تاللانغان رازۋېدكا ھېكايىلىرى(4)

ئۇدۇلدىن كەلگەن ماشىنا

يېقىندا پرومشۇس دوستىنى قارا قويۇپ تاپقان پۇلغا بىر ماشىنا سېتىۋېلىپ كۆرەڭلىگەن ھالدا ئادەمسىز تاغ يولىدا ھەيدەپ كېتىپ باراتتى. تۇيۇقسىز ئالدى تەرەپتىن بىر ئادەم چىقىپ كەلدى، ئۇ ماشىنىنى تورمۇزلاشقا ئۈلگۈرەلمەي، ئۇ ئادەمنى سوقۇپ ئۆلتۈرۈپ قويدى.

پرومشۇس بۇ كېچىدە ھېلىقى ئۆلگۈچى بىلەن ئۆزىدىن باشقا ھېچكىمنىڭ يوقلۇقىنى كۆرۈپ ماشىنىسىنى دەرھال بۇراپ ئارقىغا قاراپ قاچتى، ئۇنىڭ ئۆيى مۇشۇ تاغنىڭ باغرىدىكى دېڭىز بويى داچىسىدا ئىدى.

ماشىنىنى ھەيدەپ ئۆيگە يېقىن جايدىكى بىر دوقمۇشقا كەلگەندە ئالدى تەرەپتىن ناھايىتى تېز سۈرئەتلىك بىر ماشىنا چىقىپ قالدى، ماشىنىنىڭ چىرىغى ناھايىتى يورۇق بولۇپ، پرومشۇس ھەيدېگەن ماشىنىنىڭ سۈرئىتى بىلەن ئوخشاش دېگۈدەك ئىدى. بۇ يول پەقەت ئىككىلا ماشىنا پاتىدىغان تار يول ئىدى، ئۇ ئارىلىق سىزىقتىن ئۆتۈپ كەتمەسلىك ئۈچۈن رولنى سولغا بۇرىدى، قارشى تەرەپتىن كېلىۋاتقان ماشىنىمۇ ئۇنى دوراپ رول بۇرىدى. ماشىنا چىرىغىنىڭ يورۇقى ئۇدۇل چۈشۈپ تۇراتتى، «ئۇنداق قازانغا مۇنداق چۆمۈچ دېگەن شۇ بولدىغۇ،» دەپ ئويلىدى پىرومشۇس. «بايا مەن بىر ئادەمنى سوقۇۋېتىپ قاچقان ئىدىم، ئەمدى بىر ساراڭغا ئۇچراپتمەن، ئۆزۈممۇ تۈگىشىدىغان بولدۇم». ئۇنىڭغا ئۆزىنى چەتكە ئالغۇدەك جاي قالمىغان ئىدى.

ئۇ كۆزىنى يۇمۇپلا رولنى شىددەت بىلەن ئوڭغا بۇرىدى، دەل شۇ پەيتتە ئۆزىنىڭ يول چېتىدىكى ئىھاتە توسۇقىنى بۇزۇپ ھاڭغا چۈشۈپ كېتىۋاتقانلىقىنى ھېس قىلدى، ئۇ دېڭىزغا چۈشۈپ كېتىۋاتقانلىقىنى ھېس قىلدى، ئۇ دېڭىزغا چۈشۈپ كەتتى، ئۇ بىر ئاماللارنى قىلىپ، ماشىنىدىن چىقىۋېلىپ بەختكە يارىشا ئامان قالدى.

قاتناش ساقچىلىرى دېلونى تاپشۇرۇۋالغاندىن كېيىن نەق مەيداننى تەكشۈرۈپ پرومشۇسنىڭ ماشىنىسىدىن باشقا قارشى تەرەپتىن كەلگەن ھېچقانداق ماشىنا ئىزىنىڭ يوقلۇقىنى بايقىدى. پرومشۇس بۇنى ئاڭلىغاندىن كېيىن، كۆڭلىگە بىر ئادەمنى كەلتۈردى، لېكىن جەزملەشتۈرەلمىدى. 

بۇ زادى قانداق ئىش؟