چاۋشىيەن كورىيەگە ھۇجۇم قىلغان تەشۋىقات فىلىمى تارقاتتى

قۇشۇلغان ۋاقتى : 2013/3/24 20:37:44        كۆرۈلىشى: 1277 قېتىم

جۇڭگو خەۋەر تورىنىڭ 3-ئاينىڭ 24-كۈنىدىكى خەۋىرى، نۇر تورى تەرجىمىسى: چاۋشىيەن مەركىزى ئاگىنتلىقىنىڭ خەۋەر قىلىشىچە، 22-چىسلا تارقىتىلغان تۆت مىنۇتلۇق قىسقا فىلىمن چاۋشىيەن ھۆكۈمەت قارمىقىدىكى تور بېكىتىنى تەمىنلىگەن بولۇپ، تېمىسى «بىر مەيدان ئۈچ كۈنلۈك قىسقا ئۇرۇش» ئىدى.
فىلىمدە دەسلەپتە چاۋشىيەننىڭ زەمبىرىكى ۋە راكىتا ئەترىتىنىڭ ئوت ئاچقان ھالىتى كۆرسىتىلىدۇ، ئاندىن كىيىن چاۋشىيەن ئارمىيىسى چاۋشىيەن-كورىيە ھەربىي ئىشلار چىگرىسىدىن ئۆتۈپ زور كۆلەملىك قۇرۇقلۇق قىسىم ئۇرۇشى ۋە ھاۋادىن بومباردىمان قىلىش ئېلىپ بارىدۇ. فىلىمدە چۈشەندۈرگۈچى چاۋشىيەن ئارمىيىسىنىڭ ھوجۇم قىلغان ۋاقىتتىكى ئوخشىمىغان باسقۇچلىرىنى تونۇشتۇرىدۇ، يەنى كۈچلۈك قىرغىن قىلىش كۈچىگە ئىگە قۇراللار بىلەن ئامېرىكىنىڭ تىنچ ئوكيان باش شىتابى قارمىقىدىكى ھەربىي قىسىمنى ئوتقا تۇتۇش قاتارلىقلار.  چۈشەندۈرگۈچى مۇنداق دېدى:«خۇددى قارا يامغۇرغا ئوخشاش، چاۋشىيەن ئارمىيىسى پايتەخىت سىئول ۋە باشقا بىر قىسىم شەھەرلەرنى ئىگىلەيدۇ ۋە شۇنداقلا 150 مىڭ نەپەر ئامېرىكىلىق پۇقرانى ئەسىر قىلىدۇ.»
بۇ يىل 2-ئاينىڭ 2-كۈنى چاۋشىيەن ھۆكۈمەت تورى «بىزنىڭ مىللەتلىرىمىز ئارىسىدا» تورى «نىيۇيورك مانخاتتانغا ھوجۇم قىلىش» تەشۋىقات فىلىمىنى تارقاتقان ئىدى. 3-ئاينىڭ 18-كۈنى مەزكۇر تور بېكىتى «ۋاشىنگىتونغا ھوجۇم قىلىش» ناملىق تەشۋىقات فىلىمىنى تارقاتتى ۋە شۇنداقلا چاۋشىيەن باشقۇرىلىدىغان بومبىسىنىڭ ئامېرىكىنىڭ ئاق ساراي ۋە پارلامىنت بىناسىنى ۋەيران قىلغان ھالىتىنى كۆرسەتتى.
چاۋشىيەن يېقىندىن بۇيان كۆپ قېتىم چاۋشىيەننىڭ ئامېرىكىنىڭ ھەر قايسى ئىستراتىگىيىلىك ئورۇنلىرىنى بومباردىمان قىلغان ۋا ھوجۇم قىلغان ھالىتىگە تەقلىد قىلىنغان تەشۋىقات فىلىملىرىنى تارقاتتى، ئالدىنقى ئىككى قېتىملىق تەشۋىقات فىلىمىدىن باشقا يەنە «ئامېرىكا زۇڭتۇڭى ئوبامانىڭ يادرو بومبسى ھوجۇمىدىكى ئوت دېڭىزىغا غەرق بولغان ھالىتى» فىلىمىمۇ بار.
چاۋشىيەن ۋەتەن تىنچلىق بىرلىكى كومىتىتى سېكىرتار (شۇجى) ئىدارىسى 23-چىسلا جاكارلاپ، ئامېرىكا-كورىيە بىرلىشىپ ئۆتكۈزگەن «ھەل قىلغۇچ قارار» ناملىق بىرلەشمە ھەربىي مانىۋېر ۋە «ۋۇلتۇر» (Vulture) ناملىق بىرلەشمە ھەربىي مانىۋېرنى قاتتىق ئەيىبلىدى ۋە شۇنداقلا «تەلۋە دۈشمەن چوقۇم جاجىسىنى يەيدۇ» دېگەن ئىدى. 

چاۋشىيەن بىرلەشمە ئاگىنتلىقىنىڭ ئاشكارلىغان ئۇچۇرلىغا ئاساسلانغاندا، «ھەل قىلغۇچ قارار» ناملىق بىرلەشمە ھەربىي مانىۋېردىن كىيىن ئامېرىكا-كورىيە بىرلىشىپ يەنە «ۋۇلتۇر» (Vulture) ناملىق بىرلەشمە ھەربىي مانىۋېر ئېلىپ بارغان. بۇ چاۋشىيەنگە قارىتىغان «چىكىدىن ئاشقان قۇتراتقۇلۇق قىلىش» قىلمىشى دەپ ئەيىبلەندى ۋە شۇنداقلا چاۋشىيەنگە «ئوچۇق-ئاشكارە جەڭ ئېلان قىلغانلىق» دەپ قارالدى.
خەۋەردە دېيىلىشىچە، ئامېرىكا-كورىيە ئىككى تەرەپ نەچچە ئون مىڭلىغان ئەسكەرلەرنى ئاجرىتىپ، ياۋرو ئق بېشى ئېلىپ يۈرەلەيدىغان ۋە يادرو ئۇرۇشى قىلالايدىغان ئۈسكىنىلەرنى ئىشلىتىپ ئىككى ئايغا يېقىن بىرلەشمە ھەربىي مانىۋېر ئۆتكۈزدى، بۇنداق بىرلەشمە ھەربىي مانىۋېر تارىختا كۆرۈلۈپ باقمىغان ئىدى. چاۋشىيەن بۇرۇن جاكارلاپ ئۆزلىرىنىڭ پۈتۈن كۈچى بىلەن يېڭى قۇتراتقۇلۇق قىلىش قىلمىشىغا قەتئىي قارشى تۇرىدىغانلىقىنى شۇنىڭ بىلەن بىر ۋاقىتتا ئالدىن قول سېلىش تەدبىرىنى قوللىنىدىغانلىقىنى بىلدۈرگەن ئىدى. «چاۋشىيەن قۇراللىق كۈچلەرگە قۇرال بىلەن تاقابىل تۇرىدۇ، ناھايىتى يۇقىرى بولغان ئۇرۇش قىلىش تېخنىكىسى ئارقىلىق، يادرو بىلەن يادروغا قارشى تۇرىدۇ.»

خەۋەردە يەنە مۇنۇلارنى ئۇقتۇرۇلدى، ئامېرىكا ئەسلىدە سوغۇق قانلىق بىلەن ئىش قىلىشى كىرەك ئىدى ۋە شۇنداقلا كۈچلۈك قىرغىن قىلىش قۇرالى ھەمدە يادرو قۇرالىنىڭ باشقا دۆلەتلەردىمۇ بارلىقىنى ئىسىدە چىڭ تۇتۇشى كىرەك ئىدى. «ئۇرۇش پارتلىتىش مەقسىتىدە بولغان تەلۋە دۈشمەنلەر ھەرگىزمۇ قاقشاتقۇچ زەربىدىن ئۆزىنى ئېلىپ قاچالمايدۇ.»