شىنجاڭ قانۇنچىلىق گېزىتى خەۋىرى:

ياۋروپادىكى تەتقىقاتچىلار يېقىندا ياش پەرقىنىڭ نىكاھ تۇرمۇشنىڭ مۇقىملىقىدىكى بىر ئاچقۇچلۇق نۇقتا ئىكەنلىكىنى ئېنىقلىغان. ئەنگلىيىدىكى مەلۇم ئۇنىۋېرسىتېتنىڭ دوكتورى 1534 جۈپ يىگىت-قىزنى تەكشۈرگەندىن كېيىن، نىكاھ تۇرمۇشنى ساقلاپ قالالايدىغانلىرىنىڭ ئاساسەن ئوقۇش تارىخىنىڭ يۇقىرى بولىدىغانلىقى، شۇنىڭدەك ئايالنىڭ ئېرىدىن بەش ياش ياكى ئۇنىڭدىن كىچىك بولىدىغانلىقىنى بايقىغان. ئۇنىڭدىن سىرت، ۋېينا ئۇنۋېرسىتېتنىڭ تەتقىقاتىدا، ئەگەر ئېرى ئايالىدىن 4-5 ياش ئەتراپىدا چوڭ بولسا، بۇلارنىڭ كۆپ پەرزەنتلىك بولىدىغانلىقى، ئەگەر 15ياش چوڭ بولسا، گەرچە كۆپ پەرزەنتلىك بولمىسىمۇ، نىكاھ تۇرمۇشنىڭ ناھايىتى بەختلىك بولىدىغانلىقىنى بايقىغان.

مۇتەخەسسلەر بۇ خىلدىكى نىكاھ تۇرمۇشنىڭ بەختلىك بولۇشىدىكى سەۋەبنى يىغىنچاقلاپ مۇنداق دېگەن: ئاياللارنىڭ بەختلىك ئەر خوتۇن، ساغلام پەرزەنت ئارزۇسى ناھايىتى كۈچلۈك بولۇپ، ئادەتتە ئاياللار ئارزۇ قىلغان يىگىتلەرنىڭ ئاتىسىدەك مەسئۇلىيەتچان، ئاكىسىدەك كۆيۈمچان ۋە دوستىدەك قىزغىن بولۇشنى ئۈمىد قىلىدىكەن، شۇڭلاشقا ئۇلارغا ئۆزىدىن چوڭ ئەرلەر ھەقىقىي بەخت ئېلىپ كېلىدىكەن.