مۇز ئاستىدا مۇكەممەل ساقلىنىپ قالغان 5000 يىللىق مومىيا؛

قۇشۇلغان ۋاقتى : 2011/12/13 10:29:14        كۆرۈلىشى: 2873 قېتىم

    بەش مىڭ يىل ئاۋالقى يېڭى تاش قوراللار دەۋىرىكى ياۋرۇپا ئادىمىنىڭ ھەقىقى چىرايىنى كۆرگىڭىز بارمۇ؟ئەينى دەۋىردىكى ياۋرۇپا ئادىمىنىڭ تۇرمۇش ئەھۋالىنى بىلگۇڭىز بارمۇ؟مۇز ئادەم ئاۋسى سىزنىڭ ئارزۇيىڭىزنى ناھايتى ياخشى قاندۇرالايدۇ.مۇز ئادەم ئاۋسى 5300 يىلدىن ئارتۇق تارىخقا ئىگە مومىيا،يەنە كېلىپ قەدىمقى زاماندىن ھازىرىغا قەدەر ناھايتى مۇكەممەل ساقلىنىپ قالغان مومىيا،بۇ مومىيانىڭ ناھايتى يۇقىرى بولغان ئىلمىي تەتقىقات قىممىتى بار.1991-يىلى گىرمانىيە ساياھەتچىلىرى ئىتالىيە ۋە ئاۋىستىرىيە چىگىرىسىدىكى ئارپىش تېغىدىكى مۇزلۇقتىن بۇ مومىيانى بايقىغان.ئارپىش تېغىنىڭ سوغۇق كېلىماتىدا بۇ مومىيا ناھايتىمۇ مۇكەممەل ساقلىنىپ قالغان.نۆۋەتتە ئالىملارنىڭ مومىياغا بولغان كۈزىتىش ۋە تەتقىقاتى داۋاملىق ئېلىپ بېرىلماقتا.
      مۇز ئادەم ئاۋسى تەخمىنەن مىلادىدىن ئىلگىرىكى 3300 -يىللىرى ئۆلگەن بولۇپ،ئالىملار مۇز ئادەم ئۆلگەن ۋاقىتتا 45 ياشتا بولۇشى مۇمكىن دەپ پەرەز قىلدى.مۇز ئادەم ئاۋسى ھازىرىقى زامان ئادملىرىنى زور مىقداردىكى ئەينى ۋاقتتىكى ياۋرۇپالىقلارنىڭ تۈرمۇشىغا ئالاقىدار ئۈچۈرلىرى بىلەن تەمىنلەپ بەردى.مۇز ئادەم ئاۋسى بايقالغاندىن كېيىن ئالىملار زور مىقداردىكى يۇقىرى ئىنىقلىقتىكى سۈرەتلەرنى تارتتى ۋە بىر تور بېكەتتە ئىلان قىلدى.كىشلەر ئاۋسىنىڭ بەدىنىنى يەنىمۇ ئوچۇق كۆرۇش ئۈچۈن بۇ تور بېكەتكە چىقىپ مومىيانىڭ ھەر قايسى بۆلەكلىرىنى يەنىمۇ چوڭايتىپ كۆرۇشتى.
      ئاۋسى بايقالغاندىن بۇيانقى 20 يىلغا يېقىن ۋاقىت ئىچىدە نۇرغۇن دۆلەتلەردىكى مۇتەخەسىس ۋە ئىنژىنىرلار گۇرۇپپىسىدىن تەشكىللەنگەن تەتقىقات گۇرۇپپىسى ئالىي پەن-تېخنىكىدىن پايدىلىنىو بۇ جەسەتكە قارىتا تەتقىقات ئېلىپ بېرىپ بۇنىڭدىكى سىرنى ئېچىشقا ئۇرۇندى.ئەمما ئەپسۇسلىنارلىقى شۈكى بۇ مومىيا بىلەن ئۈچراشقان كۆپ قىسىم ئادەملەر مومىيانىڭ قارغىشىغا ئۈچراپ كەينى-كەينىدىن ھەر خىل ۋەقەلەرگە ئۈچراپ قازا قىلدى.
      داڭلىق ئالىم باھالاش مۇتەخەسىسى لەينۇ ھىڭيىن تۈنجى بولۇپ مۇز ئادەمنىڭ قارغىشىغا ئۈچرىدى.ئۇ بىرىنچى تۈركۈمدە مۇز  ئادەم ئاۋسى مومىيا ئادەم بىلەن ئۈچراشتى.شۇ يىلى ئۇ شاگىرىتلىرى بىلەن قار دۆۋىلىرى ئىچىدىن مۇز ئادەم ئاۋسىنىڭ جەسىتىنى كولاپ چىققان.ئەمما بىر يىلدىن كېيىن مۇز ئادەم ئاۋسىغا ئالاقىدار بىر قېتىملىق تەتقىقات مۇھاكىمە يىغىنىغا قاتنىشىش ئۈچۈن كېتىۋاتقاندا تۇقسىز ماشىنا ۋەقەسىدە يارلىنىپ قازا قىلدى.2004-يىلى 10-ئايدا خىرمۇت سېمۇن تاققا يامىشىۋاتقاندا بەخىتكە قارشى قار كۆچۇشكە ئۈچراپ ئۆزىمۇ بىر قار ئادەمگە ئايلىنىپ كەتتى.
      مۇز ئادەم ئاۋسىنىڭ جىنسى ئەر بولۇپ،قازا قىلغاندا 45 ياش ئەتراپىدا،ئۇنىڭ بويى شۇ دەۋىردىكى ئوتتۇرا بويغا كىرىدىغان بولۇپ،بوي ئىگىزلىكى 1.60 مېتىر،ئورۇق ۋىجىك كەلگەن،بەدەن ئېغىرلىقى 50 كىلوگرام.ئۇتتۇر چىشى ئارلىقىدا رۇشەن كاۋاك بار،ئەقىل چىشى يوق.