يېزا ئىگىلىك سۇغۇرتىسى مەخسۇس يېزا ئىگىلىكى بىلەن شۇغۇللىنىدىغانلارنىڭ تېرىقچىلىق ۋە باقمىچىلىق ئىشلەپچىقىرىشى جەريانىدا تەبىئىي ئاپەت ۋە تاسادىپىي ۋەقەلەر كەلتۈرۈپ چىقارغان ئىقتىسادىي زىياننى كاپالەتكە ئىگە قىلىدىغان بىر خىل سۇغۇرتا.

   يېزا ئىگىلىك سۇغۇرتىسى يېزا ئىگىلىك ئىشلەپچىقىرىشىنىڭ ئوخشىمىغان تۈرلىرىگە قاراپ، تېرىقچىلىق سۇغۇرتىسى، باقمىچىلىق سۇغۇرتىسى ۋە ئورمانچىلىق سۇغۇرتىسى قاتارلىقلارغا بۆلۈنىدۇ؛ خەتەرلىكلىك نۇقتىسىدىن تەبىئىي ئاپەت زىيان سۇغۇرتىسى، كېسەللىك سەۋەبىدىن ئۆلۈپ كەتكەنلەرگە بېرىلىدىغان تۆلەم سۇغۇرتىسى، كۈتۈلمىگەن ھادىسىلەردىن زىيان تارتىش سۇغۇرتىسى قاتارلىقلارغا بۆلۈنىدۇ؛ سۇغۇرتا مەسئۇلىيەت دائىرىسىنىڭ ئوخشىماسلىقىغا قاراپ، ئاساسىي مەسئۇلىيەت سۇغۇرتىسى، ئۇنىۋېرسال مەسئۇلىيەت سۇغۇرتىسى ۋە بارلىق مەسئۇلىيەت سۇغۇرتىسى قاتارلىقلارغا بۆلۈنىدۇ.

   ئېلىمىزدە يولغا قويۇلغان يېزا ئىگىلىك سۇغۇرتىسىنىڭ ئاساسلىق سۇغۇرتا تۈرلىرى: دېھقانچىلىق مەھسۇلاتلىرى سۇغۇرتىسى، چارۋا مال سۇغۇرتىسى، ئىنەك سۇغۇرتىسى، ئۆكۈز سۇغۇرتىسى، ئۆچكە سۇغۇرتىسى، بېلىق، بۇغا، ئۆردەك، توخۇ بېقىش سۇغۇرتىسى ئۆي قۇشلىرى ئۇنىۋېرسال سۇغۇرتىسى، شال، كۆكتات سۇغۇرتىسى، خامان ۋە ئورمان ئوت ئاپىتى سۇغۇرتىسى، قوغۇن – تاۋۇزنىڭ مۆلدۈر ئاپىتىگە ئۇچراش، نەشپۈتتىن ھوسۇل ئېلىش، بۇغداي ئۈششۈك ئاپىتى، كېۋەز تېرىقچىلىقى، كېۋەز مايسىسىنىڭ مۆلدۈر ئاپىتىگە ئۇچراش سۇغۇرتىسى ... قاتارلىقلاردىن ئىبارەت.