1. كۆپ سۇ ئىچىش.

    سۇنى كۆپ ئىچىپ بەرگەندە ئادەم بەدىنىدىكى سۇيۇقلۇقلار تولۇقلىنىپ، قان ئايلىنىشنى ئىلگىرى سۈرۈش، مېتابولىزىم ئېلىپ بېرىش ھەمدە بەز تېنىنى ئىلگىرى سۈرۈش، بولۇپمۇ ھەزىم قىلىش بەزلىرى، ئاشقازان ئاستى بېزى سۇيۇقلۇقى ۋە ئۆت سۇيۇقلۇقىنىڭ ئاجرىلىپ چىقىرىلىشىنى ئىلگىرى سۈرۈش قاتارلىق رولى بار. ھەزىم قىلىش، سۈمۈرۈلۈش ۋە كېرەكسىز ماددىلارنىڭ ھەيدەپ چىقىرىلىشىغا پايدىسى بولۇپ، ئالماشتۇرۇلغان ماددىلارنىڭ ۋە توكسىننىڭ جىگەرگە بولغان زىيىنىنى ئازلىتىدۇ.

    2. غىزالىنىش تەڭپۇڭ بولۇشىغا دىققەت قىلىش كېرەك.

    غىزالىنىشتا تەڭپۇڭلۇقنى ساقلاش كېرەك، يېمەكلىك تەركىبىدىكى ئاقسىل، كاربون سۇ بىرىكمىلىرى، ياغ، ۋىتامىن، مېنىرال ماددا قاتارلىقلار بەلگىلىك نىسبەتتە تۇرۇش بىلەن بىر ۋاقىتتا بەش خىل تەم تەڭپۇڭ بولۇشى، ئامال بار ئاچچىق قورۇمىلارنى ئاز يېيىش لازىم. غىزالىنىش مۇۋاپىق، ئوزۇقلۇق مىقدارىنىڭمۇ تەڭپۇڭ بولۇشىنىڭ جىگەرنى ئاسراشقا زور پايدىسى بار.

    3. كەيپىياتى ئوچۇق-يورۇق بولۇش.

    جىگەرنىڭ ساغلام بولۇشى ئۈچۈن، ئاۋۋال ئاچچىقنى كونترول قىلىشنى ئۆگىنىش، قانچىلىك ئاچچىقلانسىمۇ ئۈچ مىنۇتتىن ئېشىپ كەتمەسلىك كېرەك.كۈچىنىڭ يېتىشىچە، ئېغىر بېسىقلىق،ئۈمىدۋار ۋە ئوچۇق-يورۇق، خاتىرجەم كەيپىياتنى يېتىلدۈرگەندە، چۇس مىجەزنىڭ تەڭشىلىشىگە پايدىسى بولىدۇ. ئەگەر بۇ تەبىئىي قانۇنىيەتكە خىلاپلىق قىلغاندا، جىگەرگە زىيان ئېلىپ كېلىدۇ. شۇڭا ئوچۇق-يورۇق كەيپىيات ھالىتى جىگەرنى ئاسرايدۇ.

    4. مۇۋاپىق چېنىقىپ بېرىش.

    چېنىقىشنى كۈچەيتىش، ئىممۇنېت كۈچىنى ئاشۇرىدۇ. جۇڭگو تىبابىتى مۇتەخەسسىسىنىڭ تەكىتلىشىچە، ھەرىكەت قىلىش جىگەرنى ماي قاپلاشتىن ساقلاپ، بەدەندىكى ئارتۇق ياغنى ھەيدەش رولى بار ئىكەن.جىگەرنى ياغ قاپلاش كېسىلى بىمارلىرى چېنىقىشنى داۋاملاشتۇرۇشى، مۇۋاپىق ھالدا ئاستا يۈگۈرۈش، تېز مېڭىش، ۋېلىسپىت ھەيدەش قاتارلىق ئوكسېگىنلىق ھەرىكەتلەرنى قىلىپ بېرىشنىڭمۇ ئادەم تېنىدىكى ئىسسىقلىقنى خورىتىش، بەدەن ئېغىرلىقىنىڭ ئېشىپ كېتىشنىڭ ئالدىنى ئالىدۇ.

ئەسلى مەنبە: http://uy.ts.cn/life/content/2016-02/19/content_499710.htm