ئادەم ھەرقانداق يېمەكلىكنىڭ ئوزۇقلۇق قىممىتىگە دىققەت قىلمىقى زۆرۈر، چۈنكى ئوخشاش بىر مېۋە ياكى كۆكتات بولسىمۇ، لېكىن رەڭگىگە بېقىپ ئوزۇقلۇق قىممىتى ئوخشاش بولمايدۇ. ئۇنىڭ ئۈستىگە يېمەكلىكلەرنىڭ ئوزۇقلۇق قىممىتىنى چۈشەنگەندە، يېمەك - ئىچمەكنى سەرخىللاشتۇرۇش، تەڭپۇڭلاشتۇرۇش مەقسىتىگە يەتكىلى بولىدۇ. بىز ئالمىنىڭ رەڭگى بىلەن ئوزۇقلۇق قىممىتىنىڭ مۇناسىۋىتىگە ئاساسەن، بۇ قارىشىمىزنى دەلىللەيمىز.
يېشىل ئالمىدا خىلوروفىل مول، خىلوروفىل ئوكسىدلىنىشقا قارشى تۇرۇپ، ياللۇغ قايتۇرىدۇ، بولۇپمۇ ئېغىز يارىسىغا شىپا بولىدۇ؛ سېرىق ئالمىدا كاروتىن مول، بۇ ماددا كۆرۈش سىستېمىسىنى قوغداپ، نامازشام قارىغۇسى، كۆز قۇرغاقلىشىش قاتارلىقلارغا داۋا بولىدۇ؛ قىزىل ئالمىدا سىئانىدىن مول، سىئانىدىن راك كېسىلىگە تاقابىل تۇرىدۇ، كېچىدە ئاپتوموبىل ھەيدەيدىغان ۋە كومپيۇتېردا مەشغۇلات قىلىدىغانلارنىڭ كۆرۈش قۇۋۋىتىنى ئاسرايدۇ، يەنە قورۇق چۈشۈشنىڭ ئالدىنى ئالىدۇ، بەدەندىكى توكسىننى ھەيدەيدۇ ھەم ۋىتامىن تولۇقلايدۇ.
