موتورولا ۋاكالىتەن ئىشلەپچىقارغان گۇگىل Nexus6 بازارغا چىققىلى 7 ئاي بولدى، گۇگىلنىڭ ئەڭ يېڭى بايراقدار يان تېلېفونى بولۇش سۈپىتى بىلەن، سەپلىمە جەھەتتە يەنىلا ئالدىنقى قاتاردا تۇرىدۇ. نۆۋەتتە، گۇگىل مەزكۇر يان تېلېفونغا قارىتا زور دەرىجىدە باھا چۈشۈرۈش ئېلىپ بارغان بولۇپ، گۇگىل دۇكىنىدا مەزكۇر يان تېلېفوننىڭ باشلىنىش باھاسى 499 ئامېرىكا دوللىرى (تەخمىنەن 3090 يۈەن) غا چۈشۈرۈلگەن.

بۇ قېتىم گۇگىل 32GB ۋە 64GB نەشرىدىكى Neuxs6 نىڭ باھاسىنى 150 ئامېرىكا دوللىرى (929 يۈەن) تۆۋەنلەتكەن. بۇنىڭ بىلەن 32GB لىق نۇسخىسىنىڭ باھاسى 499 ئامېرىكا دوللىرىغا، 64GB لىق نۇسخىسىنىڭ باھاسى 549 ئامېرىكا دوللىرى (3400 يۈەن) غا چۈشۈرۈلگەن. Best Buy ۋە ئامازون تور بازىرىدىمۇ مەزكۇر يان تېلېفوننىڭ باھاسى ماس قەدەمدە چۈشۈرۈلگەن بولۇپ، Nexus6 نىڭ جەلپ قىلىش كۈچى بىر بالداق يۇقىرى كۆتۈرۈلگەن.