يېقىنقى ئىككى كۈندىن بېرى شىياۋمى 5 يانفونىغا ئالاقىدار ئۇچۇرلار توختىماستىن چىقىپ تۇرغان بولۇپ، بۇ يانفونغا ئالاقىدار ئۇچۇرلاردا يانفون ئېكرانىنىڭ چوڭ-كىچىكلىكى توغرىسىدىكى ئۇچۇر ئاساسەن ئوخشاپ كەتكەندىن باشقا، يانفوننىڭ ئىقتىدار سەپلەنمىسى جەھەتتىكى ئۇچۇرلاردا زور پەرق بار ئىدى، بۈگۈن بۇ يانفون توغرىسىدا يەنە يېڭى ئۇچۇر تارقالدى.

  مىكروبىلوگ ئابونتلىرى تېخى بۈگۈنلا ئۇچۇر ئاشكارىلاپ، شىياۋمى 5 يانفونىنىڭ ۋەكالەت نومۇرىنىڭ Virgo دەپ ئاتىلىدىغانلىقىنى، بۇ يانفونغا 5.3 دىيۇملۇق چوڭلۇقتىكى 2K لىق ئېكران سەپلىنىدىغانلىقىنى، ئۇنىڭغا يەنە سىنەپدىراگون كىۋالكۇم 820 تىپلىق بىر تەرەپ قىلغۇچ، 4GB لىق ئىچكى سىغىم ساقلىغۇچ شۇنداقلا 16/64GB لىقتىن ئىبارەت ئىككى خىل قاتتىق دېسكا سەپلىنىدىغانلىقىنى ئېيتقانىدى، بۈگۈن ئاشكارىلانغان ئۇچۇرلارغا قارىغاندا، شىياۋمى 5 يانفونىغا يەنە ئالتە مىليون پېكسىللىق ئالدى كامىرا ۋە 16 مىليون پېكسىللىق ئارقا كامىرا سەپلىنىدىغان بولۇپ، بۇ يانفونغا يەنە 3030mAh لىق باتارىيە سەپلىنىدىكەن، بۇ يانفون يەنە بارماق ئىزى ئارقىلىق پەرقلەندۈرۈش ئىقتىدارىغا ئىگە قىلىنىدىغان بولۇپ، بۇ يىل 11-ئايدا ئېلان قىلىنىدىكەن.

شىياۋمى 5 يانفونىنىڭ ئوغرىلىقچە تارتىلغان رەسىملىرى