سوئال: مەن ئۆزۈمنى خېلىلا پىشىپ يېتىلگەن بىر ئەدەبىيات ھەۋەسكارى دەپ ئويلاپ، خېلىلا باش قاتۇرۇپ يازغان ئەسەرلىرىمنى مەزكۇر ژۇرنىلىڭلارغا نەچچە قېتىم ئەۋەتكەن بولساممۇ چىقمىدى. لېكىن، بەزى يازغۇچى - شائىرلارنىڭ يازغانلىكى ئەسەرلىرى داۋاملىق چىقىپ تۇرىدىكەن. مېنىڭچە، ئۇلارنىڭ تەھرىر بۆلۈمدىكىلەر بىلەن مۇناسىۋىتى «پەۋقۇلئاددە» قويۇقمۇ - قانداق؟
1 - ئاۋغۇست پولات - تۆمۈر شىركىتىدىن: شىرئەلى مۇھەممەت

جاۋاب: مېنىڭچە سىز ئۆزىڭىز ۋە باشقا يازغۇچى - شائىرلار بىلەن تەھرىر بۆلۈمىدىكىلەرنىڭ «پەۋقۇلئاددە» مۇناسىۋىتىنىڭ قويۇق- سۇيۇقلىقىدىن ئارتۇقچە گۇمانلانماي، بېشىڭىزنى بۇرۇنقىغا قارىغاندا تېخىمۇ ھەسسىلەپ قاتۇرۇڭ. ئىشىنىمەنكى، سىزنىڭ بېشىڭىزمۇ ئۇلارنىڭ بېشىدەك قاتقاندا، ئەسىرىڭىز ژۇرنىلىمىزدا چوقۇم ئېلان قىلىنىدۇ.

سوئال: مەن بۇ يىل 28 ياشقا كىرىپ قالدىم. توي قىلىپ ئۆزۈم ۋە ئاتا - ئانامنىڭ غېمىنى بىريولىلا ھەل قىلاي دەپ، قانداق قىز بىلەن توي قىلىش توغرىسىدا ئاغىينىلىرىمگە مەسلىھەت سالسام، بەزىلىرى دېھقان قىز بىلەن توي قىل رايىش كېلىدۇ، دەيدۇ؛ يەنە بەزىلىرى خىزمەتچى ياكى پۇلدار قىز بىلەن توي قىل تۇرمۇشتا قىينالمايسەن، دەيدۇ. ئۇلارنىڭ گەپلىرىنى ئاڭلاپ بېشىم بەك قاتتى، قانداق قىلسام بولار؟
- غۇلجا ناھىيە تۇرپانيۈزى يېزىسىدىن: ئەرشىدىن ئەخەت

جاۋاب: خوتۇننى ئەل - ئاغىينىلەر بىلەن بىرلىشىپ ئالغىلى بولمىغاندىن كېيىن، مەسلىھەتنى ئاز سېلىپ، «ئۆزىگە يارىغان خانغا ياراپتۇ» دېگەن گەپ بويىچە، كۆڭلىڭىزگە ياققىنىنى ئالمامسىز.

سوئال: «چىرايلىقنىڭ دەردى يامان، سەتنىڭ ھالى» دېگەن ماقال باشقىلارنى كۆرەلمىگەنلىكمۇ ياكى مەسخىرە قىلغانلىقمۇ؟
_ ئاقسۇ ۋىلايەتلىك يېزا ئىگىلىك بانكىسىدىن: ئابدۇسەمەت ئابدۇرېھىم
جاۋاب: بۇ، چىراي شەكلى ...

يۇقىرىقى ئەسەرنىڭ تولۇق مەزمۇنىنى كۆرگىڭىز بارمۇ ؟ ئۇنداقتا ژۇرنىلىمىزنى سېتىۋېلىڭ! مۇشتەرى بولۇڭ!

ژۇرنىلىمىزغا يىللىق مۇشتەرى قوبۇل قىلىش باشلاندى، جايلاردىكى پوچتىخانىلاردىن ياكى مىللەت- دىن ئىشلىرى ئىدارىلىرىدىن مۇشتەرى بولالايسىز، پوچتا ۋاكالەت نومۇرى 117-58

بىر يىللىق باھا: 27يۈەن
يېرىم يىللىق باھا: 13.5 يۈەن
ژۇرنال يەككە باھاسى: 4.5يۈەن

ژۇرنىلىمىزنى ھەم ھەرقايسى كىتاب بوتكىلىرىدىن سېتىۋالالايسىز!

شەھەر ئىچى ھەقسىز 8 سائەت ژۇرنال يەتكۈزۈش تېلېفونى : 0991-8569662
بىر تېلېفون بىلەن ژۇرنالنى قولىڭىزغا ئالىسىز!