ﻣﯘﮬﯩﺖ ﺋﯩﺠﺘﯩﻤﺎﺋﯩﻲ ﻣﯘﮬﯩﺖ ﯞﻩ ﺗﻪﺑﯩﺌﯩﻲﻣﯘﮬﯩﺘﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺗﻪﺑﯩﺌﯩﻲ ﻣﯘﮬﯩﺖ  ﻗﯘﻳﺎﺵ ﻧﯘﺭﻯ، ﮬﺎﯞﺍ، ﺳﯘ، ﺗﯘﭘﺮﺍﻕ، ﺗﺎﺵ ﻗﺎﺗﺎﺭﻟﯩﻘﻼﺭﺩﯨﻦ، ﺷﻪﮬﻪﺭ ﯞﻩ ﻳﯧﺰﯨﻼﺭﺩﯨﻜﻰﺋﯚﻱ- ﺯﯦﻤﯩﻦ ﻗﺎﺗﺎﺭﻟﯩﻘﻼﺭﺩﯨﻦ ﺗﻪﺭﻛﯩﺐ ﺗﺎﭘﯩﺪﯗ. ﻣﯘﮬﯩﺖ ﺋﯩﻨﺴﺎﻧﻼﺭﻧﯩﯔ ﺗﯩﺮﯨﻜﭽﯩﻠﯩﻚ ﻗﯩﻠﯩﺸﯩﺪﯨﻼﺋﻪﻣﻪﺱ، ﻳﻪﻧﻪ ﺋﯩﻨﺴﺎﻧﻼﺭﻧﯩﯔ ﺳﺎﭘﺎﻟﯩﻖ ﺑﻮﻟﯘﺷﻰ، ﺳﺎﻏﻼﻡ ﺋﯚﺳﯜﭖ ﻳﯧﺘﯩﻠﯩﺸﻰ ﺟﻪﮬﻪﺗﻠﻪﺭﺩﯨﻤﯘ ﻣﯘﮬﯩﻢﺋﻪﮬﻤﯩﻴﻪﺗﻜﻪ  ﺋﯩﮕﻪ. ﺷﯘﯕﺎ، ﺗﺎﺭﯨﺨﺘﯩﻦ ﺑﯘﻳﺎﻥﻣﯘﮬﯩﺘﻨﯩﯔ ﺳﺎﭘﺎﺳﻰ ﻛﯩﻴﯩﻢ- ﻛﯧﭽﻪﻙ، ﺋﯚﻱ- ﻗﻮﺭﯗ، ﻣﻪﮬﻪﻟﻠﻪ- ﻛﻮﭼﺎ، ﺩﻩﺭﻳﺎ ﺳﯜﻳﻰ ﻗﺎﺗﺎﺭﻟﯩﻘﻼﺭﻧﻰﭘﺎﻛﯩﺰ ﺗﯘﺗﯘﺵ، ﺳﯘﻏﺎ ﯞﻩ ﺧﺎﻟﯩﻐﺎﻥ ﺟﺎﻳﻐﺎ ﺋﻪﺧﻠﻪﺕ ﺗﺎﺷﻠﯩﻤﺎﺳﻠﯩﻖ، ﺗﻪﺭﻩﺕ ﻗﯩﻠﻤﺎﺳﻠﯩﻖ، ﺋﯘﭼﺎﺭﻗﯘﺵ ﯞﻩ ﻳﯩﺮﺗﻘﯘﭺ ﺑﻮﻟﻤﯩﻐﺎﻥ ﮬﺎﻳﯟﺍﻧﻼﺭﻧﻰ ﺋﺎﺳﺮﺍﺵ ﻗﺎﺗﺎﺭﻟﯩﻖ ﮬﻪﺭ ﺧﯩﻞ ﺋﻪﺧﻼﻗﯩﻲ ﻗﺎﺋﯩﺪﯨﻠﻪﺭﺋﺎﺭﻗﯩﻠﯩﻖ ﺗﯩﺰﮔﯩﻨﻠﯩﻨﯩﭗ ﻛﻪﻟﮕﻪﻥ.

     ﮬﺎﻟﺒﯘﻛﻰ 20- ﺋﻪﺳﯩﺮ  ﻛﯩﺮﮔﻪﻧﺪﯨﻦ ﺑﯘﻳﺎﻥ، ﺋﯩﻨﺴﺎﻧﻼﺭﻧﯩﯔ ﺗﻪﺑﯩﺌﻪﺗﻨﻰ ﺋﯚﺯﮔﻪﺭﺗﯩﺶ، ﺋﯧﭽﯩﭗ ﭘﺎﻳﺪﯨﻠﯩﻨﯩﺶ ﺋﯩﻘﺘﯩﺪﺍﺭﻯ ﻣﯩﺴﻠﯩﺴﯩﺰ ﺩﻩﺭﯨﺠﯩﺪﻩﺋﯧﺸﯩﭗ، ﮬﻪﺗﺘﺎ ﺑﯩﺮ ﺗﺎﻏﻨﯩﻤﯘ ﺑﯩﺮ ﻛﯧﭽﯩﺪﻩ  ﻳﯚﺗﻜﯩﯟﯦﺘﻪﻟﻪﻳﺪﯨﻐﺎﻥ ﺩﻩﺭﯨﺠﯩﮕﻪ ﻳﯧﺘﯩﭗ، ﻳﻪﺭ ﺋﯜﺳﺘﻰ ﯞﻩ ﻳﻪﺭ ﺋﺎﺳﺘﯩﺪﯨﻜﻰ ﺗﻪﺑﯩﺌﯩﻲﺑﺎﻳﻠﯩﻘﻼﺭﻧﻰ ﺑﻪﺱ- ﺑﻪﺱ ﺑﯩﻠﻪﻥ ﺋﯧﭽﯩﭗ ﭘﺎﻳﺪﯨﻠﯩﻨﯩﭗ، ﺗﻪﺑﯩﺌﯩﻲ ﺑﺎﻳﻠﯩﻘﻼﺭ ﻳﯧﺘﯩﺸﻤﻪﺳﻠﯩﻚﻛﯩﺮﯨﺰﯨﺴﻰ ﺷﻪﻛﯩﻠﻠﯩﻨﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﻳﻪﺭ ﺷﺎﺭﻯ ﻛﯩﻠﯩﻤﺎﺗﯩﻨﯩﯔ ﺋﯩﺴﺴﯩﺸﻰ، ﺋﻮﺯﻭﻥﻗﻪﯞﯨﺘﯩﻨﯩﯔ ﺗﯧﺸﯩﻠﯩﺸﻰ، ﺟﺎﻧﻠﯩﻘﻼﺭ ﺗﯜﺭﯨﻨﯩﯔ ﺋﺎﺯﯨﻴﯩﺸﻰ، ﻛﯩﺴﻼﺗﺎﻟﯩﻖ ﻳﺎﻣﻐﯘﺭ  ﻳﯧﻐﯩﺶ، ﺗﻮﭘﺎ ﻳﯧﻐﯩﺶ، ﺋﻮﺭﻣﺎﻥ ﻛﯚﻟﯩﻤﻰ ﻛﯩﭽﯩﻜﻠﻪﺵ، ﻳﻪﺭﻟﻪﺭﻧﯩﯔ ﭼﯚﻟﻠﯩﺸﯩﺸﻰ، ﺋﺎﺗﻤﻮﺳﻔﯧﺮﺍ ﺑﯘﻟﻐﯩﻨﯩﭗ ﭘﺎﺭﻧﯩﻚ ﺋﯧﻔﻔﯧﻜﺘﻰ ﺷﻪﻛﯩﻠﻠﯩﻨﯩﺶ، ﺳﯘﻧﯩﯔﺑﯘﻟﻐﯩﻨﯩﺸﻰ، ﺩﯦﯖﯩﺰ- ﺋﻮﻛﻴﺎﻧﯩﯔ ﺑﯘﻟﻐﯩﻨﯩﺸﻰ، ﺗﺎﺷﻼﻧﺪﯗﻕ ﻣﺎﺩﺩﯨﻼﺭﺩﯨﻦ ﺑﯘﻟﻐﯩﻨﯩﺶ ﻗﺎﺗﺎﺭﻟﯩﻖ ﭼﻮﯓﻣﯘﮬﯩﺖ ﻣﻪﺳﯩﻠﯩﻠﯩﺮﻯ ﻣﻪﻳﺪﺍﻧﻐﺎ ﻛﻪﻟﺪﻯ. ﮬﻪﺗﺘﺎ ﮬﯜﺟﻪﻳﺮﻩ  ﻳﺎﺩﺭﻭﺳﯩﺪﯨﻜﻰ ﮔﯧﻨﺪﯨﻤﯘ ﺑﯘﻟﻐﯩﻨﯩﺶ ﻳﯜﺯ ﺑﯧﺮﯨﭗ ﮬﻪﺭ ﺧﯩﻞ ﺋﯚﺳﻤﻪ ﻛﯧﺴﻪﻟﻠﯩﻜﻠﯩﺮﻯ، ﺭﻭﮬﯩﻲﻛﯧﺴﻪﻟﻠﯩﻜﻠﻪﺭ ﯞﻩ ﻣﯧﻴﯩﭗ ﺑﻮﻟﯘﭖ ﺗﯘﻏﯘﻟﯘﺵ ﻗﺎﺗﺎﺭﻟﯩﻘﻼﺭ ﻛﯚﭘﻪﻳﺪﻯ. ﺑﯘﻧﯩﯔ ﺑﯩﻠﻪﻥ ﺋﯩﻨﺴﺎﻧﻼﺭ  ﺋﯚﺯﯨﻨﯩﯔ ﻳﺎﺷﺎﺵ ﻣﯘﮬﯩﺘﻰ، ﭘﯜﺗﻜﯜﻝ ﻳﻪﺭ ﺷﺎﺭﻯﺋﯧﻜﻮﻟﻮﮔﯩﻴﯩﺴﻰ، ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﻰ، ﺋﯩﻨﺴﺎﻧﯩﻴﻪﺗﻨﯩﯔ ﻛﻪﻟﮕﯜﺳﻰﺋﯩﺴﺘﯩﻘﺒﺎﻟﻰ ﻗﺎﺗﺎﺭﻟﯩﻘﻼﺭ ﺋﯜﺳﺘﯩﺪﻩ ﺋﯩﻠﯩﻢ- ﭘﻪﻥ، ﭘﻪﻟﺴﻪﭘﻪ، ﺋﯧﻜﻮﻟﻮﮔﯩﻴﻪ، ﺋﯩﻘﺘﯩﺴﺎﺩﺷﯘﻧﺎﺳﻠﯩﻖ، ﺋﯩﻨﺴﺎﻧﺸﯘﻧﺎﺳﻠﯩﻖ ﯞﻩ ﺋﻪﺧﻼﻕ ﻗﺎﺗﺎﺭﻟﯩﻖ ﺟﻪﮬﻪﺗﻠﻪﺭﺩﯨﻦ ﺋﻮﻳﻠﯩﻨﯩﺸﻘﺎﻣﻪﺟﺒﯘﺭ  ﺑﻮﻟﺪﻯ. ﻧﻪﺗﺠﯩﺪﻩ ﺋﯩﻨﺴﺎﻧﯩﻴﻪﺗﻨﯩﯔﺋﻮﻣﯘﻣﯩﻲ ﮬﻪﺭﻛﯩﺘﯩﻨﻰ  ﺋﻪﺧﻼﻕ ﭘﺮﯨﻨﺴﯩﭙﻠﯩﺮﻯﺑﻮﻳﯩﭽﻪ ﭼﻪﻛﻠﻪﭖ ﯞﻩ ﺗﯩﺰﮔﯩﻨﻠﯩﻴﻪﻟﻪﻳﺪﯨﻐﺎﻥ، ﻣﯘﮬﯩﺖ، ﺗﻪﺑﯩﺌﯩﻲ ﺑﺎﻳﻠﯩﻖ، ﻣﻪﻣﻠﯩﻜﻪﺕ، ﺭﺍﻳﻮﻥﻣﯘﻧﺎﺳﯩﯟﯨﺘﯩﻨﻰ ﺋﻪﺧﻼﻗﯩﻲ ﻧﯘﻗﺘﯩﺪﯨﻦ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﻳﯧﯖﻰ ﭘﻪﻥ- ﻳﯧﯖﻰ ﻣﯘﮬﯩﺖﺋﻪﺧﻼﻗﺸﯘﻧﺎﺳﻠﯩﻘﻰ ﻣﻪﻳﺪﺍﻧﻐﺎ ﻛﻪﻟﺪﻯ. ﺑﯘ ﭘﻪﻧﺪﻩ ﺋﯩﻨﺴﺎﻧﯩﻴﻪﺕ، ﺗﻪﺑﯩﺌﯩﻲ ﻣﯘﮬﯩﺖ، ﺗﻪﺑﯩﺌﯩﻲﺑﺎﻳﻠﯩﻖ، ﺋﯩﮕﯩﻠﯩﻚ، ﺟﻪﻣﺌﯩﻴﻪﺕ ﻗﺎﺗﺎﺭﻟﯩﻘﻼﺭ ﺑﯩﺮ ﮔﻪﯞﺩﻩ ﻗﯩﻠﯩﻨﻐﺎﻥ ﮬﺎﻟﺪﺍ ﻣﻪﺧﺴﯘﺱ ﺗﻪﺗﻘﯩﻖﻗﯩﻠﯩﻨﯩﺪﯗ ﯞﻩ ﺋﯘﻻﺭﻧﻰ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﻣﻪﻗﺴﻪﺕ ﻗﯩﻠﯩﻨﯩﺪﯗ.

   ﻳﯧﯖﻰﺋﻪﺧﻼﻗﺸﯘﻧﺎﺳﻠﯩﻘﺘﺎ ﮬﺎﺯﯨﺮﻗﻰ ﺋﻪﯞﻻﺩﺗﯩﻦ ﺋﺎﯕﻠﯩﻖ ﮬﺎﻟﺪﺍ ﻛﯧﻴﯩﻨﻜﻰ ﺋﻪﯞﻻﺩﻧﯩﯔ ﺗﻪﺭﻩﻗﻘﯩﻲ ﻗﯩﻠﯩﺶﮬﻮﻗﯘﻗﯩﻨﻰ ﻗﻮﻏﺪﺍﺵ، ﺗﻪﺑﯩﺌﻪﺕ ﺩﯗﻧﻴﺎﺳﯩﻨﯩﯔ ﮬﻮﻗﯘﻗﯩﻐﺎ ﺩﻩﺧﻠﻰ- ﺗﻪﺭﯛﺯ ﻗﯩﻠﻤﺎﺳﻠﯩﻖ ﺗﻪﻟﻪﭖﻗﯩﻠﯩﻨﯩﺪﯗ. ﺑﯘ ﻳﻪﺭﺩﻩ ﺋﯧﻴﺘﯩﻠﻐﺎﻥ ﺗﻪﺑﯩﺌﻪﺕ ﺩﯗﻧﻴﺎﺳﯩﻨﯩﯔ ﮬﻮﻗﯘﻗﻰ ﺟﺎﻧﻠﯩﻘﻼﺭﻧﯩﯔ  ﺋﯧﻜﻮﻟﻮﮔﯩﻴﯩﻠﯩﻚ ﻗﺎﻧﯘﻧﯩﻴﻪﺗﻠﻪﺭ ﺑﻮﻳﯩﭽﻪ ﺩﺍﯞﺍﻣﻠﯩﻖﺗﻪﺭﻩﻗﻘﯩﻲ ﻗﯩﻠﯩﺶ ﮬﻮﻗﯘﻗﯩﻨﻰ ﻛﯚﺭﺳﯩﺘﯩﺪﯗ. ﺗﺎﺭﯨﺨﺘﯩﻦ ﺑﯘﻳﺎﻥ ﭘﻪﻗﻪﺕ ﺋﯩﻨﺴﺎﻧﻼﺭﺩﯨﻼ ﮬﻮﻗﯘﻕﺑﻮﻟﯩﺪﯗ، ﺩﻩﭖ ﻗﺎﺭﯨﻠﯩﭗ ﻛﻪﻟﮕﻪﻥ ﺋﯩﺪﻯ. ﮬﺎﻟﺒﯘﻛﻰ، ﻳﯧﯖﻰ ﺋﻪﺧﻼﻗﺸﯘﻧﺎﺳﻠﯩﻘﺘﺎ ﺟﺎﻧﻠﯩﻘﻼﺭ ﯞﻩﺋﯧﻜﻮﻟﻮﮔﯩﻴﯩﻠﯩﻚ ﺳﯩﺴﺘﯧﻤﯩﻨﻰ ﺗﻪﺷﻜﯩﻞ ﻗﯩﻠﯩﺪﯨﻐﺎﻥ ﮬﻪﺭ  ﺑﯩﺮ  ﻣﺎﺩﺩﺍ ﺗﯜﺭﻟﯩﺮﯨﻤﯘ ﭘﯜﺗﻜﯜﻝﺋﯧﻜﻮﻟﻮﮔﯩﻴﻪ ﺳﯩﺴﺘﯧﻤﯩﺴﯩﺪﺍ ﺋﯚﺯﻟﯩﺮﯨﻨﯩﯔ ﻣﯘﺳﺘﻪﻗﯩﻞ ﺋﯩﻘﺘﯩﺪﺍﺭﻯ ﯞﻩ  ﺭﻭﻟﯩﻨﻰ ﺟﺎﺭﻯ ﻗﯩﻠﺪﯗﺭﯨﺪﯗ؛ ﺋﯘﻻﺭ ﺋﯚﺯﻟﯩﺮﯨﻨﯩﯔ ﻛﯚﭖﺧﯩﻠﻠﯩﻘﻰ، ﺋﯚﺯﺋﺎﺭﺍ ﻣﯘﻧﺎﺳﯩﯟﯨﺘﻰ ﺋﺎﺭﻗﯩﻠﯩﻖ ﭘﯜﺗﻜﯜﻝ ﺋﯧﻜﻮﻟﻮﮔﯩﻴﻪ ﺳﯩﺴﺘﯧﻤﯩﺴﯩﻨﯩﯔﻧﻮﺭﻣﺎﻟﻠﯩﻘﯩﻨﻰ ﻛﺎﭘﺎﻟﻪﺗﻠﻪﻧﺪﯛﺭﯨﺪﯗ؛ ﺷﯘﯕﺎ، ﺟﺎﻧﻠﯩﻘﻼﺭﺩﯨﻤﯘ ﻳﺎﺷﺎﺵ ﮬﻮﻗﯘﻗﻰ ﺑﻮﻟﯩﺪﯗ؛ ﺋﯩﻨﺴﺎﻧﻼﺭﺑﯘ ﮬﻮﻗﯘﻗﻨﻰ ﺋﯧﺘﯩﺮﺍﭖ ﻗﯧﻠﯩﺸﻰ، ﺗﯧﺨﯩﻤﯘ ﺋﯩﻠﮕﯩﺮﻟﻪﭖ ﺋﯘﻧﻰ ﻛﺎﭘﺎﻟﻪﺗﻠﻪﻧﺪﯛﺭﯛﺷﻰ ﻻﺯﯨﻢ، ﺩﻩﭖﻗﺎﺭﯨﻠﯩﺪﯗ.

     ﺑﯘ ﭘﻪﻧﺪﻩ ﺋﯩﻨﺴﺎﻧﻼﺭﻧﯩﯔ ﺋﻪﺧﻼﻗﯩﻲ ﻣﻪﺳﺌﯘﻟﯩﻴﯩﺘﻰ ﯞﻩ ﻣﻪﺟﺒﯘﺭﯨﻴﻪﺗﻠﯩﺮﻯ ﺋﯩﻠﮕﯩﺮﯨﻜﯩﺪﻩﻙﺋﺎﺩﻩﻣﻠﻪﺭ  ﺋﻮﺗﺘﯘﺭﯨﺴﯩﺪﯨﻜﻰ ﺋﯩﺠﺘﯩﻤﺎﺋﯩﻲﻣﯘﻧﺎﺳﯩﯟﻩﺕ ﺑﯩﻠﻪﻥ ﭼﻪﻛﻠﻪﻧﻤﻪﺳﺘﯩﻦ، ﺑﻪﻟﻜﻰ ﺋﯩﻨﺴﺎﻧﻼﺭ ﺑﯩﻠﻪﻥ ﺗﻪﺑﯩﺌﻪﺕ، ﺋﯩﻨﺴﺎﻧﻼﺭ ﺑﯩﻠﻪﻥﺟﻪﻣﺌﯩﻴﻪﺕ ﯞﻩ ﺋﯩﻨﺴﺎﻧﻼﺭ ﺑﯩﻠﻪﻥ ﺋﯩﮕﯩﻠﯩﻜﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﻗﺎﺗﺎﺭﻟﯩﻖ ﺟﻪﮬﻪﺗﻠﻪﺭﮔﻪﻛﯩﯖﻪﻳﺘﯩﻠﺪﻯ ﮬﻪﻣﺪﻩ ﺋﯩﻨﺴﺎﻧﻼﺭﺩﺍ ﭘﯜﺗﻜﯜﻝ ﺟﻪﻣﺌﯩﻴﻪﺗﻨﻰ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵﻣﻪﺟﺒﯘﺭﻳﯩﺘﻰ ﯞﻩ ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﯩﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﺗﯚﮬﭙﻪ  ﻗﻮﺷﯘﺵ ﻣﻪﺟﺒﯘﺭﻳﯩﺘﻰ، ﺋﯩﻨﺴﺎﻧﻼﺭﻧﯩﯔ ﺋﯚﺯ ﮬﻪﺭﻛﯩﺘﯩﮕﻪﻣﻪﺳﺌﯘﻝ ﺑﻮﻟﯘﺵ ﻣﻪﺟﺒﯘﺭﯨﻴﯩﺘﻰ، ﻧﺎﺩﺍﻧﻠﯩﻘﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺋﺎﻗﯩﯟﻩﺗﻠﻪﺭﻧﯩﯔ ﺟﺎﯞﺍﭘﻜﺎﺭﻟﯩﻘﯩﻨﻰﺋﯜﺳﺘﯩﮕﻪ ﺋﯧﻠﯩﺶ ﻣﻪﺟﺒﯘﺭﻳﯩﺘﻰ ﯞﻩ  ﮬﻪﺭ ﻗﺎﻳﺴﻰﺋﻪﻝ ﯞﻩ ﺭﺍﻳﻮﻧﻼﺭﻧﯩﯔ ﭘﯜﺗﻜﯜﻝ ﺩﯗﻧﻴﺎﻧﯩﯔ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﯩﺸﯩﻨﻰ ﭘﺎﺋﺎﻝ ﻗﻮﻏﺪﺍﺵﯞﻩ  ﺋﯩﻠﮕﯩﺮﻯ ﺳﯜﺭﯛﺵ ﻣﻪﺟﺒﯘﺭﻳﯩﺘﻰ ﺑﻮﻟﯩﺪﯗ، ﺩﻩﭖﻗﺎﺭﯨﻠﯩﺪﯗ.

   ﺑﯘ ﭘﻪﻧﺪﻩ ﻳﻪﻧﻪ ﮬﺎﺯﯨﺮ ﻣﻪﯞﺟﯘﺕ ﺑﻮﻟﯘﭖ ﺗﯘﺭﻏﺎﻥ ﺋﺎﺩﯨﻞﺑﻮﻟﻤﯩﻐﺎﻥ ﺋﻪﮬﯟﺍﻟﻼﺭ، ﻣﻪﺳﯩﻠﻪﻥ، ﺗﻪﺭﻩﻗﻘﯩﻲ ﻗﯩﻠﻐﺎﻥ ﺋﻪﻟﻠﻪﺭﻧﯩﯔ ﭼﻮﯓ ﭘﺎﻳﺪﺍ ﯞﻩ ﺑﻪﮬﺮﯨﻤﺎﻥﺑﻮﻟﯘﺷﻨﻰ ﻗﻮﻏﻠﯩﺸﯩﭗ، ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﻰ ﺯﻭﺭ  ﻣﯩﻘﺘﺎﺭﺩﺍ ﺳﻪﺭﭖ ﻗﯩﻠﯩﭗ ﺗﻪﺭﻩﻗﻘﯩﻴﺎﺗﻨﯩﯔ ﺗﻪﻛﺸﻰ ﺑﻮﻟﻤﺎﺳﻠﯩﻘﯩﻨﻰ ﻛﯚﭼﻪﻳﺘﯩﯟﺍﺗﻘﺎﻧﻠﯩﻘﻰﮬﻪﻣﺪﻩ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻥ ﺋﻪﻟﻠﻪﺭﻧﯩﯔ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﯩﺶ ﺷﻪﺭﺕ- ﺷﺎﺭﺍﺋﯩﺘﯩﻨﻰﻧﺎﭼﺎﺭﻻﺷﺘﯘﺭﯨﯟﺍﺗﻘﺎﻧﻠﯩﻘﻰ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺗﻪﺭﻩﻗﻘﯩﻲ ﻗﯩﻠﻤﯩﻐﺎﻥ ﺋﻪﻟﻠﻪﺭ ﯞﻩﺭﺍﻳﻮﻧﻼﺭ  ﺗﯩﺮﯨﻜﭽﯩﻠﯩﻚ ﻗﯩﻠﯩﺸﻨﯩﯔ ﺋﯧﮭﺘﯩﻴﺎﺟﻰﺗﯜﭘﻪﻳﻠﯩﺪﯨﻦ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﻰ ﺗﺎﻻﻥ- ﺗﺎﺭﺍﺝ ﻗﯩﻠﻐﺎﻥ ﮬﺎﻟﺪﺍ ﺋﯧﭽﯩﭗﭘﺎﻳﺪﯨﻠﯩﻨﯩﯟﺍﺗﻘﺎﻧﻠﯩﻘﯩﺪﻩﻙ ﺋﯩﻨﺴﺎﻧﯩﻴﻪﺗﻨﯩﯔ ﺋﻮﻣﯘﻣﯩﻲ ﺋﻪﺧﻼﻕ ﭘﯩﺮﯨﻨﺴﯩﭙﯩﻐﺎ ﺋﯘﻳﻐﯘﻥ ﻛﻪﻟﻤﯩﮕﻪﻥﺋﯩﺶ- ﮬﻪﺭﯨﻜﻪﺗﻠﻪﺭ ﺋﯧﭽﯩﭗ ﺑﯧﺮﯨﻠﯩﺪﯗ.

     ﺋﯩﻨﺴﺎﻧﻼﺭ ﮬﺎﺯﯨﺮﻗﻰ ﺋﻪﯞﻻﺩﻻﺭﻧﯩﯔ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﻣﻪﺳﺌﯘﻝ ﺑﻮﻟﯘﺵ ﺑﯩﻠﻪﻥ ﺑﯩﺮﯞﺍﻗﯩﺘﺘﺎ، ﻛﯧﻴﯩﻨﻜﻰ ﺋﻪﯞﻻﺩﻻﺭﻧﯩﯔ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﯩﻤﯘ ﻣﻪﺳﺌﯘﻝ ﺑﻮﻟﯘﺷﻰﻻﺯﯨﻢ.  ﺷﯘﯕﺎ، ﺋﯩﻨﺴﺎﻧﻼﺭ ﺋﯚﺯﯨﻨﻰ ﺋﺎﯕﻠﯩﻖ ﮬﺎﻟﺪﺍﺑﺎﺷﻘﯘﺭﯗﭖ، ﻛﯧﻴﯩﻨﻜﻰ ﺋﻪﯞﻻﺩﻻﺭﻧﯩﯔ ﺳﺎﻏﻼﻡ ﺋﯚﺳﯜﭖ ﺩﺍﯞﺍﻣﻠﯩﻖ ﺗﻪﺭﻩﻗﻘﯩﻲ ﻗﯩﻠﯩﺸﯩﻨﻰ ﺳﺎﭘﺎﻟﯩﻖﺗﻪﺑﯩﺌﯩﻲ ﻣﯘﮬﯩﺖ ﺋﺎﺭﻗﯩﻠﯩﻖ ﻛﺎﭘﺎﻟﻪﺗﻠﻪﻧﺪﯛﺭﯛﺷﻰ ﻻﺯﯨﻢ. ﺋﯩﻨﺴﺎﻧﻼﺭ ﻛﯚﺯ ﺋﺎﻟﺪﯨﺪﯨﻜﻰﻣﻪﻧﭙﻪﺋﻪﺗﻨﯩﻼ ﻗﻮﻏﻠﯩﺸﯩﺪﯨﻐﺎﻥ ﺑﻮﻟﺴﺎ، ﺗﺎﺭﯨﺨﯩﻲ ﺧﺎﺗﺎﻟﯩﻖ ﺋﯚﺗﻜﯜﺯﯨﺪﯗ، ﮬﺎﺯﯨﺮﻗﻰ ﺋﻪﯞﻻﺩﻻﺭﺋﯚﺯﯨﻨﯩﯔ ﺑﯩﺮ ﻗﯩﺴﯩﻢ ﻣﻪﻧﭙﻪﺋﻪﺗﯩﻨﻰ ﻗﯘﺭﺑﺎﻥ ﻗﯩﻠﻐﺎﻥ ﮬﺎﻟﺪﺍ ﻛﯧﻴﯩﻨﻜﻰ ﺋﻪﯞﻻﺩﻻﺭﻗﺎ ﻣﻪﻧﭙﻪﺋﻪﺕﻳﺎﺭﯨﺘﯩﭗ ﺑﯧﺮﯨﺸﻰ ﺯﯙﺭﯛﺭ.

   ﻣﯘﮬﯩﺖ ﺋﻪﺧﻼﻗﺸﯘﻧﺎﺳﻠﯩﻘﯩﺪﺍ ﻳﻪﻧﻪ "ﺑﯩﺮ  ﻗﯩﺴﯩﻢ ﺋﺎﺩﻩﻣﻠﻪﺭﻧﯩﯔ ﺗﻪﺭﻩﻗﻘﯩﻴﺎﺗﻰ ﻳﻪﻧﻪ ﺑﯩﺮ ﻗﯩﺴﯩﻢﺋﺎﺩﻩﻣﻠﻪﺭﻧﯩﯔ ﺗﻪﺭﻩﻗﯩﻴﺎﺗﯩﻐﺎ ﺯﯨﻴﺎﻥ ﻛﻪﻟﺘﯜﺭﻣﻪﺳﻠﯩﻜﻰ" ﺗﻪﻟﻪﭖ ﻗﯩﻠﯩﻨﯩﺪﯗ. ﺷﯘﻧﺪﺍﻗﻼﺋﯩﻨﺴﺎﻧﻼﺭﺩﯨﻦ ﺗﻪﺑﯩﺌﻪﺕ ﺑﯩﻠﻪﻥ ﺑﯩﺮﻟﯩﻜﺘﻪ ﺗﯩﺮﯨﻜﭽﯩﻠﯩﻚ ﻗﯩﻠﯩﺶ ﺋﯧﯖﻰ، ﺗﯧﻨﭻ  ﻳﺎﺷﺎﺵ ﺋﯧﯖﻰ، ﺗﻪﯓ ﺑﺎﺭﺍﯞﻩﺭ ﺑﻮﻟﯘﺵ ﺋﯧﯖﻰﻗﺎﺗﺎﺭﻟﯩﻘﻼﺭﻏﺎ ﺋﯩﮕﻪ ﺑﻮﻟﯘﭖ، ﻳﻪﺭ ﺷﺎﺭﯨﻐﺎ ﻣﯘﻧﺎﺳﯩﯟﻩﺗﻠﯩﻚ ﺋﯩﺸﻼﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎﺋﺎﺩﯨﻞ ﺑﻮﻟﯘﺵ ﭘﺮﯨﻨﺴﯩﭙﯩﺪﺍ ﭼﯩﯔ ﺗﯘﺭﯗﺵ ﺗﻪﻟﻪﭖ ﻗﯩﻠﯩﻨﯩﺪﯗ. ﮬﺎﺯﯨﺮﻗﻰ ﺩﯗﻧﻴﺎﺩﺍ ﭘﻪﻗﻪﺕ ﺋﯚﺯ  ﻣﻪﻧﭙﻪﺋﻪﺗﯩﻨﻰ ﻛﯚﺯﺩﻩ ﺗﯘﺗﻘﺎﻥ ﮬﺎﻟﺪﺍ ﻣﯘﮬﯩﺖﻣﻪﺳﯩﻠﯩﺴﯩﻨﻰ ﺑﯩﺮ  ﺗﻪﺭﻩﭖ ﻗﯩﻠﯩﯟﺍﺗﻘﺎﻥ ﺋﻪﻟﻠﻪﺭﺋﺎﺯ ﺋﻪﻣﻪﺱ، ﺑﯘ ﺋﺎﺳﺎﺳﻠﯩﻘﻰ ﻏﻪﺭﭖ ﺋﻪﻟﻠﯩﺮﯨﻨﯩﯔ "ﻛﺮﯨﺰﯨﺴﻨﻰ ﺑﺎﺷﻘﯩﻼﺭﻏﺎ ﺋﯩﺘﺘﯩﺮﯨﭗﻗﻮﻳﯘﺵ"ﺗﻪﻙ ﺑﺎﺭﺍﯞﻩﺭﺳﯩﺰﻟﯩﻜﯩﺪﻩ ﮔﻪﯞﺩﯨﻠﯩﻨﯩﺪﯗ. ﺑﯘ ﭘﻪﻧﺪﻩ ﮬﻪﺭﻗﺎﻧﺪﺍﻕ ﺑﯩﺮ ﺩﯙﻟﻪﺕ ﻳﺎﻛﻰﺭﺍﻳﻮﻧﻨﯩﯔ ﺑﺎﺷﻘﺎ ﺩﯙﻟﻪﺕ  ﻳﺎﻛﻰ ﺭﺍﻳﻮﻧﻨﯩﯔﺗﻪﺭﻩﻗﻘﯩﻴﺎﺗﯩﻐﺎ ﺯﯨﻴﺎﻥ ﺳﯧﻠﯩﭗ ﺋﯘﻻﺭﻧﻰ ﺗﻪﺭﻩﻗﻘﯩﻲ ﻗﯩﻠﯩﺸﺘﯩﻦ ﻣﻪﮬﺮﯗﻡ ﻗﯩﻠﻤﺎﺳﻠﯩﻘﻰ ﺗﻪﻟﻪﭖﻗﯩﻠﯩﻨﯩﺪﯗ.

  ﺑﯘ ﭘﻪﻧﺪﻩ ﻳﻪﻧﻪ ﺋﻪﯞﻻﺩﻻﺭ ﺋﺎﺭ ﺑﺎﺭﺍﯞﻩﺭ ﺑﻮﻟﯘﺵﺋﺎﻻﮬﯩﺪﻩ ﺗﻪﻟﻪﭖ ﻗﯩﻠﯩﻨﯩﺪﯗ. ﺗﺎﺭﯨﺨﺘﯩﻦ ﺑﯘﻳﺎﻥ ﮬﺎﺯﯨﺮﻗﻰ ﺋﻪﯞﻻﺩﻻﺭ ﺑﯩﻠﻪﻥ ﻛﯧﻴﯩﻨﻜﻰ ﺋﻪﯞﻻﺩﻻﺭﺋﻮﺗﺘﯘﺭﯨﺴﯩﺪﯨﻜﻰ ﺗﻪﯓ ﺑﺎﺭﺍﯞﻩﺭﻟﯩﻚ ﺗﯩﻠﻐﺎ ﺋﯧﻠﯩﻨﻤﺎﻱ ﻛﻪﻟﺪﻯ. ﮬﺎﻟﺒﯘﻛﻰ، ﻳﯧﯖﻰﺋﻪﺧﻼﻗﺸﯘﻧﺎﺳﻠﯩﻘﺘﺎ ﺋﻪﯞﻻﺩﻻﺭ ﺋﻮﺗﺘﯘﺭﺳﯩﺪﯨﻜﻰ ﺗﻪﯓ ﺑﺎﺭﺍﯞﻩﺭﻟﯩﻚ ﺗﻪﻛﯩﺘﻠﯩﻨﯩﭗ، ﺗﻪﺭﻩﻗﻘﯩﻴﺎﺕﻣﻪﺳﯩﻠﯩﺴﻰ ﻛﯧﻴﯩﻨﻜﻰ ﺋﻪﯞﻻﺗﻼﺭﻏﺎ ﻧﯩﺴﺒﻪﺗﻪﻥ ﺋﺎﺩﯨﻞ ﻣﯘﺋﺎﻣﯩﻠﻪ ﻗﯩﻠﯩﺶ، ﻛﯧﻴﯩﻨﻜﻰ ﺋﻪﯞﻻﺩﻧﯩﯔ ﺗﻪﺭﻩﻗﻘﯩﻴﺎﺗﯩﻐﺎﺯﯨﻴﺎﻥ ﺳﯧﻠﯩﺶ ﺑﻪﺩﯨﻠﯩﮕﻪ ﮬﺎﺯﯨﺮﻗﻰ ﺋﻪﯞﻻﺩﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﻣﺎﺳﻠﯩﻖ ﺗﻪﻟﻪﭖ ﻗﯩﻠﯩﻨﯩﺪﯗ. ﺷﯘﻧﺪﺍﻗﻼ ﮬﺎﺯﯨﺮﻗﻰ ﺋﻪﯞﻻﺩﺗﯩﻦ ﻛﯧﻴﯩﻨﻜﻰ ﺋﻪﯞﻻﺩﻗﺎ ﮬﯧﭽﺒﻮﻟﻤﯩﻐﺎﻧﺪﺍ ﻗﻪﺩﯨﻤﻜﯩﻠﻪﺭﺩﯨﻦ ﺋﯘﻻﺭﻏﺎﻣﯩﺮﺍﺱ ﻗﺎﻟﻐﺎﻥ ﺗﻪﺑﯩﺌﯩﻲ ﺷﻪﺭﺕ- ﺷﺎﺭﺍﺋﯩﺘﻘﺎ ﺋﻮﺧﺸﺎﺵ ﺗﻪﺑﯩﺌﯩﻲ ﻣﯘﮬﯩﺘﻨﻰ ﻣﯩﺮﺍﺱ ﻗﺎﻟﺪﯗﺭﯗﺵ، ﻳﺎﺧﺸﯩﺴﻰ ﺋﯘﻧﯩﯖﺪﯨﻦ ﻛﯚﭘﺮﻩﻙ، ﻳﺎﺧﺸﯩﺮﺍﻕ ﺷﻪﺭﺕ- ﺷﺎﺭﺍﺋﯩﺘﻘﺎ ﺋﯩﮕﻪ ﺗﻪﺑﯩﺌﯩﻲ ﻣﯘﮬﯩﺘﻨﻰ ﻣﯩﺮﺍﺱﻗﺎﻟﺪﯗﺭﯗﺵ ﺗﻪﻟﻪﭖ ﻗﯩﻠﯩﻨﯩﺪﯗ.

     ﺋﻪﻟﯟﻩﺗﺘﻪ، ﻣﯘﮬﯩﺖ ﺋﺎﺳﺮﺍﺷﺘﺎ ﻗﺎﻧﯘﻥ- ﺑﻪﻟﮕﯩﻠﯩﻤﯩﻠﻪﺭﻧﻰ ﺗﯜﺯﯛﺵ، ﺳﺎﻏﻼﻣﻼﺷﺘﯘﺭﯗﺷﻨﯩﯔ ﺭﻭﻟﯩﻨﻰﺋﯩﻨﻜﺎﺭ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﺑﯘﻧﻰ ﭼﯩﯔ ﺗﯘﺗﯘﺵ ﻻﺯﯨﻢ، ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﺎﺩﻩﺗﻜﻪ  ﺋﺎﻳﻼﻧﻐﺎﻥ ﺋﻪﺧﻼﻗﯩﻲ ﭘﻪﺯﯨﻠﻪﺗﻠﻪﺭﻧﯩﯔﺭﻭﻟﯩﻐﺎ ﺳﻪﻝ ﻗﺎﺭﯨﻐﯩﻠﻰ ﺑﻮﻟﻤﺎﻳﺪﯗ. ﻣﻪﺳﯩﻠﻪﻥ، ﺗﯧﻠﯧﯟﯨﺰﻭﺭﻻﺭﺩﯨﻦ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺋﻪﻟﻠﻪﺭﺩﻩﮬﺎﻳﯟﺍﻧﻼﺭ ﻳﻮﻟﺪﯨﻦ ﺋﯚﺗﻜﻪﻧﺪﻩ ﻣﺎﺷﯩﻨﯩﻼﺭﻧﯩﯔ ﻳﻮﻝ ﺑﯧﺮﯨﭗ ﻛﯜﺗﯜﭖ ﺗﯘﺭﯨﺪﯨﻐﺎﻧﻠﯩﻘﯩﻨﻰ، ﻳﯘﻗﯩﺮﻯﺳﯜﺭﺋﻪﺗﻠﯩﻚ ﺗﺎﺷﻴﻮﻝ، ﺗﯚﻣﯜﺭ ﻳﻮﻟﻼﺭﻧﯩﯔ ﺋﺎﻳﺮﯨﻢ ﺟﺎﻳﻠﯩﺮﯨﻐﺎ  ﮬﺎﻳﯟﺍﻧﻼﺭﻧﯩﯔ ﺋﯚﺗﯜﺷﻰ ﺋﯜﭼﯜﻥ ﻳﻪﺭ ﺋﺎﺳﺘﻰ ﻳﻮﻟﻠﯩﺮﯨﻨﯩﯔﺗﻪﺳﯩﺲ ﻗﯩﻠﯩﻨﻐﺎﻧﻠﯩﻘﯩﻨﻰ ﻛﯚﺭﯨﻤﯩﺰ. ﺑﯘﻻﺭﻧﯩﯔ ﮬﻪﻣﻤﯩﺴﻰ ﺋﻪﺧﻼﻗﯩﻲ ﺳﺎﯞﺍﺕ ﻣﻪﺳﯩﻠﯩﺴﻰ. ﮬﺎﻟﺒﯘﻛﻰ، ﺋﯧﻠﯩﻤﯩﺰﺩﻩ ﭼﯩﻦ ﻛﯚﯕﯜﻟﺪﯨﻦ ﺋﻪﺧﻼﻗﻘﺎ ﺗﺎﻳﯩﻨﯩﭗ ﺋﯩﺶ ﻛﯚﺭﯛﻟﻤﯩﮕﻪﻧﻠﯩﻜﺘﯩﻦ، ﮔﻪﺭﭼﻪ ﻗﺎﻧﯘﻥﺑﻪﻟﮕﯩﻠﯩﻤﯩﻠﻪﺭ ﺑﻮﻟﺴﯩﻤﯘ، ﻟﯧﻜﯩﻦ ﮬﻪﺭ ﺧﯩﻞ ﺑﺎﮬﺎﻧﻪ- ﺳﻪﯞﻩﭘﻠﻪﺭ ﺑﯩﻠﻪﻥ ﻳﺎﯞﺍﻳﻰ ﮬﺎﻳﯟﺍﻥ، ﺋﯘﭼﺎﺭﻗﯘﺵ ﻗﺎﺗﺎﺭﻟﯩﻘﻼﺭﻧﻰ ﺋﻮﯞﻻﺵ، ﺗﯧﺮﻩ ﯞﻩ  ﮔﯚﺷﻠﯩﺮﯨﻨﻰ ﺳﯧﺘﯩﺶ ﻣﻪﺳﯩﻠﯩﺴﻰ ﮬﺎﺯﯨﺮﻏﺎ ﻗﻪﺩﻩﺭ ﺩﺍﯞﺍﻣﻠﯩﺸﯩﭗ ﻛﻪﻟﻤﻪﻛﺘﻪ. ﺷﯘﯕﺎ ﻣﯘﮬﯩﺖﺋﺎﺳﺮﺍﺷﺘﺎ ﺑﯩﺮ ﺗﻪﺭﻩﭘﺘﯩﻦ ﻗﺎﺗﺘﯩﻖ ﻗﺎﻧﯘﻧﯩﻲ ﺑﻪﻟﮕﯩﻠﯩﻤﯩﻠﻪﺭﮔﻪ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﻪﺧﻼﻗﯩﻲﺋﺎﯕﻐﺎ ﺗﺎﻳﯩﻨﯩﺸﻘﺎ  ﺗﻮﻏﺮﺍ ﻛﯧﻠﯩﺪﯗ.