گۇگول Chrome ۋە Androidنى بىرلەشتۈرمەكچى

قۇشۇلغان ۋاقتى : 2015/11/3 23:09:22        كۆرۈلىشى: 455 قېتىم

چەتئەل مېدىيەلىرىنىڭ خەۋىرىگە ئاساسلانغاندا، ئۇچۇر تەمىنلىگۈچىلەر 10-ئاينىڭ 29-كۈنى ئاشكارىلىشىچە، Alphabet قارمىقىدىكى تارماق شىركەت گۇگول PC مەشغۇلات سىستېمىسى Chrome بىلەن كۆچمە مەشغۇلات سىستېمىسى Androidنى بىرلەشتۈرۈشنى پىلانلاۋېتىپتۇ. بۇ تەدبىر كۆچمە ھېسابلاشنىڭ بارغانسېرى يېتەكچى ئورۇننى ئىگەللەۋاتقانلىقىنى ئىپادىلەپ بېرىدۇ.

ئۇچۇر تەمىنلىگۈچىنىڭ دېيىشىچە، بۇ ئىككى مەشغۇلات سىستېمىسىنى بىرىكتۈرۈش ئۈچۈن، گۇگولنىڭ تېخنىكلىرى ئىككى يىلغا يېقىن جاپالىق خىزمەت قىلغان. بۇ خىزمەت يېقىندا ئىلگىرىلەشكە ئېرىشكەن. ئىگىلىنىشچە، گۇگول 2017-يىلى بىرىكتۈرۈلگەن نۇسخىدىكى مەشغۇلات سىستېمىسىنى رەسىمىي چىقىرىشنى پىلانلىغان ھەمدە مەزكۇر شىركەت كېلەر يىل سىرتقا دەسلەپكى نۇسخىدىكى يېڭى مەشغۇلات سىستېمىسىنى نامايان قىلىدىكەن.

Android نۆۋەتتە دۇنيادىكى ئەڭ كەڭ قوللىنىلىۋاتقان مەشغۇلات سىستېمىسى، 1 مىلياردتىن ئارتۇق ئەقلىي يانفون قوللايدۇ ھەمدە كۆپلىگەن شىركەتلەر باشقا ئەسلىھەلەر قوللايدۇ. PC مەشغۇلات سىستېمىسى بولۇش سۈپىتى بىلەن، Chrome ئاساسلىقى Chromebook قاتارلىق يان كومپيۇتېر ۋە ئۈستەل كومپيۇتېردا قوللىنىدۇ. بازار تەكشۈرۈش شىركىتى IDC نىڭ ئىستاتىستىكا سانلىق مەلۇماتىدا كۆرسىتىلىشىچە، Chrome يەنىلا پەقەت PC كومپيۇتېر مەشغۇلات سىستېمىسى بازىرىدىكى كىچىك مەھسۇلات بولۇپ، ئۈلۈشى %3كە يەتمەيدىكەن.

ئۇچۇر تەمىنلىگۈچىنىڭ دېيىشىچە، گۇگول چىقىرىدىغان يېڭى نۇسخىدىكى Android مەشغۇلات سىستېمىسى ئوخشاشلا PCنى قوللايدىغان بولۇپ، ئابۇنتلار ئەپ دۇكىنى Google Playغا كىرەلەيدىكەن.