گۇگېل بىلەن Facebook ئىستېمالچىلار ئەڭ ئىشەنگەن ئالدىنقى 50 ماركا ئىچىگە كىرەلمىدى

Prophet نامىدىكى بازار تەكشۈرۈش شىركىتى يىقىندا 10 مىڭ نەپەر ئىستېمالچى ئۈستىدە راي سىناش ئېلىپ بېرىپ، ئۇلاردىن ئۆزى ئەڭ ئىشىنىدىغان ماركىنى تاللاشنى تەلەپ قىلغان، 400 داڭلىق ماركا بۇ قېتىملىق راي سىناش پائالىيىتىگە قاتناشتۇرۇلغان. ئويلىمىغان يەردىن، Facebook ۋە گۇگېل قاتارلىقلار ئامېرىكىدىكى «ئىستېمالچىلار ئەڭ ئىشەنگەن ماركا» تۈرىدە ئالدىنقى 50 نىڭ ئىچىگە كىرەلمىگەن، پەقەت 55-ۋە 98–ئورۇندا تۇرغان.

Prophet نىڭ چۈشەندۈرۈشىچە، بۇ ئىككى شىركەت گەرچە تېخنىكا ساھەسىدىكى داڭدارلار بولسىمۇ، ئەمما ئۇلار ئىستېمالچىلارنىڭ ئىشەنچ كىرزىسىگە دۇچ كەلگەن. Prophet شىركىتى بۇ ھەقتە مۇنۇلارنى ئېيتقان: «ئىستېمالچىلار ئەڭ رازى بولغان تور سۇپىسى ئىچىدە، Facebook كىشىلەرنىڭ ئىجتىمائىي ئالاقىدىن ئىبارەت بۇ خىل مۇھىم ئېھتىياجىنى قاندۇرغانلىقتىن، 30-ئورۇنغا تىزىلغان.» بىراق، «ئىستېمالچىلار ئەڭ تايىنىشقا ئەرزىيدىغان ماركا» بويىچە تاللاش ئېلىپ بارغاندا، Facebook ئاران 133-ئورۇنغا تىزىلغان.

 Prophet نىڭ دېيىشىچە، Facebook ئەگەر ئابونتلارنىڭ ئىشەنچىسىنى قولغا كەلتۈرەلمىسە، ئۇنداقتا AOL ياكى MySpace گە ئوخشاش كۈنگە قېلىشى مۇمكىن ئىكەن.