ھەسەل ھەرىسى ئەيدىز ۋىروسى تارقىلىشىنى تۇسىدىكەن

 ئەنگىليە كۈندىلىك پوچتا گىزىتىنىڭ دوكلاتىدا ، ئامېرىكا تىببى ئالىملىرى ھەسەل ھەرىسىنىڭ زەھەر سۈيۈقلۈقىدىكى خىمىيىۋى تەركىبلەرنىڭ ئەيدىز ۋىروسىنىڭ تارقىلىشنىڭ ئالدىنى ئالالايدىغانلىقىنى بايقىدى ، دىيىلدى . ھەسەل ھەرە زەھەر سۈيۈقلۈقى ئەيدىز ۋىروسىنى ۋەيران قىلىۋىتىدىكەن ھەمدە ئەتىراپىدىكى تۇقۇلما ھۈجەيرىلىرىنى زىيانغا ئۇچراشتىن ساقلايدىكەن . 

ئالىملار بۇ تۈرلۈك بايقاشتىن تولىمۇ روھلانغان ، ھەمدە بۇنى بىرخىل ئەيدىزنى توسۇپ قالالايدىغان گېل ماددىسىنى تەتقىق قىلىپ چىقىشتىكى مۇھىم ھالقا دەپ قارىغان . ھەسەل ھەرىسىنىڭ زەھەر سۈيۈقلۈقىدىكى خىمىيۋى تەركىبنىڭ نامى زەھەر پىپىتىد بۇلۇپ ، قوغدىنىشچان سىرىتقى قەۋەت قۇرۇلمىسىنى تىشىپ ئۆتۈش ئارقىلىق ئەيدىز ۋىروسىنى يۇقىتالايدىكەن .
گەۋدىسى نورمال توقۇلما ھۈجەيرىدىن كىچىك بولغان ئەيدىز ۋىروسى بۇخىل نامى مىكرو ئىلىمىنىتقا يولۇققان چاغدا ، ئۇلار پەسەيتىش رايۇنىدا سىرىلىپ تۇرىدىكەن ، بۇ ۋاقىتتا ھەسەل ھەرە زەھەر پىپىتىدى ئەيدىز ۋىروسىغا قارشى ھۇجۇمنى باشلايدىكەن . ئامېرىكا ۋاشىنگىتون ئۇنۋىرىستىتىنىڭ تىببى ئىنىستىتوتىنىڭ پىروفىسسورى جياۋشىر.خۇد ، زەھەر پىپىتىدى ئەيدىزنىڭ كىڭىيىشىنىڭ ئالدىنى ئېلىشتا ئىشلىتلىدىغان جىنىسي  يول گېل ماددىسى ياساشقا ئىشلىتىلىدۇ . بىز بۇ خىل زەھەر پىپىتىدىنىڭ ئەيدىز يامىرىغان رايۇنلاردا ، كۆپلىگەن كىشىلەرنىڭ ئەيدىزنىڭ ئالدىنى ئېلىشىدا ئۈنۈملۈك رول ئوينىشىنى ئۈمىد قىلىمىز ، دىدى .
كۆپ ساندىكى داۋالاش دورىلىرى بولسا ئەيدىز ۋىروسىنىڭ ئۆسۈش سۈرئىتىنى ئاستىلىتىدىكەن ، ئەمما ھەسەل ھەرىسىنىڭ زەھەر پىپىتىدى بولسا يۇقۇملانغان 1-ۋاقىتتا ئەيدىز ۋىروسىنى يۇقىتالايدىكەن .