مۇخبىرنىڭ شىنجاڭ ئۇيغۇر ئاپتونوم رايونلۇق مائارىپ نازارىتىدىن ئىگىلىشىچە، پۈتۈن شىنجاڭدىكى %10 ناھىيە، شەھەرلەردە مەكتەپ ئاشخانىسى يوق بولۇپ، بۇ يىل يېزا مەكتەپ ئاشخانا قۇرۇلۇشىغا 528 مىليون 600 مىڭ يۈەن مەبلەغ سېلىنىدىكەن، ئۇنىڭ ئىچىدە مەركەز 264 مىليون 300 مىڭ يۈەن مەبلەغ ئاجرىتىپ، يېزا ئوتتۇرا، باشلانغۇچ مەكتەپ ئاشخانا قۇرۇلۇشىغا ئىشلىتىلىدىغان بولۇپ، بۇ ئاساسلىقى ئوقۇغۇچىلارنىڭ ئوزۇقلۇقىنى ياخشىلاش پىلانىدىكى دۆلەتلىك سىناق نۇقتا ناھىيەسىنى قاپلايدىكەن.

ئىگىلىنىشىچە، 2011-يىلى ئوقۇغۇچىلارنىڭ ئوزۇقلۇقىنى ياخشىلاش سىناق نۇقتا خىزمىتى قانات يايدۇرۇلغاندىن بۇيان، شىنجاڭ جەمئىي 1 مىليارد 400 مىڭ يۈەن مەبلەغ سېلىپ، مەكتەپ ئاشخانىسىدىن 2107 نى قۇرغان. نۆۋەتتە، قىسمەن ئاشخانىلارنىڭ قۇرۇلۇشىدا ئىش تاماملانغان.