تاللانغان رازۋېدكا ھېكايىلىرى (26)

تاپانچا يوقىتىش دېلوسى

چوڭ كوچىدا قوراللىق ئادەم ئۆلتۈرۈش دېلوسى يۈز بەردى. جىنايەتچى ئۈچ پىركازچىك ۋە بىر ساقچىنى ئېتىپ ئۆلتۈرگەندىن كېيىن نەق مەيداندىن قېچىپ كەتتى. 

ساقچى تەرەپ نەق مەيداندىن ساقچىلار ئىشلىتىدىغان تاپانچىدىن ئېتىلغان بىرنەچچە تال ئوق ۋە مىشەك تاپتى. تەكشۈرۈش ئارقىلىق بۇ تاپانچىنىڭ ساقچى ئەمەلدارى ئاخۇانىڭ ئىكەنلىكى ئېنىقلاندى. 

ساقچىلار ئاخۇانى ئىزدىۋىدى، ئۇنى سولاقخانىدىن تاپتى. بۈگۈن ئەتىگەن ئىشقا ماڭىدىغان چاغدا ئۇ قورالىنىڭ يوقلۇقىنى بايقىغان، ئۆينىڭ دېرىزىسى ئېتىكلىك، لېكىن ئىلغۇچى يوق ئىدى. ئاخۇا ساقچى ئىدارىسىگە كېلىپ باشلىقىغا ئەھۋالنى مەلۇم قىلغانىدى، باشقىنى راسا تىللاپ ئۇنى سولاقخانىغا سولاپ قويغانىدى. بۇ جىنايەتچىنىڭ ئاخۇانىڭ تاپانچىسىنى ئوغرىلاپ جىنايەت سادىر قىلغانلىقىنى چۈشەندۈرەتتى. 

رازۋېدكا قىلىش ئارقىلىق مەلۇم بولدىكى تۈنۈگۈن ئىككى ئادەم ئاخۇانىڭ ئۆيىگە بارغان، بىرى ئۇنىڭ دوستى ئاچاڭ، باشقىلارغا قىماردا قەرزدار بولۇپ قالغانلىقى ئۈچۈن قەرز ئىگىلىرىدىن قورقۇپ قېچىپ يۈرەتتى. تۈنۈگۈن ئاخشام ئۇ ئاخۇانىڭ ئۆيىدە سائەت 10 غىچە تۇرۇپ، ئاندىن باشقا بىر ئاغىنىسنىڭكىگە كەتكەن. 

يەنە بىرى ئاخۇانىڭ يېڭىدىن تونۇشقان تازىلىق ئىشچىسى ماگې ئىدى، ئۇ تۈنۈگۈن كەچ كېلىپ ئۇنىڭدىن 100 يۈەن قەرز ئېلىپ، كېچە سائەت 11 دە ماشىنىغا ئولتۇرۇپ باشقا جايغا كەتكەنىدى. 

ساقچىلار ئۇلارنىڭ ئۆيىگە بېرىپ ئاختۇردى. ماگېنىڭ ئۆيىدە بىر مايمۇندىن باشقا ھېچ نەرسە يوق ئىدى، بۇ يەردىن كېتەيلى دەپ تۇرغاندا رازۋىتچىكلار باشلىقى تۇيۇقسىز «قاتىل تېپىلدى» دېدى. 

ئۇنىڭ مۇشۇنداق ئىشەنچلىك گەپ قىلىشىغا سەۋەب بولغان زادى نېمە؟ 

رازۋېدكا ھېكايىلىرى (25) نىڭ جاۋابى:

چۈمۈلىلەر ھەسەلگە ئوخشاش تاتلىق نەرسىلەرنى يېيىشنى ياخشى كۆرىدۇ، داۋېي خوتۇنىنى ھەسەل بوتۇلكىسى بىلەن ئۇرۇپ ئۆلتۈرگەن، جەسەت يۆتكىگەندە ماشىنا ساندۇقىغا ھەسەل چاپلىشىپ قالغان.