ئۈرۈمچى كەچلىك گېزىتى خەۋىرى:

تۇرمۇشتا بەزى ياشانغانلارنىڭ ئۆزىنى ياش جەھەتتىن كەمسىتىدىغانلىقىنى ئاڭلاپ تۇرىمىز. مەسىلەن، بەزى ياشانغانلار سودا-سارايلاردا چىرايلىق كىيىملىرىنى كۆرسە بۇنى ياشلار كىيسە بولغۇدەك، ماڭا ياراشمىغۇدەك» دەيدۇ؛ يەنە مەسىلەن، ياشانغانلارنى ئۇنىۋېرسىتېتقا كىرىپ ئوقۇڭ دەپ تەكلىپ بەرسىڭىز: «يېشىم بىر يەرگە بېرىپ قالدى، ئىنكاسىم ئاستا، ئەمدى ئۆگىنىپ نېمە قىلارمەن؟» دەيدۇ. 

مېنىڭچە، كىشىلىك ھايات خۇددى قۇياشقا ئوخشايدۇ، قۇياش سەھەردە چىقسىمۇ، ئۇنىڭمۇ پاتىدىغان ۋاقتى بولىدۇ. ياش پەقەت كىشىلىك ھايات «كوردىناتى»دىكى ئورۇننىڭ ئۆزگىرىشى بولۇپ، كىشى يورۇقلۇق، ئىسسىقلىق چىقارسىلا ئوخشاشلا «قۇياش» بولىدۇ.

ياشانغانلارنىڭ ياش جەھەتتىن ئۆزىنى كەمسىتىشى، كۆڭلىدىكى ياش ساراسىمىسىدىن كەلگەن. شۇڭا، بىرەر ئىش قىلماقچى بولغاندا قېرىپ قالدىم دېگەننى ئويلىماسلىقى، ياشنىڭ چوڭىيىشنى سەۋەب قىلماسلىقى كېرەك. بىلىش كېرەككى، ياشنىڭ ئۆزى نەتىجە، 60-70ياش ئۆمۈر كۆرۈش، ھەتتا ئۇنىڭدىنمۇ ئۇزۇن ئۆمۈر كۆرۈش ئىنتايىن ياخشى نەتىجە ھېسابلىنىدۇ.

ياشانغانلار ياش جەھەتتىن ئۆزىنى كەمسىتمەسلىكتە، ئالدى بىلەن ئۆزىنى ئۆزى كەمسىتمەسلىكى، كۆڭلىدە ئۆزىنى ياشلار بىلەن تەڭ ئورۇنغا قويۇشى كېرەك.