تاللانغان رازۋېتكا ھېكايىلىرى(45)
قىيادىن سەكرىگەن كۆزەينەك
ساقچى تەرەپ مەشھۇر سەيلىگاھ شىنخەيزى يېنىدىكى قىيا ئاستىدا بىر ئەرنىڭ جەسىتى بايقالغانلىقى ھەققىدە مەلۇمات تاپشۇرۇپ ئالدى.
رازۋېدچىكلار بوشلۇقى چاۋ بىن بىرنەچچە ماھىر ياردەمچىسىنى ئەگەشتۈرۈپ نەق مەيدانغا يېتىپ كەلدى، جەسەت قىيا ئاستىدىكى تاش ئۈستىدە دۈم ياتاتتى، قىيا ئون نەچچە مېتىر ئېگىزلىكتە بولۇپ، قىيا ئۈستىدە ئۆلگۈچىنىڭ بىر پاي ئايىغى تۇراتتى، جەسەت قانغا بويالغان ھالدا دۈم ياتاتتى، ئۇچىسىدا پەلتو بولۇپ، بىر پۇتى يالاڭئاياغ، كۆزەينىكى بۇرنىنىڭ ئۈستىگە چۈشۈپ قالغانىدى.
خەۋەرنى ئاڭلاپ يېتىپ كەلگەن ئۆلگۈچىنىڭ تۇغقانلىرى ئۆلگۈچى يېقىندا سودىدا مەغلۇب بولغان، لېكىن قەيسەر ئىدى، ئۇنىڭ ئۈستىگە مۇنداق مەغلۇبىيەت بىرىنچى قېتىم ئەمەس ئىدى، بۇ ئادەمنىڭ خاراكتېرىدىن ھەرگىز مۇنداق يولنى تاللىمايدۇ، دېيىشتى.
ياردەمچىلەر يەر شارائىتى، نەق مەيداننى تەكشۈرگەندىن كېيىن بىردەك ئۆلىۋالغان، دەپ يەكۈن چىقاردى.
چاۋ بىن ئۇنداق قارىمايتتى، لېكىن ئۇمۇ دەماللىققا ئىشەنچىلىك ئىسپات تاپالمىدى، شۇنىڭ بىلەن ئۇ جەسەت ۋە ئۇنىڭ ئەتراپىدىكى مۇھىتنى تەپسىلىي كۆزەتكەندىن كېيىن تۇيۇقسىز: «توختاڭلار! ئۇنىڭغا چېقىلماڭلار- بۇ قەستلەپ ئۆلتۈرۈش دېلوسى، جەسەتنى باشقىلار مۇشۇ يەرگە ئەكېلىپ ئاندىن ئۆزىنى تاشلىۋالغان ساختا مەيداننى ياساپ قويغان» دېدى.
ياردەمچىلىرى ۋە ئەتراپتىكىلەر نېمە ئىش بولغانلىقىنى ئاڭقىرالماي غۇلغۇلا قىلىشماقتا ئىدى.
رازۋېدچىكلار باشلىقى زادى نېمىنى بايقىغاندۇ؟ ئۇ زادى نېمىگە ئاساسەن مۇشۇنداق كەسكىن ھۆكۈم قىلىدىغاندۇ؟
رازۋېدكا ھېكايىلىرى (44) نىڭ جاۋابى:
رازۋېدچىك ھېنرىنىڭ قوڭغۇراقلىق سائىتى فوسفورلۇق ئىدى، ساۋ شيۇڭفېي ئۈستەل چىرىقىنى ياندۇرغاندا سائەت نۇرنىڭ تەسىرىنى قوبۇل قىلۋالغان بولۇپ، ھېنرى قايتىپ كەلگەندە سائەت پارقىراپ نۇر چىقىرىپ تۇراتتى، شۇنىڭ بىلەن ھېنىرى ئۆيگە ئادەم كىرگەنلىكىنى بىلىۋالغان.
