6-ئاينىڭ 18-كۈنى، يېزا مەكتەپ پىدائىيلىرى ئەتىرىتىنىڭ تەشكىللىگۈچىسى يالقۇن ئوسمان ۋە ۋاڭ جۈنفۇ، لەنجۇ «پاسىلسىز مېھىر-مۇھەببەت پائالىيىتى»نىڭ تەشكىللىگۈچىسى دا شىدوڭ، سېرىق ئۇيغۇر ناھىيەسىلىك ئەن جىخۇي قاتارلىقلار گەنسۇنىڭ جاڭيېدا باش قوشۇشقاندىن كېيىن، بىرلىكتە سۇنەن سېرىق ئۇيغۇر ناھىيەسى مىڭخۇا يېزىسى شۈسەنۋەن باشلانغۇچ مەكتىپىگە قاراپ ئاتلاندى.
پويىز سۇنەن ئىگىزلىكىگە قاراپ قوزغالانغاندا، پويىزدىكى يېزا مەكتەپ پىدائىيلىرىنىڭ قەلبى بىر خىل ھاياجان ۋە ئىنتىلىشكە تولغان ئىدى. چۈنكى بۇ ئۇلارنىڭ ئالدىنقى يىلى گەنسۇنىڭ شا(قۇم) يېزىسىدىكى ئاممىۋىي پاراۋانلىق، خەير-ساخاۋەت پائالىيىتىدىن كېيىنكى ئىككىنچى قېتىملىق يېزا مەكتەپ پىدائىيلىرىنىڭ خەير-ساخاۋەتلىك قەدەملىرىنى ئىچكىرىگە ئۇزارتىشى بولۇپ ھېسابلىناتتى.
سېرىق ئۇيغۇرغا شىنجاڭلىق دادا كەلدى!
ئۇيغۇر تىلىدا «دادا» سۆزى كىشىنىڭ ئاتىسى دېگەن مەنىسىنى بىلدۈرىدۇ. سۇنەن سېرىق ئۇيغۇر ئاپتونۇم ناھىيەسى مىڭخۇا يېزىسى شۈ سەنۋەن باشلانغۇچ مەكتىپىدىكى بالىلار ئۈچۈن ئېيتقاندا، شىنجاڭدىن ئىككى داداشنىڭ ئۆزلىرىنى كۆرگىلى كېلىشى تولىمۇ خۇشاللىنارلىق بىر ئىش ئىدى.
6-ئاينىڭ 21-كۈنى، پىدائىيلار قىيالمىغان ھالدا شىنجاڭغا قايتىپ كەلدۇق.
چىلان تاغلىرى بىلەن خانتەڭرى تۇتاش،
باغرىدۇر ياپيېشىل چېمەنگە ئوخشاش.
شۇ يېراق قۇملۇقتا مىڭخۇا مەكتىپى،
يورۇتار دىللارنى بەئەينى قۇياش.
شۇنداق، يۇقارقى بۇ مىسرالار يېزا مەكتەپ پىدائىيلىرىنىڭ بۇ قېتىمقى سېرىق ئۇيغۇر يۇرتىغا قىلغان سەپىرىنىڭ لىرىك ئىزناسى ئىدى.
يېراقتىكى سۇنەن ئىگىزلىكىگە دەسلەپكى قەدەمدە يېزا مەكتەپ پىدائىيلىرىنىڭ خەير – ساخاۋەت ئارزۇسى تىكىلدى. ئەمما بىزنىڭ بۇ خەير ساخاۋەت يولىمىز، بۇ يولدىكى قەدەملىرىمىز ھەرگىزمۇ ئۈزۈلۈپ قالماي، يەنە داۋاملاشقۇسى!
مەنبە: ئۇزار تورى
