ئوتتۇزغا كەپتۇق

mihri

ئەسسالامۇ ئەلەيكۇم!تېمامغا خۇش كەپسىز.مەزمۇنغا قارىتا كۆز قاراشلىرىڭىزنى يىزىشنى ئۇنۇتمىغايسىز.!!
ئوتتۇزغا كەپتۇق
ئاپتۇرى : نەزەردىن جامالىدىن
( مۇشۇ ياشتىكى دوستلارغا ئاتاپ )
ئوتتۇزغا كەپتۇق ...
تۈگەپ قاپتۇ ئۆمۈر يېرىمى ،
سوقۇلۇپتۇ تۇرمۇشنىڭ تېمى ،
ئەمدى تۇرمۇش ، بالىنىڭ غېمى ،
ئەل سورايدۇ شاشلىقىڭ قېنى ،
ئېغىر - بېسىق بوپ قاپتۇق ئەجەپ ،
ئات چېپىپتۇق ئەمدى تۇرمۇش دەپ ،
قولىمىزدا ئاتنىڭ تىزگىنى .
ئوتتۇزغا كەپتۇق ...
خوشلىشىپتۇ بىزدىكى ياشلىق ،
كۆرۈنمەيدۇ ئەمدى بەڭباشلىق ،
ئۆزىمىزگە ئۆزىمىز باشلىق ،
ياراشمايدۇ ھىلقىدەك شاشلىق ،
قېنىق ئەمەس قاشلاردا قاشلىق ،
توي قىلغانلار ۋاي ئائىلەم دەپ ،
قېلمىغانلار توي غېمىنى يەپ ،
باشقا كەلسە بەزىدە غەملەر ،
بېرىدىغان بوپتۇق بەرداشلىق .
ئوتتۇزغا كەپتۇق ...
ئاتا - ئانا قەدرىگە يەتتۇق ،
گۈدەكلىكنىڭ يىنىدىن كەتتۇق ،
ئەسلىگەندە ياشلىقىمىزنى ،
بەزەن تېخى ھەسرەتمۇ چەكتۇق ،
تەجىربىمىز بار بولدى ئەمدى ،
يامان يولدىن بىز نېرى كەتتۇق .
چۈشەنمەيتتۇق تۇرمۇش دېگەننى ،
ئەمدى ئەشۇ تۇرمۇش ئۈچۈن بىز ،
گۇناھلارنىڭ ئىشىكىنى ئەتتۇق .
ئوتتۇزغا كەپتۇق ...
بىر چاغلاردا چوڭ بولساڭ دەيتتۇق ،
چوڭ بولۇشنىڭ غېمىنى يەيتتۇق ،  
ئىنسان دېگەن ئەجەپكەن ، ئەمدى ــ
بالىلىقنىڭ قەدىرىگە يەتتۇق.
رەخمەت سىزگە!! سەئىدىيە گۈزەل سەنئەت تورى ھەر ۋاقىت سىزگە ئوخشاش بىلىمخۇمارلارنى قىزغىن قارشى ئالىدۇ!!بىكىتىمىزدىكىمەزمۇنلارنى باشقا توردا ئېلانقىلماقچى بولسىڭىز ،بىكىتىمىزنى ئەسكەرتىشنى ئۇنۇتماڭ