گىرمانىيە تاراتقۇلىرى خان مادرىد ۋە بارسېلونانى مەسخىرە قىلدى

قۇشۇلغان ۋاقتى : 2013/5/2 10:50:14        كۆرۈلىشى: 883 قېتىم

تىڭشۈن تەنتەربىيە خەۋىرى: بايرىن ميۇنخىن ۋە دوردمۇند كوماندىسى ياۋروپا ئۇزغۇنلۇق تالىشىش مۇسابىقىسىدە گىرمانىيەلىكلەرنىڭ يۈزىنى يورۇق قىلدى، پۇتبول كۈچلۈك دۆلىتىگە خاس ئىشەنچىنى ئەسلىگە كەلتۈرگەن گىرمانىيە تاراتقۇلىرىمۇ ھاياجانلانغىنىدىن ھەرخىل ئۇسۇللار بىلەن ئىسپانىيەلىكلەر ئۈستىدىن قىلغان غەلبىسىنى تەبرىكلەشتى. ياۋروپا ئۇزغۇنلۇق تالىشىش مۇسابىقىسىنىڭ تۇنجى ئايلانمىسى باشلىنىشتىن بۇرۇن گىرمانىيە تەنتەربىيە تېلىۋىزىيە قانىلى قىسقا ئېلان فىلىمى ئىشلەپ ئىسپانىيەنىڭ بۇ ئىككى كوماندىسىغا تەسىر قىلدى ھەمدە بۇ ئارقىلىق كۆرۈلۈش نىسبىتىنى يۇقىرى كۆتۈرمەكچى بولدى.
      قىسقا فىلىم مادرىدنىڭ كالا سوقۇشتۇرۇش مەيدانىنى ئارقا كۆرۈنۈش قىلغان بولۇپ، كۈن نۇرى پارلاپ چېچىپ تۇرغان مەيدانغا بىر كالا سوقۇشتۇرغۇچى ئېغىر قەدەملەر چىقىپ كېلىدۇ. دەل شۇ ۋاقىتتا ساقال قويىۋالغان بۇ كالا سوقۇشتۇرغۇچى يىغلامسىراشقا باشلايدۇ، كالىنىڭ دۈمبىسىگە سانجىلىدىغان «نەيزە» ئۇنىڭ كاسسىسىغا سانجىلىپ قالىدۇ. بۇنىڭ بىرسى بايرىن مىيۇنخىننىڭ كوماندا بايرىقى يەنە بىر دوردمۇند كوماندىسىنىڭ كوماندا بايرىقى. گىرمانىيەنىڭ بۇ تەنتەربىيە قانىلى بۇ ئېلان فىلىمىگە ئىسپانچە «خەير-خوش دوستۇم» دەپ ماۋزۇ قويغان، ئېلان سۆزىگە نېمسچە «ۋېمبىلېي سەپىرى» دەپ يازغان.