ئۇيغۇر ياشلار شېئىرىيتى

گۈزەللىكنىڭ جاراھىتى

لەنەتلىك گۈزەللىك

جاراھەتكە چىلاپ قەلبىمنى

پەيدا قىلدى بىر ئۆمۈرلۈك ئۆكۈنۈش ۋە پۇشايمان .

ئەگەر قەلىپ بىر پارچە شېئر بولسا

كۆزلىرىنى يۇمۇپ تۇرۇپ ئوقۇپ چىقار كىتاپخان .

سۆيگۈنىڭ قارارەڭلىك بايرىقى ئاستىدا

لەنەتلىك چۆللەر ئۆركەشلەر

سادا بېرەر لەنەتلىك ئاسمان .

تەنتەنىلىك مۇراسىم پەيتلىرى

ئەتىرگۈللەر ئېچىلغان

ئوقلار تېشىپ ئۆتكەن ئادەم كۆكسىدەك 

] تەن تەنگە سۆزلەۋاتقان ئەشۇ پەيت

گۈزەللىكنىڭ جاراھىتى ئوخچۇغان .

مىسلىسىز بىر خىيانەت

مىسلىسىز بىر جىنسى ھاياجان

پارتلايدۇ گۈزەللىكنىڭ تەنلىرىدە بىگۇمان .

قەبىھ كۆز ياشلار

قىپ -يالىڭاچ ھاياتلىقنىڭ گۈلدانى

ئېلىپ كېلەر ئۆكۈنۈش ۋە پۇشايمان .