بۈگۈن يەنى نۇرۇز ئېينىڭ 26- كۈنى چۈشتىن كېيىن سائەت 2:00 دە ئۈرۈمچى شەھىرى ئىتتىپاق يولىغا جايلاشقان شىنجاڭ تېلېۋىزىيە ئىستانىسى دەرۋازىسى ئالدىدا تولىمۇ ئەھمىيەتلىك ۋە كىشىنى تەسىرلەندۈرىدىغان بىر پائالىيەت ئۆتكۈزۈلدى ، يەنى بۇ پائالىيەت بولسا  blip ئۈمىد ئىللىقلىق يەتكۈزۈش توپىنىڭ تەشكىللىشى بىلەن تور ، كۆچمە ئۈسكۈنە قاتارلىق ۋاستىلەردىن پايدىلىنىپ تەشكىللەنگەن ئىئانە توپلاش پائالىيىتى .  
بۈگۈنكى پائالىيەتكە ئىللىقلىق يەتكۈزۈش توپىنىڭ ئەزالىرى ، جەمئىيەتتىكى كۆزگە كۆرۈنگەن ئارتېس ، ناخشىچى ۋە رىياسەتچى قاتارلىق كىشىلىرىمىز ۋە ئاقكۆڭۈل ، مىھرىبان كىشىلىرىمىز ئۆزلىگىدىن قاتنىشىپ قىزلىرى ئۈچۈن ياش تۆككەن بوۋايغا ياردەم قىلىپ ئىئانە توپلاپ ئۆزىنىڭ بىر كىشلىك كۆڭلىنى يەتكۈزدى . 
 
بۇ بوۋىمىزنىڭ بىر قىزى بۆرەك كېسىلىگە گىرىپتار بولغانىكەن ، شۇ قىزنىڭ ئاچىسى سىڭلىسىغا بۆرىكىنى تەقدىم قىلىپتۇ ، بوۋىمىز ئىككى قىزىنىڭ داۋالىنىش راسخوتى ئۈچۈن كۆپ تىرىشتى ۋە كۆپ ياش تۆكتى ، ئاخىرى ياخشى نىيەتلىك كىشىلىرىمىزنىڭ ياردىمى بىلەن بۇ ئىشلارمۇ ئاسانغا چۈشۈپ قالغۇسى . 

يەنە ياردەم بېرىشنى خالايدىغان قېرىنداشلار بىۋاستە ئالاقىلشساڭلار بولىدۇ.