HTC نىڭ سېتىلىش مىقدارى ％36 تۆۋەنلىدى

سوخۇ تورى 3-مارت خەۋىرى: Phone Arena نىڭ خەۋىرىگە ئاساسلانغاندا، گەرچە كىشىلەر HTC نىڭ ئېلان قىلىنىش ئالدىدا تۇرغان يېڭى بىر ئەۋلاد The All New HTC One نى قىزغىن مۇنازىرە قىلىۋاتقان بولسىمۇ، بىراق ئەمەلىيەتتە HTC شىركىتى قىيىن ئەھۋالغا چۈشۈپ قالغان.
3-ئاينىڭ 3-كۈنى HTC شىركىتى 2014-يىلى 2-ئايدىكى سېتىلىش مىقدارىنىڭ تەخمىنەن 238 مىليون ئامېرىكا دوللىرىغا يېتىپ، ئالدىنقى يىلى ئوخشاش مەزگىلدىكىدىن ％36.5 تۆۋەنلىگەنلىكىنى جاكارلىغان.
2014-يىلى 2-ئاي 2007-يىلىدىن بۇيان HTCنىڭ ئىپادىسى ئەڭ ناچار بولغان بىر ئايغا ئايلانغان.
2014-يىلىنىڭ ئالدىنقى ئىككى ئايدا، HTC نىڭ سېتىلىش مىقدارى 557 مىليون ئامېرىكا دوللىرىغا يەتكەن بولۇپ، ئالدىنقى يىلى ئوخشاش مەزگىلدىكى 888 مىليون ئامېرىكا دوللىرىدىن ％37.2 تۆۋەنلىگەن.
مەزكۇر دوكلاتقا نىسبەتەن، HTC نىڭ باش مالىيە ئەمەلدارى، 1-ئايدىن 3-ئايغىچە HTC نىڭ سېتىلىش مىقدارى ۋە پايدىسىنىڭ ئەڭ تۆۋەن نۇقتىغا چۈشۈپ قالغانلىقىنى، كېيىنكى پەسىللەردە تەدرىجىي ئاشىدىغانلىقىنى بىلدۈرگەن.
The All New HTC One بۇ يىل 3-ئاينىڭ 25-كۈنى ئېلان قىلىنىدىغان بولۇپ، تېخىمۇ تېز بىر تەرەپ قىلغۇچ سەپلەنگەن، قوش سېزىم تارقاتقۇچلۇق كامېرا ۋە microSD ئىقتىدارى قوللىنىلغان.
HTC ئالدىنقى يىلى HTC One نى ئىشلەپچىقىرىش ئارقىلىق ئەينى ۋاقىتتىكى سامسۇڭنىڭ Galaxy S4 يانفونىغا ئاز بولمىغان بېسىملارنى ئېلىپ كەلگەن، بۇ يىل The All New HTC One نى ئىشلەپچىقىرىش ئارقىلىق سامسۇڭ Galaxy S5 غا تېخىمۇ چوڭ بېسىم ئىشلىتىدۇ.