«ئالتۇن ئۆسمۈر» ئوۋېن شىنلاڭ تەنتەربىيەسىگە قوشۇلدى

قۇشۇلغان ۋاقتى : 2015/8/8 14:28:31        كۆرۈلىشى: 500 قېتىم

«ئالتۇن ئۆسمۈر» ئوۋېن شىنلاڭ تەنتەربىيەسىگە قوشۇلدى. ئۇ ئېنگىلاندتىكى كوماندىلارنىڭ رەت-تەرتىپىگە قارىتا پەرىزىنى ئوتتۇرغا قويدى.

سىنا تەنتەربىيەسى خەۋىرى، نۇر تورى تەرجىمىسى: «ئالتۇن ئۆسمۈر» ئوۋېن شىنلاڭ (sina ) تەنتەربىيەسىگە قوشۇلدى! شىنلاڭ بولسا جۇڭگودىكى ئەڭ چوڭ تاراتقۇ ئورنى بولۇپ ھېسابلىنىدۇ. شىنلاڭ تەنتەربىيەسى ئەينى چاغدا ياۋروپا پۇتبول سەھنىسىنى زىلزىلىگە سېلىۋەتكەن ئەنگىلىيەلىك داڭلىق توپچى ئوۋېن بىلەن ئىككى يىللىق خىزمەت توختامى ئىمزالىدى، كېيىنكى ئىككى يىلدا توپ مەستانىلىرى ئوۋېننىڭ شىنلاڭ تەنتەربىيەسدىكى ئانالىز ۋە چۈشەندۈرىشىنى ئاڭلايدۇ، 2016-يىلىدىكى ياۋروپا لوڭقىسى پۇتبول مۇسابىقىسى، ياۋروپا چېمپىيونلۇق بىرلەشمىسى قاتارلىق دۇنيادىكى چوڭ مۇسابىقىگە قارىتا ئوۋېن ئانالىز ئېلىپ بارىدۇ. ئۇنىڭدىن باشقا ھەر ھەپتىدىكى مۇسابىقىگە قارىتا پىكىر بايان قىلىدۇ ۋە مۇنازىرە ماقالىسى ئېلان قىلىدۇ، شۇنداقلا ئۇ ھەر ئايدا بىر قېتىم تورداشلارنىڭ سوئالىغا جاۋاب بېرىدۇ، بۇ جۇڭگو توپ مەستانىلىرىگە نىسبەتەن خۇشاللىق ئىش.

ئوۋېن تۇنجى قېتىم ئېنگىلاند دەرىجىدىن تاشقىرى بىرلەشمىسىگە كۆز قارىشىنى ئوتتۇرغا قويۇپ ئۆتتى. ئوۋېن مۇنداق دېگەن: «مېنىڭ قارىشىمدا، يېڭى پەسىللىك ئېنگىلاند دەرىجىدىن تاشقىرى بىرلەشمىسدە چېلسى كوماندىسى يەنە چېمپىيون بولىدۇ، ئالدىنقى پەسىلنىڭ چېمپىيونى بولۇش سۈپىتى بىلەن چېلسى كوماندىسى بۇ پەسىل تېخىمۇ كۈچەيدۇ، بۇ پەسىلدىكى توپچىلار ۋە باشقا ئورۇنلاشتۇرۇش ئالدىنقى پەسىلدىكىگە سېلىشتۇرغاندا ئاساسەن ئوخشاش، ئالدىنقى پەسىل چېلسى كوماندىسى ئاسانلا چېمپىيونلۇقنى قولغا كەلتۈردى. مېنىڭ قارىشىمدا، بۇ قېتىم چېلسى يەنە ياخشى نەتىجە ئالىدۇ»

مانچېستىر بىرلەشمىسى ئاخىردا ئىككىنچى بولىدۇ، مانچېستىر بىرلەشمە كوماندىسنىڭ مەشقاۋۇلى ۋانگالغا مېنىڭ ئىشەنچەم بار، ئۇ كەسپىي مەشقاۋۇللۇق ھاياتىدا ئىزچىل مۇۋاپىقىيەت قازىنىپ كەلدى، يېقىندا مانچېستىر بىرلەشمە كۇلۇبى كۆپلىگەن توپچىلارنى يۆتكەپ كەلدى، بۇ كوماندا بىزگە خوشاللىق ئېلىپ كېلىدۇ، ئېھتىمال چېمپىيون بولۇشى، ياكى يەنە تۆتىنچى ئورۇننى ساقلاپ قېلىشى مۇمكىن! راستىنى دېگەندە مەن بۇ كوماندىنىڭ ئاخىرقى رەت-تەرتىپىنى پەرەز قىلىشنى بىلمەي قالدىم، بىراق مۇنەۋۋەر بىر مەشقاۋۇل ۋە يېڭى كەلگەن توپچىلار كوماندىغا كۈچ قوشىدۇ، ئۇلار قالتىس بىر پەسىلنى ئۆتكۈزىدۇ.

ئارسېنال كوماندىسى ئۈچىنچى ئورۇنغا تىزىلىدۇ، ئۇلار دائىم ئۈچىنچى ۋە تۆتىنچى ئورۇن ئارىلىقىدا كېتىۋاتىدۇ، ئارسېنال كۇلۇبى يازدا داڭلىق ۋاراتار چېخنى سېتىۋالدى، لېكىن ئارسېنال كوماندىسى چېمپىيون بولىمەن دەيدىكەن، ئۇ چاغدا چۇقۇم دۇنياۋىي سەۋىيەلىك ھۇجۇمچى يۆتكەپ كېلىشى كېرەك، مانچېستىر شەھىرى تۆتىنچى بولىدۇ، بۇ كوماندىدا داڭلىق توپچىلار بار، ماڭا نىسبەتەن، ئويلىمىغان يەردىن پېلېگرىنى يەنە مەشقاۋۇللۇق ئورنىنى ساقلاپ قالدى، مۇبادا چېمپىيون بولغان تەقدىردىمۇ، بۇ مەشقاۋۇل پېلېگرىنىنىڭ ئەڭ ئاخىرقى مۇسابىقە پەسلى بولىدۇ قالىدۇ.

بەشىنچى بولىدىغان كوماندا بولسا مېنىڭ كونا ئائىلەم لىۋېرپول، مەشقاۋۇل روجىېس بۇ يىل يازدا كۆپلىگەن توپچىلارنى يۆتكەپ كەلدى، شۇڭا مەن توپچىلارنىڭ ھازىرقى ئەھۋالىغا قاراپ باقاي، ئەمما بېنتېك، مېلنىر قاتارلىق توپچىلار بار لىۋېرپول كوماندىسنىڭ يېڭى پەسىلدىكى نەتىجىسى ناچار بولمايدۇ، ئالتىنچى بولىدىغان كوماندىنى پەرەز قىلماق ھەقىقەتەن تەس، شۇنداقتىمۇ مەن توتىنھام رېس كوماندىسنى تاللىدىم، ئۇلار ھەر بىر پەسىلدە دائىم مۇشۇ ئورۇنغا يېقىنلىشىپ قالىدۇ. بولدى، بۇ مېنىڭ ئېنگىلاند دەرىجىدىن تاشقىرى بىرلەشمىسىگە قىلغان نەتىجە پەرىزىم، بىز تولۇق بىر پەسىللىك مۇسابىقىدىن ھۇزۇرلىنايلى....بىز ئۇزۇنغا قالماي كۆرىشىمىز......