پارىژدىكى تېرورلۇق ھۇجۇمىدا ئۆلگەنلەرنىڭ سانى 197 گە يەتتى

تاراتقۇلارنىڭ خەۋىرىگە ئاساسلانغاندا، ئېگىلىنىشىچە،پارىژدا يۈز بەرگەن ھۇجۇم قىلىش ۋەقەسىدە باكتالان تىياتىرخانىسىدا قازا قىلغان كىشىلەرنىڭ سانى 197 گە يەتكەن بولۇپ، نەق مەيداننى بېشىدىن ئۆتكۈزگەن ئامان قالغۇچىنىڭ بىلدۈرىشىچە، تېرورچىلار 10 مىنۇتتىن 15 مىنۇتقىچە تىياتىرخانىدىكى كىشىلەرگە قارىتىپ ئوق چىقارغان، خەۋەرلەرگە ئاساسلانغاندا، بۇ تېرورچىلار AK47 تىپلىق ئاپتومات ئارقىلىق بۇ بىگۇناھ كىشىلەرنى ئۆلتۈرگەن.ئۇنىڭدىن باشقا تۈنۈگۈن ئېلىپ بېرىلغان، فىرانسىيە بىلەن گېرمانىيەنىڭ دۆلەت ئارا پۇتبول مۇسابىقىسى مەيدان سىرتىدىمۇ پارتلاش يۈزبەرگەن بولۇپ، مۇسابىقە ئېلىنغان سىن لىنتىسىدا پارتلاشنىڭ ئاۋازى ئېنىق ئاڭلانغان. ئېگىلىنىشىچە، بۇ مۇسابىقىگە ھوللاندىمۇ بارغان بولۇپ، پارتلاش يۈزبەرگەندىن كېيىن، بىخەتەر جايغا يۆتكەلگەن.شۇ جاي ۋاقىتى 13- نويابىر كەچ، پارىژدا كۆپ قېتىم تېرورلۇق ھۇجۇمى يۈز بەرگەن بولۇپ، بۇلار يەتتە قېتىملىق قوراللىق ھۇجۇم قىلىش، ئالتە قېتىملق پارتلاش ۋەقەسى ۋە باكتالان تىياتىرخانىسىدا يۈز بەرگەن تۇتقۇن قىلىش ۋەقەسىنى ئۆزى ئىچىگە ئالىدىكەن.فرانسىيە پىرىزدىتى ھوللاندى 13- نويابىر پارىژدا يۈز بەرگەن تېرورلۇق ھۇجۇمى ۋەقەسى ئىلگىرى كۆرۈلۈپ باقمىغان تېررورلۇق ھۇجۇمى، دېگەن.ھەمدە پۈتۈن فىرانسىيەنىڭ جىددىي ھالەتكە كىرگەنلىكىنى، چېگرالارنىڭ تاقالغانلىقىنى بىلدۈرگەن.