ئۈرۈمچى كەچلىك گېزىتى خەۋىرى:

مۇتەخەسىسلەرنىڭ تونۇشتۇرۇشقا ئاساسلانغاندا، جىگەرنى ئاسراشنىڭ ئومۇمىي ئوزۇقلىنىش پرىنسىپى-ئاقسىل مۇۋاپىق، ياغ ئازراق، ۋىتامىنلار كۆپرەك بولۇشتىن ئىبارەت. ئاقسىل كەم بولسا بولمايدۇ، ئەمما زىيادە كۆپ بولۇپ كەتمەسلىكى كېرەك. قارا گۆش، بېلىق تۈرىدىكىلەر، سۈت تۈرىدىكىلەر، خاسىڭ، پۇرچاق تۈرىدىكىلەرنى ئىستېمال قىلسا بولىدۇ. 

ياغنىڭ كۆپ بولۇپ كېتىشى جىگەرنىڭ يۈكىنى ئېغىرلاشتۇرۋىتىدۇ، شۇڭا تەركىبىدە ياغ ئاز، خولىستىرىن مىقدارى ئاز يېمەكلىكلەرنى تاللاپ ئىستېمال قىلىش لازىم. تۆۋەندىكى يىمەكلىكلەر جىگەرگە پايدىلىق:

سۇلۇ. ئۇنىڭدا لېنولىن كىسلاتاسى ۋە ساپونىن ماددىسى مول بولۇپ، قاندىكى خولىسترىن ۋە تىرىگىلدسىننى تۆۋەنلىتىدۇ. 

قوناق. تەركىبىدە كالتسىي، سېلىن بىلەن ۋېتامىنE قاتارلىقلار مول بولۇپ، بۇلار قاندىكى ياغ، خولېستېرىننى ئازايتىدۇ. 

خەيدەي. تەركىبىدە تاۋرىن كىسلاتاسى مول بولۇپ، ئۇ قان ۋە ئۆت سۇيۇقلۇقىدىكى خولىستېرىننى تۆۋەنلىتىدۇ. 

سامساق. تەركىبىدە سۇلفاتلاشقان بىرىكمە ماددا بولۇپ، قاندىكى خولىسترىننى ئازايتىپ، قان نوكچىسى شەكىللىنىشنىڭ ئالدىنى ئالىدۇ ھەم يۇقىرى زىچلىققا ئىگە ياغ، ئاقسىل تەركىبىنىڭ كۆپىيىشىگە ياردەم بېرىدۇ. 

كالا سۈتى. ئۇنىڭ تەركىبىدە كالتسىي مول بولۇپ، ئادەم تېنىدىكى خولىستېرىننىڭ سۈمۈرۈلۈشىنى ئازايتىدۇ.

غولپىياز. ئۇنىڭ باكتېرىيە ئۆلتۈرۈش رولى بولۇپلا قالماستىن قاندىكى ياغنى ئازايتىپ، ئارتېرىيە قېتىشنىڭ ئالدىنى ئالىدۇ. 

تاتلىقياڭيۇ. گۆش، تۇخۇمنى كۆپ ئىستېمال قىلىشتىن پەيدا بولغان ئارتۇقچە كىسلاتانى نېيترالاشتۇرۇپ، ئادەم تېنىدىكى ئىشقار، كىسلاتانى تەڭپۇڭلاشتۇرىدۇ.