تېڭشۈن تورى خەۋىرى:

داشېن (dazen، 大神) بۈگۈن ئۆز بايرىقى ئاستىدىكى تۇنجى بارماق ئىزىنى پەرقلەندۈرۈش ئىقتىدارىغا ئىگە يانفون ــــ داشېن Note 3 نى ئېلان قىلغان؛ بۇ يانفون مىڭ يۈەن ئىچىدىكى ئىستېمال بازىرىنى نىشانلىغان مەھسۇلات بولۇپ، كۆچمە خەۋەرلىشىش نۇسخىسىنىڭ باھاسى 899 يۈەن، بارلىق تور شەكلىنى قوللايدىغان ھەممىباب نۇسخىسىنىڭ باھاسى 1099 يۈەن ئىكەن. داشېن  Note 3 يانفونى ئەتىدىن باشلاپ تىيەنماۋ داشېن بايراقدار دۇكىنى ۋە چىكۇ تور شەھەرچىسى (奇酷商城) ئارقىلىق زاكاز قوبۇل قىلىشنى باشلايدىكەن، 27-ئىيۇل رەسمىي سېتىلىدىكەن.

بارماق ئىزىنى پەرقلەندۈرۈش ئىقتىدارى بىر-ئىككى يىلدىن بۇيان كۆپلىگەن ئەقلىي ئىقتىدارلىق يانفونلاردىن ئورۇن ئالدى، ئىگەللىنىشىچە، بۇ قېتىم ئېلان قىلىنغان داشېن Note 3 نىڭ بارماق ئىزىنى پەرقلەندۈرۈش تېخنىكىسى شىۋېتسىيەدىكى FPC شىركىتى تەرىپىدىن تەمىنلەنگەن، ئادەتتىكى ئېكران قۇلۇپىنى ئېچىش، يانفوندا ھەق تۆلەش قاتارلىقلاردىن باشقا، داشېن Note 3 دىكى بارماق ئىزىنى تونۇش ئىقتىدارىنى يەنە رەسىم ۋە باشقا شەخسىي ئۇچۇرلارنى مەخپىي ساقلاش رولىغىمۇ ئىگە ئىكەن.

كونكىرىت سەپلىمىسىگە كەلسەك، داشېن Note 3 يانفونىغا 5.5 دىيۇملۇق ئېكران، 64 بىتلىق MT6753 تىپىدىكى بىر تەرەپ قىلغۇچ، 2GB لىق ئىچكى ساقلىغۇچ، 16GB لىق ئاساس ساقلىغۇچ، ئالدى يۈزىگە بەش مىليون، ئارقا يۈزىگە 13 مىليون پىكسىللىق كامېرا سەپلەنگەن، قوش 4G تورى ۋە قوش كارتىنى تەڭ قوللاش ئىقتىدارىغا ئىگە بولۇپ، ئاندىرويىد 5.1 ئاساسىدىكى ئەلالاشتۇرۇلغان 360 OS Mini سىستېمىسى قاچىلانغان، باتارىيە سىغىمى 3000 مىللىئامپىرغا يېتىدىكەن.