تۇرنىلار
تۇرنىلار
بۇ سىن فىلىمىدىكى ناخشا ۋە مۇزىكا سېلىماخۇن زەيىنالوۋ ۋە مەخمۇد ئابدراخمانوۋ ئىجىراسىدا.
ئۇيغۇرنىڭ يۇلتۇزلىرى يەنە ئۆچتى! ئۇيغۇرنىڭ ئاتاقلىق كومپوزىتورى، مائارىپچى ۋە مۇزىكانتلىرىدىن سېلىماخۇن زەينالوف ئەپەندى 2011- يىلى 28-مارت كۈنى ئالمۇتادا 75 يېشىدا، مەخمۇد ئابدراخمانوۋ 20- ئاپرىل 2013 يىلى ئالمۇتىدا ۋاپات بولدى. جانابىي ئاللاھ بۇ سويۇملۇك كىشىللىرىمىزنىڭ ئاخىرەتلىكىنى خەيرلىك قىلغاي ئامىن!
تۆۋەندە مەرھۇم ئاكىمىز سېلىماخۇن زەينالوف ئەپەندىنىڭ 2003- يىلى مەن ئالمۇتا غا بارغاندا ئالمۇتا دۆلەتلىك ئۇنىۋېرسىتېتىنىڭ دوكتورى ئابدۇراخمان ئاكىمىزنىڭ ئۆيىدە بولغان بىر مېھماندارچىلىقتا ئابدۇراخمان مەخمۇت ئاكىمىز بىلەن بىللە ئورۇندىغان ۋەتەن ئەلەملىرى تېما قىلىنغان ناخشىلاردىن “ئۇيغۇرۇم”، “تۇرنىلار” قاتارلىق ناخشىلارنى فىلىمگە ئالغان ئىدىم.
بۇ ناخشىلار ۋەتەندە ئېيتىش چەكلەنگەن ناخشىلاردۇر. تۆۋەندە بۇ فىلىملارنى كەڭ تورداشلار بىلەن تەڭ كۆرۈشنى ۋە بۇ ئارقىلىق مەرھۇم سېلىماخۇن زەينالوف ئەپەندىنىڭ پۈتۈن ھاياتىدا قازاقىستاندىكى ئۇيغۇرلارنىڭ مائارىپ، ئەدەبىيات ۋە سەنئەت ساھەلىرىگە قوشقان تۆھپىلىرى ئارقىلىق ياد ئېتىشنى ئارزۇ قىلدىم.
مەن مەرھۇم سېلىماخۇن زەينالوف ئەپەندى بىلەن 2003- يىلى بىر قانچە قېتىم كۆرۈشكەن ۋە مېھماندارچىلىقلاردا بولغان. بۇ ئۇچۇرۇشۇشلارغا مۇناسىۋەتلىك سۈرەتلەرنى كەڭ تورداشلار بىلەن پات يېقىندا ئورتاقلىشىشقا تىرىشىمەن. تۆۋەندە بېرىلگەن لوندون ئۇيغۇر ئانسامبىلىنىڭ توربېكىتىدىن مەرھۇم سېلىماخۇن زەينالوف ۋە ئابدۇراخمان مەخمۇت ئاكىلىرىمىز ئىجراسىدىكى “ئۇيغۇرۇم”، “تۇرنىلار” ۋە باشقا قازاقىستاندا 2003- يىلى فىلىمگە ئېلىنغان ناخشىلارنى (ۋىدىولار) لوندون ئۇيغۇر ئانسامبىلىنىڭ توربېكىتىدىن كۆرەلەيسىز.
تۇرنىلار
سەپلەر تۈزۈپ ئېگىز كۆكتە ئاسماندا،
ئۇچۇپ كەلدى ئانا يۇرتتىن تۇرنىلار
قاراپ قالدىم، قاراپ قالدىم ئاسمانغا
ئاۋازىنى ئەجەب مۇڭلۇق ئاڭلىماي…
قايرىلدىڭلار ئېتىراپقا، قات -قات قاقىسەن
قانىتىڭدا ھەسرەت ئېلىپ كەلدىڭمۇ؟
مۇڭلۇق سايراپ نەلەرگىدۇ ئاقىسەن
ئاۋازىڭدا بوزەك ئەلنىڭ دەردىنى…
مۇڭلۇق سايراپ نەلەرگىدۇ ئاقىسەن
ئاۋازىڭدا بوزەك ئەلنىڭ دەردىنى…
تونۇمىدىڭ، مەنمۇ قالدىم تەلمۈرۈپ،
كۆرگەنمۇ دەپ غۇلجا قەشقەر خوتەننى.
يۈرىكىمدە ئازاب قالدى كۆيدۈرۈپ،
كۆرەلمىدىم، كۆرەرمەنمۇ شۇ ئەلنى!
ھەي كۆرەلمىدىم، كۆرەرمەنمۇ شۇ ئەلنى!
Crane bird - This video recorded during our field work in Ammaty summer 2003 in Makhmud Abdrakhmanov’s house. Music by Sélimaxun Zeinalov, lyrics by Makhmud Abdrakhmanov. performed by Sélimaxun Zeinalov and Makhmud Abdrakhmanov.
Musician and academic Sélimaxun Zeinalov deceased on 28 March 2011. Musician, poet and academic Makhmud Abdrakhmanov deceased on 20th Februar 2013. This video record is specially dedicated for these these respectiful musician’s memory. R.I.P!
http://
http://
http://
http://
يازما ھوقۇقى: لوندون ئۇيغۇر ئانسامبىلى توربېكىتى
يازما ئادىرىسى: تۇرنىلار
