شەيتان لۇغەت
مۇختەر بۇغرا
تۇغۇلۇش:
ئامەت ئىچرە كۆڭۈللۈك ئاپەت،
مۇھەببەتكە قارشى مۇھەببەت.
بالىلىق:
ئەسلىمىدە بۇرۇنقى پەسىل،
‹‹شوخلۇق›› دېگەن ئىسىملا ئېسىل.
ياشلىق:
بەتلەنگىنىچە ئېتىلمىغان ئوق،
نىشانىنى سۆيۈشى سوغۇق.
سۆيگۈ:
ھادىسىدەك خاتا بۇ تۇيغۇ،
قىيالاردا چۈشىگەن ئۇيقۇ.
ئادەم:
باغچىدىكى يەككە ئورۇندۇق،
مۇزرېيدىكى چىرىگەن مەخلۇق.
ئۆلۈش:
بىر مەنىسى-بوسۇغا ئاتلاش،
بىر مەنىسى-دۇنيادىن باتناش.
