ﻟﻮﻧﺪﯗﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﻰ ﺋﯘﻳﻐﯘﺭ ﺳﻪﻧﺌﯩﺘﻰ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﻰ ﺗﻮﻧﯘﺗﻤﺎﻗﺘﺎ (2010.10.20)
ﻟﻮﻧﺪﯗﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﻰ ﺋﯘﻳﻐﯘﺭ ﺳﻪﻧﺌﯩﺘﻰ ئارقىلىق ﺋﯘﻳﻐﯘﺭﻻﺭﻧﻰ ﺗﻮﻧﯘﺗﻤﺎﻗﺘﺎ
ﺋﯚﺯ ﺋﺎﻧﺎ ﯞﻩﺗﯩﻨﯩﺪﯨﻦ ﺋﺎﻳﺮﯨﻠﯩﭗ، ﺳﻪﺭﺳﺎﻥ ﺑﻮﻟﯘﭖ ﻳﺎﺕ ﺋﻪﻟﻠﻪﺭﺩﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭ ﺋﯜﭼﯜﻥ ﺋﯘﻳﻐﯘﺭ ﺳﻪﻧﺌﯩﺘﯩﻨﯩﯔ ﺋﯩﭙﺎﺩﯨﻠﻪﻳﺪﯨﻐﺎﻥ ﻣﻪﻧﺎﺳﯩﻨﯩﯔ ﺋﯩﻨﺘﺎﻳﯩﻦ ﻛﯚﭖ ﯞﻩ ﭼﻮﯕﻘﯘﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺳﯩﻴﺎﺳﯩﻲ ﯞﻩ ﺋﯩﺠﺘﯩﻤﺎﺋﻰ ﻗﯩﻤﻤﯩﺘﯩﻨﯩﯔ ﺗﯧﺨﯩﻤﯘ ﻳﯜﻛﺴﻪﻛﻠﯩﻜﻜﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺗﻮﻟﯘﻕ ﺗﻮﻧﯘﭖ ﻳﻪﺗﻜﻪﻥ، ﺋﻪﻧﮕﯩﻠﯩﻴﯩﺪﯨﻜﻰ ﺋﯘﻳﻐﯘﺭ ﺟﺎﻣﺎﺋﯩﺘﻰ ﺋﯚﺯﻯ ﻳﺎﺷﺎﯞﺍﺗﻘﺎﻥ ﺩﯙﻟﻪﺗﻨﯩﯔ ﺋﻪﻣﻪﻟﯩﻲ ﺋﻪﻫﯟﺍﻟﯩﻐﺎ ﻣﯘﻧﺎﺳﯩﭗ ﻫﺎﻟﺪﺍ، ﺋﯚﺯﻟﯩﺮﯨﺪﻩ ﺑﺎﺭ ﺑﻮﻟﻐﺎﻥ ﺋﯩﻤﻜﺎﻧﯩﻴﻪﺗﻠﻪﺭﺩﯨﻦ، ﺗﺎﻻﻧﺖ ﺋﯩﮕﯩﻠﯩﺮﯨﺪﯨﻦ ﺗﻮﻟﯘﻕ ﭘﺎﻳﺪﯨﻠﯩﻨﯩﭗ، ”ﻟﻮﻧﺪﻭﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﻰ“ ﻧﻰ ﻗﯘﺭﯗﭖ ﭼﯩﻘﯩﭗ، ﺋﯘﻳﻐﯘﺭﻻﺭﻧﯩﯔ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ، ﺑﯜﮔﯜﻧﻜﻰ ﺳﯩﻴﺎﺳﯩﻲ ﺋﻪﻫﯟﺍﻟﯩﻨﻰ ﯞﻩ ﻣﻮﻝ ﻣﻪﺩﻩﻧﯩﻴﯩﺘﯩﻨﻰ ﺑﺮﯨﺘﺎﻧﯩﻴﻪ ﺟﻪﻣﺌﯩﻴﯩﺘﯩﮕﻪ ﺗﻮﻧﯘﺷﺘﯘﺭﯗﺵ ﻳﻮﻟﯩﺪﺍ ﺋﯩﺰﭼﯩﻞ ﺗﯜﺭﺩﻩ ﺋﯩﺰﺩﻩﻧﻤﻪﻛﺘﻪ ﯞﻩ ﺗﯩﺮﯨﺸﻤﺎﻗﺘﺎ.
ﻣﻪﺯﻛﯜﺭ ﺋﺎﻧﺴﺎﻣﺒﯩﻞ 2004 - ﻳﯩﻠﻰ ﺋﯘﻳﻐﯘﺭ ﻧﺎﺧﺸﺎ – ﻣﯘﺯﯨﻜﯩﺴﯩﻐﺎ ﺋﯩﺸﺘﯩﻴﺎﻕ ﺑﺎﻏﻠﯩﻐﺎﻥ ﺑﯩﺮ ﻗﺎﻧﭽﻪ ﻛﯩﺸﯩﺪﯨﻦ ﺗﻪﺷﻜﯩﻠﻠﯩﻨﯩﭗ ﺭﻩﺳﻤﯩﻲ ﻳﻮﺳﯘﻧﺪﺍ ﻗﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﺋﯘﻳﻐﯘﺭﻻﺭﻧﯩﯔ ﺋﻪﻧﺌﻪﻧﯩﯟﻯ ﯞﻩ ﺋﺎﻣﻤﯩﺒﺎﭖ ﻧﺎﺧﺸﺎ، ﻣﯘﺯﯨﻜﯩﻠﯩﺮﯨﻨﻰ ﺋﻮﺭﯗﻧﻼﭖ، ﺋﯘﻳﻐﯘﺭ ﺳﻪﻧﺌﯩﺘﯩﻨﻰ ﺩﯗﻧﻴﺎ ﺧﻪﻟﻘﻠﯩﺮﯨﮕﻪ ﺟﯘﻣﻠﯩﺪﯨﻦ ﺋﻪﻧﮕﯩﻠﯩﻴﻪ ﺧﻪﻟﯩﻘﯩﮕﻪ ﺗﻮﻧﯘﺷﺘﯘﺭﯗﺷﻨﻰ ﺋﺎﺳﺎﺳﻰ ﻣﻪﻗﺴﻪﺕ ﻗﯩﻠﻐﺎﻥ ﺳﻪﻧﺌﻪﺕ ﻧﻮﻣﯘﺭﻟﯩﺮﻯ ﺑﯩﻠﻪﻥ ﺋﻪﻧﮕﯩﻠﯩﻴﯩﺪﯨﻜﻰ ﺗﯜﺭﻟﯜﻙ ﻛﻪﺳﭙﯩﻲ، ﺋﯩﻠﻤﯩﻲ ﯞﻩ ﺋﺎﻣﻤﯩﯟﻯ ﺋﻮﺭﯗﻧﻼﺭﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﯩﭗ ﻛﻪﻟﻤﻪﻛﺘﻪ.
- لوندون ئۇيغۇر ئانسامبىلى 2010- يىلى 7- ئاينىڭ 9- كۇنىدىن 13- كۇنىگىچە نورۋىگىيەنىڭ فوردېى شەھرىدە ئۇيغۇر سەنئىتىدىن كونسېرت بەردى.
London Uyghur Ensemble: ”FØrde Folk Festival“, FØrde, Norway 09/7/2010
ﺋﺎﻧﺴﺎﻣﺒﯩﻠﻨﯩﯔ ﻫﺎﺯﯨﺮﻗﻰ ﻧﺎﺧﺸﯩﭽﻰ، ﻣﯘﺯﯨﻜﺎﻧﺖ ﯞﻩ ﺋﯘﺳﯘﻟﭽﯩﻠﯩﺮﻯ ﺋﯘﻳﻐﯘﺭ ﺩﯨﻴﺎﺭﯨﺪﯨﻦ، ﻗﯩﺮﻏﯩﺰﯨﺴﺘﺎﻧﺪﯨﻦ ﺷﯘﻧﯩﯖﺪﻩﻙ ﺋﯘﻳﻐﯘﺭ ﻣﯘﺯﯨﻜﺎ ﺗﻪﺗﻘﯩﻘﺎﺗﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯧﻨﮕﯩﻠﯩﺰ ﻣﯘﺯﯨﻜﺎ ﺗﻪﺗﻘﯩﻘﺎﺗﭽﯩﺴﻰ ﻫﻪﻣﺪﻩ ﺋﯘﻳﻐﯘﺭ ﺳﻪﻧﺌﯩﺘﯩﮕﻪ ﺋﯩﺸﺘﯩﻴﺎﻕ ﺑﺎﻏﻠﯩﻐﺎﻥ ﺋﯧﻨﮕﯩﻠﯩﺰ ﻣﯘﺯﯨﻜﺎ ﻫﻪﯞﻩﺳﻜﺎﺭﻟﯩﺮﯨﺪﯨﻦ ﺗﻪﺷﻜﯩﻞ ﺗﺎﭘﻘﺎﻥ ﺑﻮﻟﯘﭖ، ﺋﺎﻧﺴﺎﻣﺒﯩﻞ ﺋﯘﻳﻐﯘﺭ ﺋﯩﺠﺎﺩﯨﻲ ﯞﻩ ﺧﻪﻟﻖ ﺋﺎﻫﺎﯕﻠﯩﺮﯨﺪﯨﻦ ﺋﯩﻠﻰ ﺧﻪﻟﻖ ﻧﺎﺧﺸﺎ – ﻣﯘﺯﯨﻜﯩﻠﯩﺮﻯ، ﻛﯩﻼﺳﺴﯩﻚ ”ﺋﯘﻳﻐﯘﺭ 12 ﻣﯘﻗﺎﻣﻰ“ ﻧﻰ ﺋﻮﺭﯗﻧﻼﻳﺪﯗ.
ﺋﺎﻧﺴﺎﻣﺒﯩﻞ ﺋﻪﺯﺍﻟﯩﺮﯨﻨﯩﯔ ﻛﯚﭘﯩﻨﭽﯩﺴﻰ، ﺋﯘﻳﻐﯘﺭ ﺩﯨﻴﺎﺭﯨﺪﯨﻦ ﺋﻪﻧﮕﯩﻠﯩﻴﯩﮕﻪ ﻣﯘﺳﺎﭘﯩﺮﻟﯩﻖ ﺳﺎﻻﻫﯩﻴﯩﺘﻰ ﺑﯩﻠﻪﻥ ﻛﻪﻟﮕﻪﻧﻠﯩﻜﻰ ﺋﯜﭼﯜﻥ، ﺗﯘﻧﺠﻰ ﻗﯧﺘﯩﻤﻠﯩﻖ ﻧﺎﺧﺸﺎ - ﻣﯘﺯﯨﻜﺎ ﺳﻪﻧﺌﯩﺘﯩﻨﻰ ”ﻟﻮﻧﺪﻭﻥ 2005 - ﻳﯩﻠﻠﯩﻖ ﻣﯘﺳﺎﭘﯩﺮﻻﺭ ﺑﺎﻳﺮﯨﻤﻰ“ ﺩﺍ ﺳﻪﻫﻨﯩﮕﻪ ﺋﯧﻠﯩﭗ ﭼﯩﻘﻘﺎﻥ.
ﻟﻮﻧﺪﻭﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﯩﻨﯩﯔ ﺋﺎﺳﺎﺳﻠﯩﻖ ﻗﯘﺭﻏﯘﭼﯩﺴﻰ ﺋﻪﺯﯨﺰ ﺋﻪﻳﺴﺎ ﺋﻪﭘﻪﻧﺪﻯ، ﻟﻮﻧﺪﻭﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﯩﻨﯩﯔ ﻗﯘﺭﯗﻟﯘﺵ ﻣﻪﻗﺴﯩﺘﻰ ﯞﻩ ﺋﺎﻧﺴﺎﻣﺒﯩﻠﻨﯩﯔ ﻧﯚﯞﻩﺗﺘﻪ ﺋﻪﻧﮕﯩﻠﯩﻴﯩﺪﯨﻜﻰ ﻫﻪﺭﻗﺎﻳﺴﻰ ﺳﺎﻫﻪﻟﻪﺭﻧﯩﯔ ﻗﯩﺰﻏﯩﻦ ﻗﻮﻟﻼﭖ - ﻗﯘﯞﻩﺗﻠﯩﺸﯩﮕﻪ ﺳﺎﺯﺍﯞﻩﺭ ﺑﻮﻟﯘﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.
ﻟﻮﻧﺪﻭﻧﺪﺍ ﻣﯘﺯﯨﻜﺎ ﺗﻪﺗﻘﯩﻘﺎﺗﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺩﻭﻛﺘﻮﺭ ﺭﯨﭽﺎﻝ ﺧﺎﺭﺭﯨﺲ ﺧﺎﻧﯩﻢ، ﺋﺎﻧﺴﺎﻣﺒﯩﻠﻨﯩﯔ ﻣﯘﺯﯨﻜﺎ ﻳﯧﺘﻪﻛﭽﯩﺴﻰ ﯞﻩﺯﯨﭙﯩﺴﯩﻨﻰ ﺋﯚﺗﻪﺵ ﺑﯩﻠﻪﻥ ﺑﯩﺮﮔﻪ، ﺋﺎﻧﺴﺎﻣﺒﯩﻠﻨﯩﯔ ﺩﯗﺗﺘﺎﺭ ﻣﺎﻫﯩﺮﻯ ﺑﻮﻟﯘﭖ، ﺯﯨﻴﺎﺭﯨﯩﺘﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺭﯨﭽﺎﻝ ﺧﺎﻧﯩﻢ، ﺳﯚﺯﯨﻨﻰ ﺋﯘﻳﻐﯘﺭﭼﻪ ﺳﺎﻻﻡ ﺑﯩﻠﻪﻥ ﺑﺎﺷﻠﯩﺪﻯ.
ﺭﯨﭽﺎﻝ ﺧﺎﻧﯩﻢ، ﺳﻮﺯﯨﺪﻩ ﻳﻪﻧﻪ، 5 ﻳﯩﻠﺪﯨﻦ ﺑﯘﻳﺎﻥ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﺎﻧﺴﺎﻣﺒﯩﻠﻨﯩﯔ ﻛﯚﭖ ﻗﯧﺘﯩﻢ ﺋﻪﻧﮕﯩﻠﯩﻴﻪ، ﻧﻮﺭﯞﯨﮕﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﻩ ﺋﯚﺗﻜﯜﺯﯛﻟﮕﻪﻥ ﺳﻪﻧﺌﻪﺕ ﻓﯧﺴﺘﯩﯟﺍﻟﻠﯩﺮﯨﻐﺎ ﻗﺎﺗﻨﯩﺸﯩﭗ، ﺋﯩﺠﺎﺑﯩﻲ ﺑﺎﻫﺎﻻﺭﻏﺎ ﺋﯧﺮﯨﺸﻜﻪﻧﻠﯩﻜﯩﻨﻰ ﺑﯩﻠﺪﯛﺭﯛﺵ ﺑﯩﻠﻪ ﺑﯩﺮﮔﻪ، ﺋﯘﻳﻐﯘﺭ ﺳﻪﻧﺌﯩﺘﯩﻨﻰ ﻏﻪﺭﺏ ﺋﻪﻟﻠﯩﺮﯨﺪﻩ ﻧﺎﻣﺎﻳﻪﻥ ﻗﯩﻠﯩﺸﻨﯩﯔ ﻧﯚﯞﻩﺗﺘﻪ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ، ﺋﯘﻳﻐﯘﺭ ﺳﻪﻧﺌﯩﺘﻰ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﯩﯔ ﺋﯚﺯ ﺋﺎﻧﺎ ﯞﻩﺗﯩﻨﯩﺪﻩ ﭼﯧﻜﯩﯟﺍﺗﻘﺎﻥ ﺋﺎﺯﺍﺏ - ﺋﻮﻗﯘﺑﻪﺗﻠﯩﺮﯨﻨﻰ، ﺩﯗﭺ ﻛﯧﻠﯩﯟﺍﺗﻘﺎﻥ ﻫﺎﺯﯨﺮﻗﻰ ﺳﯩﻴﺎﺳﯩﻲ ﺑﯧﺴﯩﻤﯩﻨﻰ ﯞﻩ ﺑﯘ ﻣﯩﻠﻠﻪﺗﻨﯩﯔ ﺋﻪﺯﻩﻟﺪﯨﻦ ﻣﻪﺩﻩﻧﯩﻴﻪﺗﻠﯩﻚ، ﺗﯩﻨﭽﻠﯩﻘﻨﻰ ﺳﯚﻳﯩﺪﯨﻐﺎﻥ، ﻫﯚﺭﻟﯜﻛﻜﻪ ﯞﻩ ﺋﻪﺭﻛﯩﻨﻠﯩﻜﻜﻪ ﻣﯘﻧﺎﺳﯩﭗ ﺑﯩﺮ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻨﻰ ﺩﯗﻧﻴﺎ ﺧﻪﻟﻘﯩﮕﻪ ﺋﺎﯕﻠﯩﺘﯩﺶ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.
ﻟﻮﻧﺪﻭﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﯩﻨﯩﯔ ﺋﯘﻳﻐﯘﺭﻻﺭﻧﻰ ﺗﻮﻧﯘﯞﺍﺗﻘﺎﻥ ﭘﺎﺋﺎﻟﯩﻴﻪﺗﻠﯩﺮﯨﺪﯨﻦ ﺗﻪﺳﯩﺮﻟﻪﻧﮕﻪﻥ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﺑﺎﻫﺎﺳﯩﺪﯨﻦ ﺳﯚﻳﯜﻧﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﻪﺯﯨﺰ ﺋﻪﻳﺴﺎ ﺋﻪﭘﻪﻧﺪﻯ، ﻛﺎﻧﺎﺩﺍﺩﯨﻦ ﺋﻪﯞﻩﺗﯩﻠﮕﻪﻥ ﺑﯩﺮ ﻣﻪﻛﺘﯜﭘﺘﯩﻜﻰ ﻣﻪﺯﻣﯘﻧﻼﺭﻧﻰ ﺋﺎﯕﻼﺗﺘﻰ.
ﻧﻮﺭﯞﯨﮕﯩﻴﻪ ﯞﻩ ﺋﯩﺮﻻﻧﺪﯨﻴﯩﺪﻩ ﺋﯚﺗﻜﯜﺯﯛﻟﮕﻪﻥ ﺳﻪﻧﺌﻪﺕ ﻓﯧﺴﺘﯩﯟﺍﻟﻠﯩﺮﯨﻐﺎ ﻗﺎﺗﻨﺎﺷﻘﺎﻥ ﻟﻮﻧﺪﯗﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﻰ، ﺋﻪﻧﮕﻠﯩﻴﯩﻨﯩﯔ ﻛﯚﭘﻠﯩﮕﻪﻥ ﺷﻪﻫﻪﺭﻟﯩﺮﯨﺪﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺋﯘﻳﯘﺷﺘﯘﺭﻏﺎﻥ ﭘﺎﺋﺎﻟﯩﻴﻪﺗﻠﻪﺭﺩﻩ ﻧﻮﻣﯘﺭ ﻛﯚﺭﺳﻪﺗﻜﻪﻧﺪﯨﻦ ﺳﯩﺮﺕ، ﻧﯘﻗﺘﯩﻠﯩﻖ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺳﺎﻫﻪﻟﯩﺮﯨﺪﻩ 30 ﻣﻪﻳﺪﺍﻧﺪﯨﻦ ﻛﯚﭖ ﻧﻮﻣﯘﺭ ﻛﯚﺭﺳﻪﺗﻜﻪﻥ ﺑﻮﻟﯘﭖ، ﺋﯘﻻﺭ ﻳﻪﻧﻪ، 21 - ﺋﯚﻛﺘﻪﺑﯩﺮ ﻛﯜﻧﻰ ﺋﻪﻧﮕﯩﻠﯩﻴﯩﻨﯩﯔ New Castle ﺷﻪﻫﯩﺮﯨﺪﻩ ﺑﯩﺮ ﻗﺎﻧﭽﻪ ﻣﻪﻳﺪﺍﻥ ﺳﻪﻧﺌﻪﺕ ﻧﻮﻣﯘﺭﻯ ﻛﯚﺭﺳﯩﺘﯩﺪﯨﻜﻪﻥ.
ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.
خەۋەر مەنبەسى:
http://www.rfa.org/uyghur/xewerler/tepsili_xewer/london-ansambili-uyghurlar-10202010203550.html
يازما ھوقۇقى: لوندون ئۇيغۇر ئانسامبىلى توربېكىتى
يازما ئادىرىسى: ﻟﻮﻧﺪﯗﻥ ﺋﯘﻳﻐﯘﺭ ﺋﺎﻧﺴﺎﻣﺒﯩﻠﻰ ﺋﯘﻳﻐﯘﺭ ﺳﻪﻧﺌﯩﺘﻰ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﻰ ﺗﻮﻧﯘﺗﻤﺎﻗﺘﺎ (2010.10.20)
