ئوغلۇم، ھەرقانداق ئىشتا ئوڭۇشسىزلىققا يولۇقۇپ قالغان چېغىڭدا تەمتىرەپ قالما، مەيۈسلەنمە، ئۆزۈڭنى يوقىتىۋەتمە، بەلكى ھەسسىلەپ ئۈمىدۋار بول. كىشىلىك جەمئىيەتتە چىن ئەقىدە، پاك نىيەت، ھالال لەۋز، يىمىرىلمەس ئېتىقاد بىلەن ياشا. چەكلىك ھاياتىڭدىن چەكسىز مېھنەت، مۇۋەپپەقىيەت تامچىلىرىنى تامدۇرۇپ، ھاياتىڭنىڭ قىممىتىنى ئۈزلۈكسىز ئۇزارتىش ئۈچۈن بوشاشماي تىرىش. تىرىشىش ئارقىلىق ئېرىشكەن مۇۋەپپەقىيەت ساڭا قۇدرەتلىك جۈپ قانات ئاتا قىلىدۇ! ئۆزۈڭنىڭ قىممىتىنى بىلەلمەي تاپتىن چىقىپ كەتمە. ئەرلىك بۇرچۇڭنىڭ نەقەدەر ئېغىرلىقىنى، مىللەت، ۋەتەن، خەلق ئالدىدىكى مەسئۇلىيىتىڭنىڭ نېمە ئىكەنلىكىنى ھەقىقىي مەنىسى بىلەن تونۇپ يەت. ھەر ۋاقىت ئۈمىد، ئىشەنچ تۇغى قەلبىڭدە لەپىلدەپ تۇرسۇن!

دىيانەت، ھەقىقەت ئەركەكنىڭ جېنى،
دوست تۇتقىن ھەر ۋاقىت ئۈمىد، ئىشەنچنى.
ئەل- يۇرتنىڭ ۋاپادار بالىسى بولغىن،
جان ئوغلۇم، كۈتىمەن سېنىڭدىن شۇنى.

ھەق بىلەن ناھەقنى ئايرىغىن ئېنىق،
شېرىن چۈش قوينىدا ئۇخلىما تاتلىق.
ۋەتەن ھەم مىللەت دەپ ياشىساڭ، ئوغلۇم،
رازى مەن سېنىڭدىن ئىككى دۇنيالىق.

ئېسىڭدە بولسۇن، ئاچ كۆزلۈك، سەمىمىيەتسىزلىك، ئىچى تارلىق، ئۆزىنى بىلمەسلىك ئادىمىيلىك قەدىر- قىممىتىڭنى دەپسەندە قىلىدۇ. شۇڭلاشقا، دانالارنىڭ نەسىھىتىدىن ئەقىل تاپقىن، پۇشايماندا قالمايسەن. ھەقىقىي بايلىققا ئېرىشمەكچى بولساڭ، مەنىۋى قىياپىتىڭنى يۈكسەلدۈر ... ...

يۇقىرىقى ئەسەرنىڭ تولۇق مەزمۇنىنى كۆرگىڭىز بارمۇ ؟ ئۇنداقتا ژۇرنىلىمىزنى سېتىۋېلىڭ! مۇشتەرى بولۇڭ!

ژۇرنىلىمىزغا يىللىق مۇشتەرى قوبۇل قىلىش باشلاندى، جايلاردىكى پوچتىخانىلاردىن ياكى مىللەت- دىن ئىشلىرى ئىدارىلىرىدىن مۇشتەرى بولالايسىز، پوچتا ۋاكالەت نومۇرى 117-58

بىر يىللىق باھا: 27يۈەن
يېرىم يىللىق باھا: 13.5 يۈەن
ژۇرنال يەككە باھاسى: 4.5يۈەن

ژۇرنىلىمىزنى ھەم ھەرقايسى كىتاب بوتكىلىرىدىن سېتىۋالالايسىز!

شەھەر ئىچى ھەقسىز 8 سائەت ژۇرنال يەتكۈزۈش تېلېفونى : 0991-8569662
بىر تېلېفون بىلەن ژۇرنالنى قولىڭىزغا ئالىسىز!