Www.SalamUrumqi.Com - سالام ئۈرۈمچى ئونۋېرسال تور بېكىتى


مىقلاڭ	ئەسەر يوللاڭ	تىزىملىتىڭ
ساقلىۋىلىڭ	ئۇچۇر يوللاڭ	مەرھەمەت

ئاپتونوم رايونىمىزدا يېڭىدىن يەنە ئىككى شەھەر تەسىس قىلىندى

قۇشۇلغان ۋاقتى : 2012/12/29 18:06:12 كۆرۈلىشى: 1574 قېتىم

شىنجاڭ ئۇيغۇر ئاپتونوم رايونلۇق خەلق ھۆكۈمىتىنىڭ ئورگان تورى 27-دېكابىر ‹‹ گوۋۇيۈەننىڭ شىنجاڭ ئۇيغۇر ئاپتونوم رايونىنىڭ ناھىيە دەرىجىلىك شەھەر ـــ باشئەگىم شەھىرىنى تەسىس قىلىشقا قوشۇلۇپ ، تەستىقىي جاۋاب بەرگەنلىكى توغرىسىدىكى ئۇقتۇرۇشى ›› بىلەن ‹‹ گوۋۇيۈەننىڭ شىنجاڭ ئۇيغۇر ئاپتونوم رايونىنىڭ ناھىيە دەرىجىلىك شەھەر ـــ ئالاتاۋ شەھىرىنى تەسىس قىلىشقا قوشۇلغانلىقى توغرىسىدىكى تەستىقىي جاۋابى ››نى ئېلان قىلدى . گوۋۇيۈەن ئايرىم-ئايرىم ھالدا ناھىيە دەرىجىلىك شەھەرلەردىن باشئەگىم شەھىرى بىلەن ئالاتاۋ شەھىرىنى تەسىس قىلىشقا قوشۇلدى . باشئەگىم شەھىرى شىنجاڭ ئۇيغۇر ئاپتونوم رايونىنىڭ بىۋاسىتە باشقۇرۇشىدا بولىدۇ ، شەھەرلىك خەلق ھۆكۈمىتى شىڭجياڭ يولى 1-نومۇرغا جايلىشىدۇ . ئالاتاۋ شەھىرى بورتالا موڭغۇل ئاپتونوم ئوبلاستىنىڭ بىۋاسىتە باشقۇرۇشىدا بولىدۇ ، شەھەرلىك خەلق ھۆكۈمىتى ئالاتاۋ مەھەللىسى تەڭرىتاغ غەربىي كوچىسى 8-نومۇرغا جايلىشىدۇ .

باشئەگىم شەھىرى (ماتېرىيال سۈرەت) قوشۇمچە : گوۋۇيۈەننىڭ شىنجاڭ ئۇيغۇر ئاپتونوم رايونىنىڭ ناھىيە دەرىجىلىك شەھەر ـــ باشئەگىم شەھىرىنى تەسىس قىلىشقا قوشۇلۇپ ، تەستىقىي جاۋابى دۆلەت ئالاقىسى (2012) 206 نومۇرلۇق شىنجاڭ ئۇيغۇر ئاپتونوم رايونلۇق خەلق ھۆكۈمىتىگە : ئاپتونوم رايونۇڭلارنىڭ ‹‹ ناھىيە دەرىجىلىك شەھەر ـــ باشئەگىم شەھىرىنى تەسىس قىلىش توغرىسىدىكى ئىلتىماس ›› ىدىن ۋاقىپ بولدۇق . (شىنجاڭ ئۇيغۇر ئاپتونوم رايونلۇق خەلق ھۆكۈمىتى تارقاتقان (2012) 83-نومۇرلۇق) . ھازىر تۆۋەندىكىدەك تەستىق سالدۇق: 1 . ناھىيە دەرىجىلىك شەھەر ـــ باشئەگىم شەھىرىنى تەسىس قىلىشقا قوشۇلدۇق . باشئەگىم شەھەرلىك خەلق ھۆكۈمىتى شىڭجياڭ يولى 1-نومۇرغا جايلاشسۇن . 2 . باشئەگىم شەھىرى شىنجاڭ ئۇيغۇر ئاپتونوم رايونىنىڭ بىۋاسىتە باشقۇرۇشىدا بولىدۇ ، باشقۇرۇش ئۇسۇلى مۇناسىۋەتلىك ھۆججەت ، بەلگىلىمىلەر بويىچە ئىجرا قىلىنىدۇ . 3 . باشئەگىم شەھىرىنىڭ مەمۇرىي رايونلىرىنىڭ چېگرا سىزىقى يۆنىلىشى (قىسقارتىلدى ). جۇڭخۇا خەلق جۇمھۇرىيىتى گوۋۇيۈەنى 2012-يىلى 12-ئاينىڭ 17-كۈنى

ئالاتاۋ شەھىرى (ماتېرىيال سۈرەت) قوشۇمچە : گوۋۇيۈەننىڭ شىنجاڭ ئۇيغۇر ئاپتونوم رايونىنىڭ ناھىيە دەرىجىلىك شەھەر ـــ ئالاتاۋ شەھىرىنى تەسىس قىلىشقا قوشۇلغانلىقى توغرىسىدىكى تەستىقىي جاۋابى دۆلەت ئالاقىسى (2012) 205-نومۇرلۇق شىنجاڭ ئۇيغۇر ئاپتونوم رايونلۇق خەلق ھۆكۈمىتىگە: ئاپتونوم رايونۇڭلارنىڭ ‹‹ ناھىيە دەرىجىلىك شەھەر ـــ ئالاتاۋ شەھىرىنى تەسىس قىلىش توغرىسىدىكى ئىلتىماس›› ىدىن ۋاقىپ بولدۇق . (شىنجاڭ ئۇيغۇر ئاپتونوم رايونلۇق خەلق ھۆكۈمىتى تارقاتقان (2012) 83-نومۇرلۇق ) . ھازىر تۆۋەندىكىدەك تەستىق سالدۇق : 1. ناھىيە دەرىجىلىك شەھەر ـــ ئالاتاۋ شەھىرىنى تەسىس قىلىشىڭلارغا قوشۇلدۇق ، ئابىخۇ مەھەللىسى ، ئالاتاۋ مەھەللىسى ئۇنىڭ باشقۇرۇش تەۋەلىكىدە بولىدۇ ، شەھەرلىك خەلق ھۆكۈمىتى ئالاتاۋ مەھەللىسى تەڭرىتاغ غەربىي كوچىسى 8-نومۇرغا جايلاشسۇن . ئالاتاۋ شەھىرى بورتالا موڭغۇل ئاپتونوم ئوبلاستىنىڭ بىۋاسىتە باشقۇرۇشىدا بولىدۇ . 2. ئالاتاۋ شەھىرىنىڭ مەمۇرىي رايونلار چېگرا سىزىقى يۆنىلىشى (قىسقارتىلدى).