ئىمتىھانغا قاتناشسا بولىدۇ. بۇ شىنجاڭنىڭ سەنئەت ئىمتىھانىدىكى چوڭ يارقىن نۇقتىلارنىڭ بىرى بولۇپ قالىدىكەن.