39 ساغلاملىق تورى خەۋىرى، : ھەر يىلنىڭ ئاخىرى ۋە بېشىدا، كۆپلىگەن ئىدارە-ئورگانلار خىزمەتچى خادىملارنى بەدەن تەكشۈرتۈشكە ئورۇنلاشتۇرىدۇ. بەزى ئاچ قورساق تەكشۈرتىدىغان تۈرگە قارىتا خېلى كۆپلىگەن كىشىلەرنىڭ چۈشەنچىسى تازا ئايدىڭ ئەمەس، تاماق يېمەي ۋە سۇ ئىچمەي بەدەن تەكشۈرتكەندە تەكشۈرۈش نەتىجىسىگە قانچىلىق تەسىر كۆرسىتىدۇ؟ بەزى كىشىلەر بەدەن تەكشۈرتۈشتىن بۇرۇنقى ئالدىنقى ئاخشمىسى تاماقنى كۆپ يېيىش ئارقىلىق ئېنىرگىيە توپلىماقچى بولىدۇ. يەنە بەزى كىشىلەر تەكشۈرۈش نەتىجىسىگە تەسىر يېتىدۇ دەپ قاراپ بىر كۈن بۇرۇنلا تاماقنى چەكلەيدۇ. ئۇنداقتا نېمە ئۈچۈن بەزى تەكشۈرۈشكە ئاچ قورساق تەكشۈرۈش تەلەپ قىلىنىدۇ؟ تاماق يېگەندىن كېيىن، تاماقتىكى ئوخشاش بولمىغان تەركىپ ۋە ئارىلاشمىلار تەكشۈرۈش نەتىجىسىگە ئوخشاش بولمىغان تەسىر كۆرسىتىدۇ. تاماق يەپ بولغاندىن كېيىن قان ئېلىنسا، قاننىڭ قۇيۇقلۇق دەرىجىسى يۇقۇرى چىقىىپ ھەر قايسى كۆرسەتكۈچىنىڭ نەتىجىسىگە بەلگىلىك تەسىر يەتكۈزىدۇ. ئۇنىڭدىن باشقا تاماق يېگەندە يېمەكلىك ئۇدۇل ئاشقانغا ماڭىدۇ. بۇنداق چاغدا ئاشقازان خىزمىتىگە توغرا دىئاگنوز قۇيۇش تېخىمۇ تەسلىشىدۇ. شۇڭا بەدەن ساغلاملىق تەكشۈرۈش تۈرىدە ئاچ قورساق تەكشۈرۈتۈش كېرەك.

 قانداق قىلغاندا رەسمىي ئاچ قورساق ھالىتىدە بولغىلى بولىدۇ؟ شۇ كۈنى ئەتىگەندە تاماق يېمىسىلا بۇلامدۇ؟ پۈتۈنلەي ئۇنداق ئەمەس، شۇ كۈنى ئەتىگەنلىك تاماقنى يېمەسلىك ۋە سۇ ئىچمەسلىكتىن باشقا يەنە بەدەن تەكشۈرتىشتىن ئۈچ كۈن بۇرۇنلا تۇزسىز تاماق ۋە تەرتىپلىك ئۇزۇقلىنىشنى باشلاش كېرەك، بولۇپمۇ يۇقۇرى مايلىق يېمەكلىكنى چەكلەش ئەڭ مۇھىم، بەدەن تەكشۈرتۈشنىڭ ئالدىقى كۈنى كەچتە تاماق يېمىسىلا بولىدۇ. (ئىمكانقەدەر بەك كەچ يېمەسلىك لازىم) سالامەتلىكنى ياخشى تەكشۈرتۈشكە كاپالەتلىك قىلىش ئۈچۈن، بىر كۈن بۇرۇن يېگەن تاماق تۇلۇق ھەزىم بولمىسا بولمايدۇ. ئادەتتە يېمەكلىكنىڭ ھەزىم بۇلىشىغا 8 سائەت كېتىدۇ. ئەلۋەتتە ئاچ قورساق ھالەتتە قان ئېلىشمۇ بەزى ئۆزگىرىشنى كەلتۈرۈپ چىقىرىدۇ، قورساق ناھايىتى ئېچىپ كەتكەندە قان ئېلىنسا لابۇراتۇرىيەلىك نەتىجىسىگىمۇ تەسىر كۆرسىتىدۇ. تۆۋەن بولغان قاندىكى قەنت سەۋەبىدىن سوغاق تەرلەش، باش قېيىش، تارتىشىش ۋە شوك كېلىپ چىقىدۇ، شۇڭا قورساق بەك ئېچىپ كەتكەندىمۇ تەكشۈرۈشتكە بولمايدۇ، شۇڭا بەدەن تەكشۈرتۈش سەل بالدۇر بولسا ياخشى (چۈشتىن بۇرۇن سائەت 7:30 -10:00)