شىۋىتسىيە ئالىملىرىنىڭ ئېيتىشىچە، ئەرلەر جۆرىسى قازا قىلغاندىن كېيىن قايتا توي قىلسا نېرۋا كېسىلىنىڭ ئالدىنى ئالالايدىكەن.

ئەنگىلىيە كۈندىلىك پوچتا گېزىتىنىڭ يېقىندىكى خەۋىرىگە قارىغاندا، شىۋىتسىيە ئالىملىرىنىڭ ئېيتىشىچە، جۆرىسىدىن ئايرىلىپ قالغان بويتاق ئەرلەر قايتا ھەقىقىي سۆيگۈنى تاپالىسا، بۇ ئۇلارنىڭ يۈرەك يارىسىنىڭ ساقىيىشىغا ياردەم بېرىپلا قالماستىن بەلكى يەنە نېرۋا كېسىلىنىڭ ئالدىنى ئالالايدىكەن. شىۋىتسىيە گېتپو ئۇنىۋېرسىتىتىنىڭ تەتقىقاتچىلىرى 700دىن ئارتۇق ئايالى راك كېسىلى بىلەن ئۆلۈپ كەتكەن ئەرلەرنى تەكشۈرگەن، تەكشۈرۈش نەتىجىسىدە كۆرسىتىلىشىچە، ئايالى ئۆلۈپ كەتكەندىن كېيىن يەنە ئۇزاق يىللارغىچە بويتاق يۈرگەن ئەرلەرنىڭ نېرۋا كېسىلىگە گىرىپتار بولۇش ئېھتىماللىقى تېخىمۇ يۇقىرى بولىدىكەن. ئۇلار دائىم روھى چۈشكۈن، ئۇيقۇسىزلىقنىڭ دەردىنى كۆپ تارتىدىكەن، ھەتتا ئامالسىز تىنچلاندۇرۇش دورىسى قاتارلىقلارنى ئىستىما قىلىدىكەن. ئەمما يېڭىدىن قايتا توي قىلغان بويتاقلار ئاسانلا بۇ قايغۇدىن ئەسلىگە كېلەلەيدىكەن.
بۇ تۈرلۈك تەتقىقاتقا مەسئۇل گوننار مۇنداق دېدى:«بىزنىڭ تەتقىقاتىمىز تۇنجى قېتىم شۇنى ئىسپاتلىدىكى، جۆرىسى قازا قىلغاندىن كېيىن ئۇزاققىچە بويتاق ئۆتكەن ئەرلەر نېرۋا كېسەللىكىگە گىرىپتار بولۇش خەۋپىگە دۇچ كېلىدۇ.شۇڭا يېڭى ھەمراھنىڭ ھېسىيات جەھەتتىن قوللىشى ھەقىقەتەن ئەرلەرنىڭ ئازاپىنى يېنىكلىتىشتە چوڭ رول ئويناپ، ئۇلارنىڭ نېرۋا كېسىلىنىڭ ئاسارىتىدىن قۇتۇلىشىغا ياردەم بېرىدۇ.